ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵍⴰⵛ ⵓⴳⵓⵔ ⴷⴻⴳ ⵓⵙⴻⴽⴽⵉⵍ ⴰⵢⵢⴻⵙ ⵜⴻⵜⵜⵡⴰⵔⵓ ⵜⵎⴰⵣⵉⵖⵜ (ⵉⵎⴹⴻⴱⴱⴻⵔ)

ⵜⵍⴻⵎⵙⴰⵏ, 21 ⴼⵓⵕⴰⵕ 2016 – ⴰⵙⴻⴽⴽⵉⵍ (ⵃⴰⵔⴼ) ⴰⵢⵢⴻⵙ ⵜⴻⵜⵜⵡⴰⵔⵓ ⵜⵎⴰⵣⵉⵖⵜ ⵓⵍⴰⵛ ⴷⴻⴳ-ⵙ ⵓⴳⵓⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ, ⵙⵉ ⵀⴰⵛⵀⴻⵎⵉ ⴰⵙⵙⴰⴷ, ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵍⴻⵎⵙⴰⵏ.

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴷⴻⴳ ⵕⵕⴰⴷⵢⵓ ⵜⴰⵎⵏⴰⴹⴰⵏⵜ ⵏ ⵜⵍⴻⵎⵙⴰⵏ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵡⴰⵙⵙ ⴰⵎⴰⴹⴰⵍⴰⵏ ⵏ ⵜⵓⵜⵍⴰⵢⵜ ⵜⴰⵢⴻⵎⵎⴰⵜ ⴷ ⵓⵙⵎⴰⵍ-ⵏⵙⴻⵏⵜ (ⵜⴰⵔⵇⵉⵢⴰ), ⵢⴻⵏⵏⴰ-ⴷ ⵎⴰⵙⵙ ⴰⵙⵙⴰⴷ ⴷⴰⴽⴽⴻⵏ ⴰⵙⴻⴽⴽⵉⵍ ⴰⵢⵢⴻⵙ ⵜⴻⵜⵜⵡⴰⵔⵓ ⵜⵓⵜⵍⴰⵢⵜ-ⴰ ⵜⴰⵖⴻⵍⵏⴰⵡⵜ ⵜⵓⵏⵚⵉⴱⵜ ⵓⵔ ⵢⴻⵍⵍⵉ ⴰⵔⴰ ⴷ ⵓⴳⵓⵔ, ⴰⵎⴰ ⵓⵔⴰⵏ-ⵜⵜ ⵙ ⵓⵙⴻⴽⴽⵉ ⴰⵄⵕⴰⴱ, ⵙ ⵓⵙⴻⴽⴽⵉⵍ ⴰⵍⴰⵜⵉⵏⵉ ⵏⴻⵖ ⵙ ⵜⴼⵉⵏⴰⵖ.

