ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵏⵠⵉ: 91 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵉ ⵓⵙⵙⴰⵍⵉ ⵏ ⵓⵙⵡⵉⵔ ⵏ ⵜⵜⴰⵡⵉⵍⴰⵜ
ⵜⵉⵀⴻⵔⵜ– ⵢⴻⵏⵏⴰ-ⴰⵖ-ⴷ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴻⴳⵔⴰⵡⵜ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵢⵉⵎⵙⴻⴷⴷⴰⵢⴻⵏ ⵉⵎⴳⵓⵔⴰⵏⴻⵏ (ⵙⵏⵠⵉ), ⴰⵙⵙ ⵏ ⵍⴻⵜⵏⵉⵢⴻⵏⴷ ⴻⴳ ⵜⵉⵀⴻⵔⵜ, ⴷⴰⴽⴽⴻⵏ ⵜⴰⴳⵔⴰⵡⵜ-ⴰ ⵜⴻⵙⴼⴰⵢⴷⵉ-ⴷ ⵙⴻⴳ 91 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵙⵖⵓⵔ ⵓⵏⴰⴱⴰⴹ ⴰⴽⴽⴻⵏ ⴰⴷ ⵜⴻⵙⵙⴰⵍⵉ ⴰⵙⵡⵉⵔ ⵏ ⵜⵜⴰⵡⵉⵍⴰⵜ-ⵏⵏⴻⵙ, ⴰⴷ ⴷ-ⵜⵄⴰⵡⴻⴷ ⵉ ⵜⵎⴰⵛⵉⵏⵉⵏ-ⵏⵏⴻⵙ ⵢⴻⵔⵏⵓ ⴰⴷ ⵜⴻⵙⵙⴻⵎⵖⴻⵔ ⵉⵙⵙⴻⴼⵜⵉⵢⴻⵏ-ⵏⵏⴻⵙ.
ⴷⴻⴳ ⵓⵙⴼⵓⴳⴻⵍ (ⵉⵃⵜⵉⴼⴰⵍ) ⵏ ⵓⵎⵓⵍⵍⵉ ⵏ ⵓⵙⵙⴻⴱⴷⴻⴷ ⵏ ⵜⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ (ⵓⴳⵜⴰ) ⴷ ⵓⵙⵙⴻⵖⵍⴻⵏ (ⵜⴰ’ⵎⵉⵎ) ⵏ ⵜⵎⴻⵔⵖⴰ (ⴰⵒⵉⵜⵕⵓⵍ ⴷ ⵍⴳⴰⵣ) ⴷⴻⴳ ⵍⵍⵓⵣⵉⵏ ⵏ ⵢⵉⵎⵙⴻⴷⴷⴰⵢⴻⵏ ⵉⵎⴳⵓⵔⴰⵏⴻⵏ ⵏ ⴰⵉⵏ ⴱⵧⵓⵛⵀⴻⴽⵉⴼ (ⵜⵉⵀⴻⵔⵜ), ⵢⴻⵏⵏⴰ-ⴷ ⵎⴰⵙⵙ ⵎⴰⵍⴻⴽ ⵙⴰⵍⴰⵀ ⴷⴰⴽⴽⴻⵏ ⵉⴷⵔⵉⵎⴻⵏ-ⴰ ⵜⵜⵓⵏⴻⴼⴽⴻⵏ-ⴷ ⵉ 5 ⵏ ⵍⵍⵓⵣⵉⵏⴰⵜ ⵏ ⵜⴻⴳⵔⴰⵡⵜ-ⴰ ⵢⴻⵔⵏⵓ ⴰⴷ ⵜⵜⵡⴰⵚⴻⵔⵔⴼⴻⵏ ⵉ ⵓⵙⵙⴰⵍⵉ ⵏ ⵓⵙⵡⵉⵔ ⵏ ⵜⵜⴰⵡⵉⵍⴰⵜ-ⵏⵙⴻⵏⵜ ⵏ ⵓⵅⴻⴷⴷⵉⵎ, ⴰⵙⵙⴻⵎⵖⴻⵔ ⵏ ⵍⵍⵓⵣⵉⵏⴰⵜ-ⴰ ⴷ ⵜⵎⴻⵙⵖⵉⵡⵜ ⵏ ⵜⵎⴰⵛⵉⵏⵉⵏ ⴷ ⵡⴰⵔⵔⵓⵎ ⴰⵎⴰⵢⵏⵓ.
