Asebter amenzawi

Tarbaɛt n Bgayet: Amrani ibeddel ṛṛay-nnes

LEZZAYER TAMANEɣT– Yenna-d umutlay n Tarbaɛt n Bgayet (Tamɣunt 1ut n tcirt n uḍar), Farid Zizi, ass n lḥedd, d akken asleɣmay (mudarrib) Abdelkader Amrani, ay yellan naqal yebɣa ad yettixer, ibeddel ṛṛay-nnes yernu ad yuɣal ɣer uxeddim ass n letniyen.

« Newwi-d awal ɣezzifen d Amrani deg yiwet n temlilit ay d-yellan tameddit-a akken ad t-nesseqneɛ ad ikemmel axeddim d MO Bgayet. Dɣa nessaweḍ ad t-nesseqneɛ ad ibeddel ṛṛay-nnes. S waya, d netta ad d-yelhun s tedwilt n usleɣmu (tadrib) n wass letniyen yerna ad d-yessewjed taɣlamt i temlilit n telɣuɣa mgal USM Lezzayer », ɣef wakken ay aɣ-d-yenna yimḍebber-a n teɣlamt.

Abdelkader Amrani yenna-d naqal d akken yebɣa ad yettixer deffir ma texṣer teɣlamt-nnes mgal NA Ḥusin Day s 2 ɣer 1 deg tis 8 n tneggarut n Teqbuct n Lezzayer.

Lexṣara n Tarbaɛt n Bgayet mgal NA Ḥusin Day tella-d d tis snat deg yiwet n dduṛt deffir ma texṣer daɣ ass n lḥedd mgal Ashanti Gold (1 ɣer 0) n Ghana deg temlilit n twadda (dahab) n Temɣunt n Yilɣuɣen.