ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⵜⵜⵡⴰⵇⴻⴱⵍⴻⵏ ⵢⵉⴳⴻⵔⴷⴰⵏ ⵢⴻⵙⵄⴰⵏ ⵜⵜⴰⵡⵉⵍ ⵏ ⵍⴻⵎⵄⴰⵡⵏⴰ ⵏ ⵜⵎⴻⵙⵍⵉⵡⵜ ⴷⴻⴳ ⵢⵉⵖⴻⵔⴱⴰⵣⴻⵏ ⵏ ⵜⵎⵓⵔⵜ
ⵙⵙⵄⵉⴷⴰ– ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⴰⵙⵙ ⵏ ⵍⵃⴻⴷⴷ ⴷⴻⴳ ⵙⵙⵄⵉⴷⴰ, ⴷ ⴰⴽⴽⴻⵏ ⵜⵜⴻⵊⵕⵉⴱⴰ ⵏ ⵓⵙⵙⵉⴷⴻⴼ ⵏ ⵢⵉⴳⴻⵔⴷⴰⵏ ⵢⴻⵙⵄⴰⵏ ⵜⵜⴰⵡⵉⵍ ⵏ ⵍⴻⵎⵄⴰⵡⵏⴰ ⵏ ⵜⵎⴻⵙⵍⵉⵡⵜ ⵢⴻⵙⵙⴻⴼⴽ ⴰⴷ ⴷ-ⵜⵉⵍⵉ ⴷⴻⴳ ⵡⴰⴽⴽ ⵉⵖⴻⵔⴱⴰⵣⴻⵏ ⵉⵎⴻⵏⵣⴰ ⵙⴻⴳ-ⴰ ⵖⴻⵔ ⵙⴷⴰⵜ.
ⵜⴻⵙⵙⴻⵇⵙⴰ ⵜⵏⴻⵖⵍⴰⴼⵜ ⵖⴻⴼ ⵜⴻⴳⵏⵉⵜ ⵏ 6 ⵏ ⵢⵉⴳⴻⵔⴷⴰⵏ ⵢⴻⵙⵄⴰⵏ ⵜⵜⴰⵡⵉⵍ ⵏ ⵍⴻⵎⵄⴰⵡⵏⴰ ⵏ ⵜⵎⴻⵙⵍⵉⵡⵜ ⵢⴻⵔⵏⵓ ⵣⴻⵔⵔⵡⴻⵏ ⴷⴻⴳ ⵓⵖⴻⵔⴱⴰⵣ ⴰⵎⴻⵏⵣⵓ ⵏ ⴰⴱⴷⴻⵍⵀⴰⵎⵉⴷ ⵉⴱⵏ ⴱⴰⴷⵉⵙ ⴷⴻⴳ ⵙⵙⵄⵉⴷⴰ, ⵢⴻⵔⵏⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵣⵔⴻⵄ ⵜⵜⴻⵊⵕⵉⴱⴰ-ⴰ ⴷⴻⴳ ⵡⴰⴽⴽ ⵉⵖⴻⵔⴱⴰⵣⴻⵏ ⵏ ⵜⵎⵓⵔⵜ.
ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵜⵖⴻⵎⵙⴰ ⴷⴻⴳ ⵕⵕⴰⴷⵢⵓ ⵜⴰⵎⵏⴰⴹⴰⵏⵜ ⵏ ⵙⵙⵄⵉⴷⴰ, ⵜⴻⵏⵏⴰ-ⴷ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⴷ ⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵍⴰ ⴷ-ⵢⴻⵙⵙⴻⴱⴷⴰⴷ ⵜⵉⴳⵔⴰⵡⵉⵏ ⵏ ⵓⵅⴻⴷⴷⵉⵎ ⵉ ⵓⵣⵔⴰⵡ (ⴷⵉⵔⴰⵙⴰ) ⵏ ⵡⴰⵎⴻⴽ ⴰⴷ ⵜⵜⵡⴰⵙⵏⵓⵎⵎⴷⴻⵏ ⵢⵉⴳⴻⵔⴷⴰⵏ ⵉⵎⴻⵄⴷⴰⵕ ⵖⴻⵔ ⵢⵉⴷⵉⵙ ⵏ ⵢⵉⴳⴻⵔⴷⴰⵏ ⵏⵉⴹⴻⵏ ⴷⴻⴳ ⵢⵉⵖⴻⵔⴱⴰⵣⴻⵏ.
ⵜⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵍⴰ ⵉⵅⴻⴷⴷⴻⵎ ⴷ ⵜⵎⴻⵀⵍⵉⵡⵉⵏ (ⵎⵓⴷⵉⵔⵉⵢⵢⴰⵜ) ⵏ ⵓⵙⵙⴻⴳⵎⵉ ⵏ ⵜⵡⵉⵍⴰⵢⵉⵏ ⵏⵉⴹⴻⵏ ⴰⴽⴽⴻⵏ ⴰⴷ ⴷ-ⵃⴻⵙⴱⴻⵏ ⵙⵡⴰⵙⵡⴰ ⴰⵛⵃⴰⵍ ⵏ ⵢⵉⴳⴻⵔⴷⴰⵏ ⴰⵢ ⵢⴻⵙⵄⴰⵏ ⵜⵜⴰⵡⵉⵍⴰⵜ ⵏ ⵍⴻⵎⵄⴰⵡⵏⴰ ⵏ ⵜⵎⴻⵙⵍⵉⵡⵜ.
ⵏⵏⵉⴳ ⵡⴰⵢⴰ, ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⴷ ⴰⴽⴽⴻⵏ ⵢⴻⵙⵜⴻⵏⵢⴰ ⵓⵖⵍⵉⴼ ⵏ ⵓⵙⵙⴻⴳⵎⵉ ⴰⵎⵜⴰⵡⴰ (ⵉⵜⵜⵉⴼⴰⵇ) ⴷ ⵓⵖⵍⵉⴼ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵜⴰⵖⴻⵍⵏⴰⵡⵜ ⴰⴽⴽⴻⵏ ⴰⴷ ⴷ-ⵙⵙⵉⴷⴼⴻⵏ ⵉⵎⴻⵖⴷⴰⵡⴰⵍⴻⵏ, ⵉⵎⵙⴻⵏⵙⴻⴳⵎⵉⵢⴻⵏ ⴷ ⵢⵉⵎⴻⵙⵏⴰⴼⵙⵉⵢⴻⵏ ⴷⴻⴳ ⵢⵉⵖⴻⵔⴱⴰⵣⴻⵏ ⵉⵎⴻⵏⵣⴰ ⴰⴽⴽⴻⵏ ⴰⴷ ⴷ-ⵍⵀⵓⵏ ⴷ ⵢⵉⴳⴻⵔⴷⴰⵏ ⵢⴻⵙⵄⴰⵏ ⵜⵜⴰⵡⵉⵍⴰⵜ ⵏ ⵍⴻⵎⵄⴰⵡⵏⴰ ⵏ ⵜⵎⴻⵙⵍⵉⵡⵜ, ⵢⴻⵔⵏⴰ ⵜⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵎⵄⴰⵡⴰⵏ ⵓⵖⵍⵉⴼ ⵏ ⵓⵙⵙⴻⴳⵎⵉ, ⵡⵉⵏ ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ ⴷ ⴽⵔⴰ ⵏ ⵜⵉⴷⴷⵓⴽⵍⵉⵡⵉⵏ ⴰⴽⴽⴻⵏ ⴰⴷ ⵙⵙⴻⵍⵀⵓⵏ ⴰⵙⵏⵓⵎⵎⴻⴷ ⵏ ⵢⵉⴳⴻⵔⴷⴰⵏ-ⴰ ⴷⴻⴳ ⵓⵖⴻⵔⴱⴰⵣ.
