Asebter amenzawi

Ad tqabel Lezzayer ayen akk i yes-s ara d-yeglu uɣlay n wazal n Upiṭrul s yiwet n tsertit tuɣdimt iqeṭben (Bouteflika)

LEZZAYER – Aselway n Tegduda, Mass Abdelaziz Bouteflika, yenna-d ass n larebɛa belli Lezzayer teqsed akken ‘’ ad tqabel ayen akk i yes-s ara d-yeglu uɣlay n wazal n Upiṭrul s wallal n yiwet n tsertit n tneflit tadamsant ara yilin d tuɣdimt akked daɣen d timqeṭṭebt’’.

"Ur nettwali ara ad as-nanef i teɣdemt i yessefken ad tili deg usefrek n wayla n uwanek akked uṣeggem n uṣerref deg wayen yerzan tiẓraf. Riɣ ad as-alseɣ i wawal-d, aql-aɣ nhegga akken ad nqabel ayen akk i yes-s ara d-yeglu uɣlay n wazal n Upiṭrul s wallal n yiwet n tsertit n tneflit tadamsant ara yilin d tuɣdimt akked daɣen d timqeṭṭebt’’, i d-iderrer uselway n Tegduda deg yiwen n yizen i yixeddamen izzayriyen i lmend n usfugel n umulli wis 60 n useɣnew n Tdukli tamatut n yixeddamen (UGTA) akked umulli wis 45 n useɣlen n upiṭrul akked wurrig (lgaz), yeɣra-t-id s yisem-is Mass Benamar Zerhouni, d asemtar n tselwit n Tegduda.