ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵔⴱⴰⵄⵜ ⵏ ⴱⴳⴰⵢⴻⵜ: ⴰⵎⵔⴰⵏⵉ ⵉⴱⴻⴷⴷⴻⵍ ⵕⵕⴰⵢ-ⵏⵏⴻⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵎⵓⵜⵍⴰⵢ ⵏ ⵜⴰⵔⴱⴰⵄⵜ ⵏ ⴱⴳⴰⵢⴻⵜ (ⵜⴰⵎⵖⵓⵏⵜ 1ⵓⵜ ⵏ ⵜⵛⵉⵔⵜ ⵏ ⵓⴹⴰⵔ), ⴼⴰⵔⵉⴷ ⵣⵉⵣⵉ, ⴰⵙⵙ ⵏ ⵍⵃⴻⴷⴷ, ⴷ ⴰⴽⴽⴻⵏ ⴰⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⴰⴱⴷⴻⵍⴽⴰⴷⴻⵔ ⴰⵎⵔⴰⵏⵉ, ⴰⵢ ⵢⴻⵍⵍⴰⵏ ⵏⴰⵇⴰⵍ ⵢⴻⴱⵖⴰ ⴰⴷ ⵢⴻⵜⵜⵉⵅⴻⵔ, ⵉⴱⴻⴷⴷⴻⵍ ⵕⵕⴰⵢ-ⵏⵏⴻⵙ ⵢⴻⵔⵏⵓ ⴰⴷ ⵢⵓⵖⴰⵍ ⵖⴻⵔ ⵓⵅⴻⴷⴷⵉⵎ ⴰⵙⵙ ⵏ ⵍⴻⵜⵏⵉⵢⴻⵏ.

« ⵏⴻⵡⵡⵉ-ⴷ ⴰⵡⴰⵍ ⵖⴻⵣⵣⵉⴼⴻⵏ ⴷ ⴰⵎⵔⴰⵏⵉ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵢ ⴷ-ⵢⴻⵍⵍⴰⵏ ⵜⴰⵎⴻⴷⴷⵉⵜ-ⴰ ⴰⴽⴽⴻⵏ ⴰⴷ ⵜ-ⵏⴻⵙⵙⴻⵇⵏⴻⵄ ⴰⴷ ⵉⴽⴻⵎⵎⴻⵍ ⴰⵅⴻⴷⴷⵉⵎ ⴷ ⵎⵧ ⴱⴳⴰⵢⴻⵜ. ⴷⵖⴰ ⵏⴻⵙⵙⴰⵡⴻⴹ ⴰⴷ ⵜ-ⵏⴻⵙⵙⴻⵇⵏⴻⵄ ⴰⴷ ⵉⴱⴻⴷⴷⴻⵍ ⵕⵕⴰⵢ-ⵏⵏⴻⵙ. ⵙ ⵡⴰⵢⴰ, ⴷ ⵏⴻⵜⵜⴰ ⴰⴷ ⴷ-ⵢⴻⵍⵀⵓⵏ ⵙ ⵜⴻⴷⵡⵉⵍⵜ ⵏ ⵓⵙⵍⴻⵖⵎⵓ (ⵜⴰⴷⵔⵉⴱ) ⵏ ⵡⴰⵙⵙ ⵍⴻⵜⵏⵉⵢⴻⵏ ⵢⴻⵔⵏⴰ ⴰⴷ ⴷ-ⵢⴻⵙⵙⴻⵡⵊⴻⴷ ⵜⴰⵖⵍⴰⵎⵜ ⵉ ⵜⴻⵎⵍⵉⵍⵉⵜ ⵏ ⵜⴻⵍⵖⵓⵖⴰ ⵎⴳⴰⵍ ⵓⵙⵎ ⵍⴻⵣⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ ⵏ ⵜⴻⵖⵍⴰⵎⵜ.

ⴰⴱⴷⴻⵍⴽⴰⴷⴻⵔ ⴰⵎⵔⴰⵏⵉ ⵢⴻⵏⵏⴰ-ⴷ ⵏⴰⵇⴰⵍ ⴷ ⴰⴽⴽⴻⵏ ⵢⴻⴱⵖⴰ ⴰⴷ ⵢⴻⵜⵜⵉⵅⴻⵔ ⴷⴻⴼⴼⵉⵔ ⵎⴰ ⵜⴻⵅⵚⴻⵔ ⵜⴻⵖⵍⴰⵎⵜ-ⵏⵏⴻⵙ ⵎⴳⴰⵍ ⵏⴰ ⵃⵓⵙⵉⵏ ⴷⴰⵢ ⵙ 2 ⵖⴻⵔ 1 ⴷⴻⴳ ⵜⵉⵙ 8 ⵏ ⵜⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵍⴻⵣⵣⴰⵢⴻⵔ.

ⵍⴻⵅⵚⴰⵔⴰ ⵏ ⵜⴰⵔⴱⴰⵄⵜ ⵏ ⴱⴳⴰⵢⴻⵜ ⵎⴳⴰⵍ ⵏⴰ ⵃⵓⵙⵉⵏ ⴷⴰⵢ ⵜⴻⵍⵍⴰ-ⴷ ⴷ ⵜⵉⵙ ⵙⵏⴰⵜ ⴷⴻⴳ ⵢⵉⵡⴻⵜ ⵏ ⴷⴷⵓⵕⵜ ⴷⴻⴼⴼⵉⵔ ⵎⴰ ⵜⴻⵅⵚⴻⵔ ⴷⴰⵖ ⴰⵙⵙ ⵏ ⵍⵃⴻⴷⴷ ⵎⴳⴰⵍ ⴰⵙⵀⴰⵏⵜⵉ ⴳⵧⵍⴷ (1 ⵖⴻⵔ 0) ⵏ ⴳⵀⴰⵏⴰ ⴷⴻⴳ ⵜⴻⵎⵍⵉⵍⵉⵜ ⵏ ⵜⵡⴰⴷⴷⴰ (ⴷⴰⵀⴰⴱ) ⵏ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ.