Asebter amenzawi
Asselhu n usselmed yessefk ad d-yemyezg d ubeddel deg uḥric n ussegmi (Benghebrit)
LEZZAYER TAMANEɣT – Tenna-d tneɣlaft n ussegmi aɣelnaw, Nouria Benghebrit, ass n ttlata deg Lezzayer Tamaneɣt, d akken asselhu n usselmed yessefk ad d-yemyezg d ubeddel ay la d-yettilin deg weḥric n ussegmi, am wakken ad d-yili i lmend n wayen yessaram ubalmud.
Deg yiwen n usarag n uqeyyem, tenna-d Massa Benghebrit, sdat yigensasen (mumattilin) n useqqamu n tsuda n weswaḍ (taftic) d akken « acqirrew ameqran akk ay la d-yettmagar uɣlif netta d asselhu n usselmed d ussezgi-nnes d ubeddil akken ad d-yili i lmend n wayen yebɣa yerna iḥemmel-it ubalmud deg tallit-a d ussezgi n ussefrek i wakk iswiren ».
Iswi n usselhu n usselmed netta d « aqader n leqwanin, aheyyi n unagraw n yimataren (niḍam mu’accirat), amciweṛ d uqader n tezdeg n ṣṣenɛa s ussefɛel n urkawal-nni ay d-yettwaheyyan i waya deg uḥric n ussegmi ».
Seg yidis niḍen, tenna-d Massa Benghebrit d akken tecɣeb-itt temsalt n wuguren ay ttqabalent tsuda (mu’assasat) d tifratin ay d-yettwassumren, am wakken ay d-tger tiɣri i yimaswaḍen (mufatticin) akken « ad ssnen amek ad sseqdacen imataren ama deg uswir n twilayt, ama deg uswir aɣelnaw, amek ad sellḍen igmaḍ iɣurbizen yernu ad ttwellihen iɣerbazen s umɛawen d yinemhalen n ussegmi ».