ⴰⵡⵉ-ⴷ ⴽⴰⵏ ⵜⵉⵔⴰⵡⵜ-ⵏⵏⵉ ⴰⴷ ⵜⴻⵙⵄⵓ ⵉⵍⵓⴳⴰⵏ (ⵇⴰⵡⴰⵄⵉⴷ) ⵢⴻⵔⵏⴰ ⴰⴷ ⴷ-ⵜⴻⵙⵙⴽⴻⵏ ⵚⵚⵉⴼⴰ ⵏ ⵜⵉⴷⴻⵜ ⵏ ⵜⵓⵜⵍⴰⵢⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⴷⴰⴽⴽⴻⵏ ⵓⵙⵙⵉⵙ (ⵎⴰⴵⵀⵓⴷ) ⴰⵖⴻⵍⵏⴰⵡ ⵉ ⵓⵣⵔⴰⵄ ⵏ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴷⴻⴳ ⵡⴰⴽⴰⵍ ⴰⵖⴻⵍⵏⴰⵡ ⵉⴱⴰⵏ-ⴷ ⵙ ⵜⵓⴼⴼⵖⴰ ⵏ 3.000 ⵏ ⵢⵉⵙⴷⴰⵡⴰⵏⴻⵏ ⴰⵢ ⴷ-ⵢⴻⵡⵡⵉⵏ ⵜⵓⵔⴰⴳⵜ (ⵍⵉⵙⴰⵏⵙ) ⵏ ⵜⵎⴰⵣⵉⵖⵜ ⵙⴻⴳ ⵜⴻⵙⴷⴰⵡⵉⵜ ⵏ ⵜⴱⴰⵜⴻⵏⵜ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵡⴰⵏⴰⴽ ⵍⴰ ⵢⴻⵜⵜⴻⴳ ⵓⵙⵙⵉⵙⴻⵏ ⴷ ⵉⵎⴻⵇⵔⴰⵏⴻⵏ ⴰⴽⴽⴻⵏ ⴰⴷ ⴷ-ⵢⴻⴳ ⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵉ ⵢⵉⵙⴷⴰⵡⴰⵏⴻⵏ-ⴰ ⵢⴻⵔⵏⵓ ⴰⴷ ⴰⵙⴻⵏ-ⵢⴻⴹⵎⴻⵏ ⴰⵙⵙⵉⵍⴻⵖ ⴰⵙⴻⵏⵙⴻⴳⵎⴰⵏ ⵉⵡⴰⵜⴰⵏ.

ⵉⵅⴻⴱⴱⴻⵔ-ⴷ ⴷⴰⵖ ⵎⴰⵙⵙ ⴰⵙⵙⴰⴷ ⴷⴰⴽⴽⴻⵏ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵢⴻⵔⵥⴻⵎ ⵢⵉⵡⴻⵏ ⵏ ⵓⵙⵓⴷⵓ (ⵎⴰⵄⵀⴰⴷ) ⵓⵏⵏⵉⴳ ⵏ ⵓⵙⵙⵉⵍⴻⵖ ⵏ ⵢⵉⵙⴻⵍⵎⴰⴷⴻⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵢⴻⵔⵏⵓ ⵡⵉⴷ ⴰⵢ ⴷ-ⵢⴻⵡⵡⵉⵏ ⵜⵓⵔⴰⴳⵜ ⵡⵡⴹⴻⵏ ⵖⴻⵔ 5.714 ⵏ ⵢⵉⴳⵓⵔⴷⵉⵙⴻⵏ (ⵃⴰ’ⵉⵣⵉⵏ ⵄⴰⵍⴰ ⵛⴰⵀⴰⴷⴰⵜ), ⴳⴰⵔ-ⴰⵙⴻⵏ 75 ⵙⴻⴳ ⵡⵉⴷ ⵢⴻⵎⵎⵓⵣⵣⴳⴻⵏ ⴷⴻⴳ ⵜⵛⴰⵡⵉⵜ ⵙⴻⴳ ⵜⴻⵙⴷⴰⵡⵉⵜ ⵏ ⵜⴱⴰⵜⴻⵏⵜ.

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴰⵙⵙⴰⴷ ⴷⴰⴽⴽⴻⵏ ⴰⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴰⴷ ⴷ-ⵉⵃⴰⵣ 32 ⵏ ⵜⵡⵉⵍⴰⵢⵉⵏ ⵢⴻⵔⵏⵓ ⴰⴷ ⴷ-ⵢⵉⵍⵉ ⵙ ⵡⴰⵀⵉⵍ ⴰⵙⴻⵏⵙⴻⴳⵎⴰⵏ (ⴱⵉⴷⴰⵖⵓⴵⵉ) ⵢⴻⴷⴷⵓⴽⴽⵍⴻⵏ ⵙⴻⴳ ⵓⵙⴻⴳⴳⴰⵙ ⴰⵖⵓⵔⴱⵉⵣ ⵏ 2016-2017, ⴷⴻⴳ ⵓⴽⴰⵜⴰⵔ (ⵉⵟⴰⵔ) ⵏ ⵓⵙⵎⴰⵜⵓ ⵏ ⵓⵙⵙⴻⵍⵎⴻⴷ ⵏ ⵜⵓⵜⵍⴰⵢⵜ-ⴰ ⵜⴰⵖⴻⵍⵏⴰⵡⵜ ⵜⵓⵏⵚⵉⴱⵜ.

