ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⵎⴻⵕⵕⵓⴽ ⵍⴰ ⵜⵄⴻⵕⵕⴻⴹ ⴰⴷ ⵜⴻⵔⴳⴻⵍ ⴰⴱⵔⵉⴷ ⵉ ⵜⴻⵔⵣⵉ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵙⴷⴰⵡⴰⵏ ⴰⵚⴻⵃⵔⴰⵡⵉ ⵎⵓⵙⵜⴰⵒⵀⴰ ⴱⴰⴱⴰ ⵙⴰⵢⴻⴷ, ⵢⴻⵙⵙⴻⵍⵎⴰⴷⴻⵏ ⴷⴻⴳ ⵜⴻⵙⴷⴰⵡⵉⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵜⵉⵙ 3, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ, ⴷⴰⴽⴽⴻⵏ ⵢⴻⵙⵃⴰⵙⵙⴻⴼ ⵉⵎⵉ ⵎⴻⵕⵕⵓⴽ ⵓⵔ ⵜⵜ-ⵢⴻⵄⵊⵉⴱ ⴰⵔⴰ ⵍⵃⴰⵍ ⵖⴻⴼ ⵜⴻⵔⵣⵉ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⵖⴻⴼ ⵜⵎⵓⵔⴰ ⵏ ⵜⴻⵎⵏⴰⴹⵜ ⴰⴽⴽⴻⵏ ⴰⴷ ⵢⴻⴼⵔⵓ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⵎⵉ ⴷ-ⵢⴻⵍⵍⴰ ⴷ ⵉⵏⴻⴱⴳⵉ ⵏ ⵓⵏⵎⴰⴳⴻⵔ ⵏ ⵓⵖⵎⵉⵙ ⴰⵢⴰⵍⵍⴰⵙ ⵏ ⴷⴽ-ⵏⴻⵡⵙ, ⵢⴻⵏⵏⴰ-ⴷ ⵓⵙⴻⵍⵎⴰⴷ-ⴰ ⴰⵚⴻⵃⵕⴰⵡⵉ ⴷⴰⴽⴽⴻⵏ « ⴰⵏⵀⵉⵍ (ⵏⵉⴹⴰⵎ) ⴰⵎⴻⵕⵕⵓⴽⵉ ⵢⴻⵡⵡⴻⴹ ⴰⵔⵎⵉ ⴰⵢ ⴰⵙ-ⵢⴻⴼⴽⴰ ⵛⵛⵓⵔⵓⴹ ⵉ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵔⵏⴰ ⵉⵃⵓⴷⴷ-ⴰⵙ-ⴷ ⵜⵉⵎⵏⴰⴹⵉⵏ ⴰⵢⵖⴻⴼ ⴰⴷ ⵢⴻⵔⵣⵓ », ⴰⴽⴽⴻⵏ ⴰⴷ ⴷ-ⵢⴻⴳ ⵉⵄⴻⵡⵡⵉⵇⴻⵏ ⵉ ⵜⴻⵔⵣⵉ ⵏ ⵓⵎⴰⵔⵓ ⴰⵎⴰⵜⵓ ⴰⴷ ⵢⴻⴳ ⴷⴻⴳ ⵎⴻⵖⵔⴻⵙ ⴰⵢ ⴷ-ⵢⴻⵜⵜⴻⴷⴷⵓⵏ, ⵍⴰⴷⵖⴰ ⵖⴻⴼ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ.