ⵢⴻⵏⵏⴰ-ⴷ ⴷⴰⵖ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴷⴰⴽⴽⴻⵏ ⵜⴰⴳⵔⴰⵡⵜ-ⴰ ⵜⴻⴼⴽⴰ ⵜⵓⵣⵡⵉⵔⵜ ⵉ ⵓⵙⵙⴻⵇⴷⴻⵛ ⵏ ⵜⴻⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵜⵉⵎⴰⵢⵏⵓⵜⵉⵏ ⵏ ⵓⴼⴰⵔⴻⵙ ⵙ ⵜⵎⴻⵙⵖⵉⵡⵜ ⵏ ⵜⵎⴰⵛⵉⵏⵉⵏ ⴷ ⵜⵜⴰⵡⵉⵍⴰⵜ ⵢⴻⵏⵏⴻⴼⵍⵉⵏ.
ⵍⴻⵎⵄⴰⵡⵏⴰ-ⴰ ⵜⴰⴷⵔⵉⵎⴰⵏⵜ ⵏ ⵓⵏⴰⴱⴰⴹ ⴰⴷ ⵜⴻⴵⴵ ⴷⴰⵖ ⵜⴰⴳⵔⴰⵡⵜ-ⴰ ⴰⴷ ⵜⴻⵙⵙⴻⵎⵖⴻⵔ ⴰⵙⵙⴻⴼⵔⵉ-ⵏⵏⴻⵙ ⵙ ⵜⵉⵛⵛⵓⵔⴽⴰ ⴷ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⴱⴻⵕⵕⴰⵏⵉⵢⵉⵏ ⴰⵎ ⵜⴻⵕⵎⵉⵙⵜ ⵜⴰⵍⵎⴰⵏⵉⵜ ⵏ ⴷⴰⵉⵎⵍⴻⵔ ⴰⴷ ⵢⵓⵖⴰⵍⴻⵏ ⴰⴷ ⵜⵅⴻⴷⴷⴻⵎ ⴷⴻⴳ ⵍⵍⵓⵣⵉⵏⴰⵜ ⵏ ⵔⵔⵡⵉⴱⴰ ⴷ ⵜⵉⵀⴻⵔⵜ, ⵜⴰⵛⵔⵉⴽⵜ ⵜⵉⵎⴰⵕⴰⵜⵉⵜ ⴰⴷ ⵢⴻⴱⵏⵓⵏ ⵍⵍⵓⵣⵉⵏ ⵏ ⵜⴽⴻⵕⵕⵓⵙⵉⵏ ⵜⵉⴽⴰⵏⵔⴰⵔⵉⵏ ⵏ ⵎⴻⵔⵛⴻⴷⴻⵙ ⴱⴻⵏⵣ ⴷⴻⴳ ⵜⵉⵀⴻⵔⵜ, ⴷ ⵓⵛⵔⵉⴽ ⴰⴼⵕⴻⵏⵙⵉⵙ ⴰⴷ ⵢⵓⵖⴰⵍⴻⵏ ⴰⴷ ⵉⵅⴻⴷⴷⴻⵎ ⵉⴼⴰⴳⵓⵜⴻⵏ ⵏ ⵓⵟⵔⴰⵎⵡⴰⵢ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ.
ⵎⴰⵙⵙ ⵎⴰⵍⴻⴽ ⵙⴰⵍⴰⵀ ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⴷ ⵜⴻⵜⵜⵡⴰⵙⵙⴻⵡⵙⴻⵄ ⵜⵉⵛⵛⵓⵔⴽⴰ ⵉ ⵢⵉⵛⵔⵉⴽⴻⵏ ⵏⵉⴹⴻⵏ ⴰⵢ ⴷ-ⵉⵅⴻⴷⴷⵎⴻⵏ ⵉⵎⵙⴻⴷⴷⴰⵢⴻⵏ ⵉⵎⴳⵓⵔⴰⵏⴻⵏ, ⵜⵉⴽⴻⵕⵕⵓⵙⵉⵏ, ⵉⴽⴰⵎⵢⵓⵏⴻⵏ, ⵉⴼⴰⴳⵓⵜⴻⵏ, ⵉⵣⵓⵖⵉⵔⴻⵏ ⴷ ⵜⵎⴰⵛⵉⵏⵉⵏ ⵏ ⵓⵟⵔⴰⵎⵡⴰⵢ.