ⵢⴻⵙⵎⴻⴽⵜⵉ-ⴷ ⴷⴰⵖ ⵓⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⴷⴰⴽⴽⴻⵏ ⴰⵙⵙⴻⵍⵎⴻⴷ ⵏ ⵜⵓⵜⵍⴰⵢⵜ-ⴰ ⵜⴰⵖⴻⵍⵏⴰⵡⵜ ⵢⴻⴱⴷⴰ-ⴷ ⴷⴻⴳ ⵓⵙⴻⴳⴳⴰⵙ ⴰⵖⵓⵔⴱⵉⵣ ⵏ 1995-1996 ⵙ 37.690 ⵏ ⵢⵉⵏⴻⵍⵎⴰⴷⴻⵏ ⴷ 233 ⵏ ⵢⵉⵙⴻⵍⵎⴰⴷⴻⵏ, ⵢⴻⵔⵏⵓ ⴰⵙⴻⴳⴳⴰⵙ-ⴰ, ⵡⵡⴹⴻⵏ ⵢⵉⵏⴻⵍⵎⴰⴷⴻⵏ ⵖⴻⵔ 217.176 ⵏ ⵢⵉⵏⴻⵍⵎⴰⴷⴻⵏ ⴷ 2.101 ⵏ ⵢⵉⵙⴻⵍⵎⴰⴷⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ ⴰⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⵢⴻⵍⵍⴰ, ⵏⴰⵇⴰⵍ, ⵙ ⵓⴼⵔⴰⵏ, ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⴽⵔⴰ ⵏ ⵎⴻⴷⴷⴻⵏ ⴰⴷ ⴰⴳⵉⵏ ⴰⴷ ⵜⵜ-ⵍⴻⵎⴷⴻⵏ ⵡⴰⵔⵔⴰⵡ-ⵏⵙⴻⵏ.

ⴰⵙⵎⴻⵏⴹⴻⵡ (ⴷⴰⵙⵜⴰⵔⴰ) ⵏ ⵜⵓⵜⵍⴰⵢⵜ-ⴰ ⴰⵢ ⵢⵓⵖⴰⵍⴻⵏ ⴷ ⵜⵓⵏⵚⵉⴱⵜ ⴷ ⴰⵢⴻⵏ ⴰⴷ ⵢⴻⵙⵏⴻⵔⵏⵉⵏ ⴰⵎⴹⴰⵏ (ⵄⴰⴷⴰⴷ) ⵏ ⵢⵉⵏⴻⵍⵎⴰⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵙ ⵡⴰⵢⴰ, ⵢⴻⵔⵏⴰ ⵓⵎⴹⴰⵏ ⵏ ⵜⵡⵉⵍⴰⵢⵉⵏ ⴰⵢ ⵉⵔⴻⵥⵎⴻⵏ ⵜⵉⵏⴻⵖⵔⵉⵢⵉⵏ (ⴰⵇⵙⴰⵎ) ⵏ ⵜⵜⴻⵊⵕⵉⴱⴰ ⵏ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⵙⴻⴳ 11 (ⴷⴻⴳ 2014) ⵖⴻⵔ 22 ⴰⵙⴻⴳⴳⴰⵙ-ⴰ, ⵢⴻⵔⵏⵓ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⵡⵉⵍⴰⵢⵉⵏ ⴰⵢ ⵉⴳⴰⵏ ⴷ ⵜⵉⴷ ⵏ ⵓⵜⴰⵔⴰⵎ ⵢⴻⵔⵏⵓ ⵜⵉ ⴷ ⵜⵍⴻⵎⵙⴰⵏ, ⵙⵙⵄⵉⴷⴰ, ⵙⵉⴷⵉ ⴱⴻⵍⵄⴻⴱⴱⴰⵙ ⴷ Ɣⵉⵍⵉⵣⴰⵏ, ⴰⵎ ⵡⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⴻⵡⵙⴻⵄ ⵡⴰⵢⴰ ⴰⴽⴽⴻⵏ ⴰⴷ ⴷ-ⵉⵃⴰⵣ ⵜⵉⵡⵉⵍⴰⵢⵉⵏ ⵏ ⵓⴳⵎⵓⴹ ⴷ ⵓⵏⵥⵓⵍ ⵏ ⵜⵎⵓⵔⵜ.

