Asebter amenzawi

Asarag ɣef Uneẓruf Utrim deg tesdawit taspenyulit n La Laguna

TENERIFE (Tigzirin Tiknaṛiyin, Spenyul)– Yella-d yiwen n usarag ɣef « Uneẓruf Utrim d tuḍḍfa tameṛṛukit » deg tesdawit taspenyulit n La Laguna (Tigzirin Tiknaṛiyin) s uḥdaṛ n waṭas n waggagen (mutaqqafin), iselmaden ispenyuliyen d warraw n umɣiwan aṣeḥrawi deg Spenyul.

Yella-d usarag-a i usfugel (iḥtifal) s umulli wis 40 n usseɣret (iɛlan) n Tegduda Taɛṛabt Taṣeḥrawit Tamegdayt, yernu yella-d wawal deg usarag-a ɣef unḍerri n uɣref aṣeḥrawi d uzref-nnes i ugguccelman d uzarug ay as-ḍemnen yimtawayen igraɣlanen.

Nnan-d yimttekkiyen dakken tukci n uzref i uɣref aṣeḥrawi akken ad tt-id-yefru ɣef uzekka-nnes d netta ay d « ḍḍmana tawḥidt i talwit d urkad n temnaḍt ».

Nnan-d daɣ yimttekkiyen dakken tecɣeb-iten mliḥ tegnit imi « amɣiwan (muǧtamaɛ) agraɣlan ur yessaweḍ ara ad d-yaf tifrat i temsalt taṣeḥrawit », yernu gren-d tiɣri i ussuddes (tanḍim), war leɛḍil, n tsefrant n ugguccelman deg Uneẓruf Utrim.