ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⵍⵀⵓ ⵏ ⵓⵙⵙⴻⵍⵎⴻⴷ ⵢⴻⵙⵙⴻⴼⴽ ⴰⴷ ⴷ-ⵢⴻⵎⵢⴻⵣⴳ ⴷ ⵓⴱⴻⴷⴷⴻⵍ ⴷⴻⴳ ⵓⵃⵔⵉⵛ ⵏ ⵓⵙⵙⴻⴳⵎⵉ (ⴱⴻⵏⴳⵀⴻⴱⵔⵉⵜ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⴰⵙⵙⴻⵍⵀⵓ ⵏ ⵓⵙⵙⴻⵍⵎⴻⴷ ⵢⴻⵙⵙⴻⴼⴽ ⴰⴷ ⴷ-ⵢⴻⵎⵢⴻⵣⴳ ⴷ ⵓⴱⴻⴷⴷⴻⵍ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵡⴻⵃⵔⵉⵛ ⵏ ⵓⵙⵙⴻⴳⵎⵉ, ⴰⵎ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵉ ⵍⵎⴻⵏⴷ ⵏ ⵡⴰⵢⴻⵏ ⵢⴻⵙⵙⴰⵔⴰⵎ ⵓⴱⴰⵍⵎⵓⴷ.
ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵓⵇⴻⵢⵢⴻⵎ, ⵜⴻⵏⵏⴰ-ⴷ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ, ⵙⴷⴰⵜ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵓⵙⴻⵇⵇⴰⵎⵓ ⵏ ⵜⵙⵓⴷⴰ ⵏ ⵡⴻⵙⵡⴰⴹ (ⵜⴰⴼⵜⵉⵛ) ⴷ ⴰⴽⴽⴻⵏ « ⴰⵛⵇⵉⵔⵔⴻⵡ ⴰⵎⴻⵇⵔⴰⵏ ⴰⴽⴽ ⴰⵢ ⵍⴰ ⴷ-ⵢⴻⵜⵜⵎⴰⴳⴰⵔ ⵓⵖⵍⵉⴼ ⵏⴻⵜⵜⴰ ⴷ ⴰⵙⵙⴻⵍⵀⵓ ⵏ ⵓⵙⵙⴻⵍⵎⴻⴷ ⴷ ⵓⵙⵙⴻⵣⴳⵉ-ⵏⵏⴻⵙ ⴷ ⵓⴱⴻⴷⴷⵉⵍ ⴰⴽⴽⴻⵏ ⴰⴷ ⴷ-ⵢⵉⵍⵉ ⵉ ⵍⵎⴻⵏⴷ ⵏ ⵡⴰⵢⴻⵏ ⵢⴻⴱⵖⴰ ⵢⴻⵔⵏⴰ ⵉⵃⴻⵎⵎⴻⵍ-ⵉⵜ ⵓⴱⴰⵍⵎⵓⴷ ⴷⴻⴳ ⵜⴰⵍⵍⵉⵜ-ⴰ ⴷ ⵓⵙⵙⴻⵣⴳⵉ ⵏ ⵓⵙⵙⴻⴼⵔⴻⴽ ⵉ ⵡⴰⴽⴽ ⵉⵙⵡⵉⵔⴻⵏ ».
ⵉⵙⵡⵉ ⵏ ⵓⵙⵙⴻⵍⵀⵓ ⵏ ⵓⵙⵙⴻⵍⵎⴻⴷ ⵏⴻⵜⵜⴰ ⴷ « ⴰⵇⴰⴷⴻⵔ ⵏ ⵍⴻⵇⵡⴰⵏⵉⵏ, ⴰⵀⴻⵢⵢⵉ ⵏ ⵓⵏⴰⴳⵔⴰⵡ ⵏ ⵢⵉⵎⴰⵜⴰⵔⴻⵏ (ⵏⵉⴹⴰⵎ ⵎⵓ’ⴰⵛⵛⵉⵔⴰⵜ), ⴰⵎⵛⵉⵡⴻⵕ ⴷ ⵓⵇⴰⴷⴻⵔ ⵏ ⵜⴻⵣⴷⴻⴳ ⵏ ⵚⵚⴻⵏⵄⴰ ⵙ ⵓⵙⵙⴻⴼⵄⴻⵍ ⵏ ⵓⵔⴽⴰⵡⴰⵍ-ⵏⵏⵉ ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ ⵉ ⵡⴰⵢⴰ ⴷⴻⴳ ⵓⵃⵔⵉⵛ ⵏ ⵓⵙⵙⴻⴳⵎⵉ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵏⵏⴰ-ⴷ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⴷ ⴰⴽⴽⴻⵏ ⵜⴻⵛⵖⴻⴱ-ⵉⵜⵜ ⵜⴻⵎⵙⴰⵍⵜ ⵏ ⵡⵓⴳⵓⵔⴻⵏ ⴰⵢ ⵜⵜⵇⴰⴱⴰⵍⴻⵏⵜ ⵜⵙⵓⴷⴰ (ⵎⵓ’ⴰⵙⵙⴰⵙⴰⵜ) ⴷ ⵜⵉⴼⵔⴰⵜⵉⵏ ⴰⵢ ⴷ-ⵢⴻⵜⵜⵡⴰⵙⵙⵓⵎⵔⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴳⴻⵔ ⵜⵉⵖⵔⵉ ⵉ ⵢⵉⵎⴰⵙⵡⴰⴹⴻⵏ (ⵎⵓⴼⴰⵜⵜⵉⵛⵉⵏ) ⴰⴽⴽⴻⵏ « ⴰⴷ ⵙⵙⵏⴻⵏ ⴰⵎⴻⴽ ⴰⴷ ⵙⵙⴻⵇⴷⴰⵛⴻⵏ ⵉⵎⴰⵜⴰⵔⴻⵏ ⴰⵎⴰ ⴷⴻⴳ ⵓⵙⵡⵉⵔ ⵏ ⵜⵡⵉⵍⴰⵢⵜ, ⴰⵎⴰ ⴷⴻⴳ ⵓⵙⵡⵉⵔ ⴰⵖⴻⵍⵏⴰⵡ, ⴰⵎⴻⴽ ⴰⴷ ⵙⴻⵍⵍⴹⴻⵏ ⵉⴳⵎⴰⴹ ⵉⵖⵓⵔⴱⵉⵣⴻⵏ ⵢⴻⵔⵏⵓ ⴰⴷ ⵜⵜⵡⴻⵍⵍⵉⵀⴻⵏ ⵉⵖⴻⵔⴱⴰⵣⴻⵏ ⵙ ⵓⵎⵄⴰⵡⴻⵏ ⴷ ⵢⵉⵏⴻⵎⵀⴰⵍⴻⵏ ⵏ ⵓⵙⵙⴻⴳⵎⵉ ».
