Asebter amenzawi

SNTF ad tessenɣes i uzal n utiki i kra n yiderriren seg wayyur n meɣres d afella

LEZZAYER – Azal n utiki ɣef kra n yiderriren n tmacint yellan gar temdinin ad asen-sneɣsen seg wass amezwaru n meɣres d afella, akken ad ṭṭuqten yemsemrasen n tmacint, i d-tcar, ass n letniyen, Teṛmist taɣelnawt n umesni n rrayat (SNTF).

Asenɣes-a, i izemren ad yessiweḍ ɣer 29% ɣef wakken yella uzal n yimira, ad yerzu deg tazwara, timacinin n gar tiwilayin yellan deg ugellus Lezzayer-Ṣṭif, Qṣenṭina-Tibeskert akked Lezzayer-Ɛennaba acku atug n usemres drus, i d-tesseddi teṛmist-a deg yiwen n ulɣu.

Taɣtast-a tezmer ad terzu iderriren nniḍen n tmacint, i terna tenna-d teṛmist SNTF i d-yessegzin dakken tiddin deg lebɣin i yimsemrasen terza mačči kan ala asenɣes n uzal n utiki maca ad ḥazen yiminigen n umesni s tmacint seg akk lfayda yellan ama deg wayen yerzan taɣellist, tiwḍin deg ukud akked useggem n liḥala daxel n tmacint.