ⴰⵏⵀⴰⵍ ⴰⵎⴻⵕⵕⵓⴽⵉ ⵢⴻⵍⵍⴰ ⵢⴻⴹⵎⴻⵄ ⴰⴷ ⴷ-ⵜⵉⵍⵉ ⵜⵉⵔⵣⵉ-ⴰ ⴷⴻⴼⴼⵉⵔ ⵓⵙⵙⵓⴼⴼⴻⵖ ⵏ ⵓⵕⴰⴱⵓⵍ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⵖⴻⴼ ⵓⵄⴰⵡⴻⴷ ⵏ ⵍⴻⵡⵚⴰⵢⴰ ⵏ ⵎⵉⵏⵓⵔⵙⵧ (ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴷⴰⵡⴰⵏ-ⴰ ⴰⵚⴻⵃⵔⴰⵡⵉ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵓⵙⴻⵍⵎⴰⴷ-ⴰ ⴷⴰⵖ ⴷⴰⴽⴽⴻⵏ ⴷ ⴼⵕⴰⵏⵙⴰ ⴰⵢ ⴷ ⵙⵙⴻⴱⴱⴰ ⵜⴰⵎⴻⵇⵔⴰⵏⵜ ⴷⴻⴳ ⵢⵉⵄⴻⵡⵡⵉⵇⴻⵏ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⴱⵔⵉⴷ ⵏ ⵢⵉⵚⴻⵃⵔⴰⵡⵉⵢⴻⵏ, ⵢⴻⵔⵏⵓ ⵢⴻⵜⵜⵀⴻⵎ-ⵉⵜⵜ ⵙ « ⵜⵓⵇⵇⵏⴰ ⵏ ⵜⵉⵟ ⵖⴻⴼ ⵡⴰⵢⴻⵏ ⴰⵢ ⵍⴰ ⵜⴻⵜⵜⴻⴳ ⵎⴻⵕⵕⵓⴽ ».
« ⴼⵕⴰⵏⵙⴰ ⵜⵓⵔⴰⵔ ⴷⴷⵓⵕ ⴷⴻⴳ ⵡⴰⴽⴽ ⵜⵉⵡⵓⵖⴰ ⴷ ⵢⵉⵄⴻⵡⵡⵉⵇⴻⵏ ⴰⵢ ⴷ-ⵢⴻⵔⵙⴻⵏ ⴷⴻⴳ ⵓⴱⵔⵉⴷ ⵏ ⵓⵖⵔⴻⴼ ⴰⵚⴻⵃⵔⴰⵡⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴰⴽⴽⴻⵏ « ⵜⴰⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⵜⴻⵍⵍⴰ ⵜⴻⵣⵎⴻⵔ ⴰⴷ ⵜⴻⴼⵔⵓ ⵙ ⵓⴱⵔⵉⴷ ⵓⵃⵕⵉⵛ ⵢⴻⵔⵏⵓ ⴷ ⵓⵚⵡⵉⴱ, ⵙ ⵓⵅⴻⵎⵎⴻⵎ ⵖⴻⴼ ⵏⵏⴼⴻⵄ ⵏ ⵢⵉⵖⴻⵔⴼⴰⵏ ⵏ ⵍⵎⴻⵖⵔⴻⴱ » ⴰⵢ ⵢⴻⴱⵖⴰⵏ ⵜⴰⴷⵓⴽⵍⵉ ⴳⴰⵔ ⵜⵎⵓⵔⴰ-ⵏⵙⴻⵏ.
ⵎⴰⵙⵙ ⴱⴰⴱⴰ ⵙⴰⵢⴻⴷ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵖⵔⴻⴼ ⴰⵚⴻⵃⵔⴰⵡⵉ ⵢⴻⵏⵏⴰ-ⴷ, ⴰⵛⵃⴰⵍ ⴷ ⵜⵉⴽⴽⴻⵍⵜ, ⴷⴰⴽⴽⴻⵏ ⵢⴻⵡⵊⴻⴷ ⵙ ⵜⵉⴷⴻⵜ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵍⴻⴱⵏⵉ ⵏ ⵍⵎⴻⵖⵔⴻⴱ ⴷ ⵓⵃⵓⴷⴷⵓ-ⵏⵏⴻⵙ ⵙⴻⴳ ⵢⵉⵎⵉⵀⵉⵜⴻⵏ (ⴰⵅⵟⴰⵔ) ⵓⴼⴼⵉⵖⴻⵏ ⴰⵢ ⵍⴰ ⵜ-ⵢⴻⵜⵜⵃⴰⴽⴰⵕⴻⵏ.
