Asebter amenzawi

Amennuɣ mgal rrebrab :snat n texxamin yettwadermen di Sidi Bellabbas

LEZZAYER TAMANAɣT – Snat n texxamin tuffirin n yirebraben ay yettwadermen ass n lḥedd sɣur yiwet n tejlibt n yigen aɣelnaw aɣerfan (ANP) yeqqnen ɣer tama tamsigawt n Sidi Bel Abbes, id-iwekked yiwen n wulɣu n weɣlif n temḥaddit taɣelnawt (MDN).

"Deg usurrif umennuɣ mgal rrebrab, yiwet n tejlibt n yigen aɣerfan aɣelnaw yeqqnen ɣer tama tamsigawt n Sidi Bel Abbes (tamnaḍt taserdasit tis snat) tufa u tessedrem, ass n 21 fuṛaṛ 2016, snat (2) n texxamin tuffirin n yirebraben",id-tenna teɣbalut-agi.

Seg yidis-nniḍen deg usurrif n uḥader n tilas d tɛessast mgal imakaren d trebbuyaɛ yettwaddsen, yiwet n tejlibt n tama tamsigawt n Laghouat (tamnaḍt taserdasit tis kuẓ) "teḥbes mraw d yiwen n yemdanen n tmura yemxallafen yettnadin ad kecmen ɣer Libya", id-yenna daɣen wulɣu n weɣlif n temḥaddit taɣelnawt (MDN).