Asebter amenzawi

Aselway n Tegduda yessawel izzayriyen akken ad refden tiktiwin imaɣṛaṣen d yemǧuhad

LEZZAYER TAMANAɣT – Aselway n Tegduda, Mas Abdelaziz Bouteflika, yessawel ass n laṛebɛa "izzayriyen akken ad kemmlen amedya n yimaɣṛaṣen akk d yemǧuhad yessawḍen ɣer timmunent n tmurt s yidammen yuzzlen akk d laɛtab muqqṛen".

Deg yiwen n yizen ay yettuceggɛen i yixeddamen izzayriyen almend n wesmekti wis 60 n umulli n tlallit n tdukkli tamatutt n yixeddamen izzayriyen (UGTA) akk d umulli wis 45 n usɣlnaẓṛi n lpitṛul d lgaz, aselway Bouteflika yessawel i yizzayriyen "akken ad kemmlen abrid yellan d amedya n yimaɣṛaṣen akk d yemǧuhad d-iḥellan timmunent s laɛtab d yidammen yuzzlen".

"Ad ssiwleɣ i wegdud akken ad ḥadren ɣef yiberdan n tjaddit-nneɣ, d iseggasen ṣebṛen, werǧin knan, akken ad bnun Lezzayer deg yiwet n tegnitt tadamsant d laman iwaɛṛen", i yessaḥṛeṣ umuqqṛan n ddewla ladɣa mi d-yenna belli "ilaq ukemmel unadi n tussna deg tesdawiyin-nneɣ, wexdam n wakal n tfellaḥt d usefti di lluzinat akken Lezzayer ad tqabel taswiɛt-agi tawaɛṛant s wacu d-yegla ssuq ageraɣlan upiṭṛull".