ⵢⴻⵙⵙⴻⴼⵀⴻⵎ-ⴷ ⵎⴰⵙⵙ ⴰⵙⵙⴰⴷ ⴷⴰⴽⴽⴻⵏ ⴰⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴰⴷ ⴷ-ⵢⵉⵍⵉ, ⴷⴻⴳ ⵓⵖⴻⵔⴱⴰⵣ ⴰⵎⴻⵏⵣⵓ, ⵙ ⵜⵓⵜⵍⴰⵢⵜ ⵜⴰⵢⴻⵎⵎⴰⵜ ⴰⴽⴽⴻⵏ ⴰⴷ ⵢⴻⵙⵙⵉⴼⵙⴻⵙ ⵡⴰⵢⴰ ⵜⴰⵖⵡⴰⵍⵜ (ⵉⵜⵜⵉⵚⴰⵍ) ⴷ ⵓⴳⵔⵓⴷ, ⵙⴰⴽⴽⵉⵏ, ⴷⴻⴳ ⵓⵖⴻⵔⴱⴰⵣ ⴰⵍⴻⵎⵎⴰⵙ, ⴰⴷ ⵙⵙⵉⴷⴼⴻⵏ ⵜⵉⵏⵜⴰⵍⵉⵡⵉⵏ ⵏⵉⴹⴻⵏ ⵖⴻⴼ ⵍⴻⵃⵙⴰⴱ ⵏ ⵡⴰⵀⵉⵍ ⴰⵙⴻⵏⵙⴻⴳⵎⴰⵏ ⴰⵢ ⴷ-ⵜⵀⴻⵢⵢⴰ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵢⵉⵎⴰⵣⵣⴰⵢⴻⵏ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⵙ ⵓⵎⵄⴰⵡⴻⵏ ⴷ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵎⴻⵏⴹⴻⵡ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵢⵉⵙⴻⵎ-ⵏⵏⴻⵙ ⴷ ⵜⵓⵜⵍⴰⵢⵜ ⵜⵓⵏⵚⵉⴱⵜ, ⵢⴻⵏⵏⴰ-ⴷ ⵙⵉ ⴻⵍ ⵀⴰⵛⵀⴻⵎⵉ ⴰⵙⵙⴰⴷ ⴷⴰⴽⴽⴻⵏ ⴰⵢⴰ ⴷ ⴰⵖⵜⴰⵙ (ⵇⴰⵔⴰⵔ) ⴰⵙⴻⵔⵜⴰⵏ ⴰⵢ ⴷ-ⵢⴻⵍⵍⴰⵏ ⵉ ⵓⵙⵙⴻⴵⵀⴻⴷ ⵏ ⵜⴷⵓⴽⵍⵉ ⵏ ⵢⵉⴷⵣⴰⵢⵔⵉⵢⴻⵏ ⵢⴻⵔⵏⵓ ⴷ ⴰⵙⵙⴻⴵⵀⴻⴷ ⵉ ⵜⵉⵎⵎⵓⵣⵖⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⴰⵡⴰⵏⴰⴽ (ⴷⴰⵡⵍⴰ) ⵍⴰ ⴷ-ⵢⴻⵜⵜⴰⴽⴼ ⵓⴳⴰⵔ ⵏ ⵜⵜⴰⵡⵉⵍ ⵉ ⵜⵎⴰⵣⵉⵖⵜ ⵉ ⵍⵎⴻⵏⴷ ⵏ ⵓⵇⴹⴰⵄ ⵏ ⵡⴰⵢⴻⵏ ⵉⴼⵓⵜⴻⵏ.

ⴰⴷ ⴷ-ⵉⵍⵉⵏ ⵍⴻⵛⵖⴰⵍ ⵉⵎⴰⵢⵏⵓⵜⴻⵏ ⴰⵎ ⵓⵔⵥⴰⵎ ⵏ ⵜⵏⴻⵎⵙⴰⵍ (ⵡⴰⵔⴰⵛⴰⵜ) ⵜⵓⵙⵙⵏⴰⵏⵉⵏ ⵉ ⵓⵣⵔⴰⵄ ⵏ ⵜⵓⵜⵍⴰⵢⵜ ⵜⴰⵢⴻⵎⵎⴰⵜ, ⴰⵙⵏⴻⵔⵏⵉ ⵏ ⵓⴼⵎⵉⴹⵉ ⵏ ⵜⵖⵓⵔⵉ ⴷ ⵓⵛⴻⴳⴳⴻⵔ (ⵎⵓⵔⴰⴵⴰⵄⴰ) ⵏ ⴽⵔⴰ ⵏ ⵍⴻⵇⵡⴰⵏⵉⵏ, ⴳⴰⵔ-ⴰⵙⴻⵏ ⵍⵇⴰⵏⵓⵏ ⵏ ⵓⵡⴻⵍⵍⴻⵀ ⵏ 2008, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵡⴰⵍ ⵖⴻⴼ ⵡⴰⴽⴽ ⵜⵉⵎⵙⴰⵍ-ⴰ ⴷⴻⴳ ⵓⵙⴰⵔⴰⴳ-ⵏⵏⵉ ⵏ ⵜⵖⴻⵎⵙⴰ.

ⵢⴻⴱⴷⴻⵔ-ⴷ ⵓⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⴽⵔⴰ ⵏ ⵢⵉⵙⴻⵏⴼⴰⵔⴻⵏ ⵙ ⵡⴰⵣⴰⵍ-ⵏⵙⴻⵏ ⴰⵢⵖⴻⴼ ⵍⴰ ⵉⵅⴻⴷⴷⴻⵎ ⵓⵙⴻⵇⵇⴰⵎⵓ ⴰⵎ ⵡⵉⵏ ⵏ ⵜⴽⴰⴷⵉⵎⵉⵜ ⵏ ⵜⵓⵜⵍⴰⵢⵜ, ⵜⴰⵙⴻⴷⴽⴰⵍⵜ (ⵎⴰⵡⵙⵓⵄⴰ), ⴰⵙⵙⵓⵖⴻⵍ ⵏ ⵢⵉⴹⵔⵉⵙⴻⵏ ⵉⵙⴻⴽⵍⴰⵏⴻⵏ ⴰⵄⵕⴰⴱⴻⵏ ⵖⴻⵔ ⵜⵎⴰⵣⵉⵖⵜ ⴷ ⵜⵎⴻⵔⵏⵉⵡⵜ ⵏ ⵓⵎⴹⴰⵏ ⵏ ⵢⵉⵙⴻⴱⵜⴰⵔ (ⵚⴰⴼⴰⵃⴰⵜ) ⵏ ⵜⵎⴰⵣⵉⵖⵜ ⴷⴻⴳ ⵢⵉⵖⵎⵉⵙⴻⵏ.