ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⴷ-ⵙⵄⴻⵊⵍⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴰⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⴳⴻⵔ-ⴷ ⵢⵉⵡⴻⵏ ⵏ ⵓⵎⴰⵣⴷⴰⵢ ⵏ ⵢⵉⵙⴻⵍⵎⴰⴷⴻⵏ ⵉⵙⴷⴰⵡⴰⵏⴻⵏ, ⴰⵙⵙ ⵏ ⵜⵜⵍⴰⵜⴰ, ⵜⵉⵖⵔⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵉ ⵢⵉⵖⵍⴰⵏⴻⵏ ⵢⴻⴷⴷⴽⴽⵍⴻⵏ ⴰⴽⴽⴻⵏ ⴰⴷ ⵙⵙⵓⴷⴷⵙⴻⵏ ⵜⴰⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ) ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵡⴰⵔ ⵍⴻⵄⴹⵉⵍ.
« ⵢⴻⵙⵙⴻⴼⴽ ⴰⴷ ⴷ-ⵇⴻⵙⴷⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵡⴰⵔ ⵍⴻⵄⴹⵉⵍ, ⴰⴽⴽⴻⵏ ⴰⴷ ⵙⵙⵓⴷⴷⵙⴻⵏ ⵜⴰⵙⴻⴼⵔⴰⵏⵜ (ⵉⵙⵜⵉⴼⵜⴰ’) ⵏ ⵓⴳⴳⵓⵛⵛⴻⵍⵎⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵉ ⵓⵃⵔⴰⵣ ⵏ ⵜⵖⴻⵍⵍⵉⵙⵜ (ⴰⵎⵏ) ⴷ ⵓⵔⴽⴰⴷ ⴷⴻⴳ ⵜⴻⵎⵏⴰⴹⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵎⴰⴷ ⵏ ⵓⵙⴰⴹⵓⴼ ⴰⴳⵔⴰⵖⵍⴰⵏ ⵏ ⵜⴻⵙⴷⴰⵡⵉⵜ ⵏ ⵜⵉⵣⵉ ⵡⴻⵣⵣⵓ, ⴰⵎⴰⵔⵉ ⵜⴰⵀⴰⵔ-ⴻⴷⴷⵉⵏⴻ.
ⵎⴻⵕⵕⵓⴽ ⵓⵔ ⵜⴻⵍⵍⵉ ⴰⵔⴰ ⴷ « ⵜⴰⴷⵓⵙⵉ ⵜⴰⵏⴻⴷⴱⴰⵍⵜ (ⵇⵓⵡⵡⴰ ⵉⴷⴰⵔⵉⵢⵢⴰ), ⵡⴰⵏⴰⴳ ⴷ ⵜⴰⴷⵓⵙⵉ ⵢⴻⴹⴹⴼⴻⵏ ⵜⴰⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⴰⵥⴰⵢⴻⵔ-ⴰ (ⵡⴰⴹⵄ) ⵓⵔ ⵢⴻⵜⵜⴰⴵⴵⴰ ⴰⵔⴰ ⵎⴻⵕⵕⵓⴽ ⴰⴷ ⵉⵖⴻⵍⵍⴻⵜ ⵍⵅⵉⵔ ⵏ ⵓⴳⴰⵎⴰ ⵏ ⵡⴰⴽⴰⵍ ⴰⵚⴻⵃⵔⴰⵡⵉ ⵖⴻⴼ ⵍⴻⵃⵙⴰⴱ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵖⵔⴻⴼ ⴰⵚⴻⵃⵔⴰⵡⵉ ⵜⵜⵡⴰⴽⴽⵙⴻⵏ-ⴰⵙ ⵢⵉⵣⴻⵔⴼⴰⵏ-ⵏⵏⴻⵙ ⵏ ⵓⵣⴰⵔⵓⴳ ⴷ ⵓⴳⴳⵓⵛⵛⴻⵍⵎⴰⵏ.
ⵢⴻⵙⵎⴻⴽⵜⵉ-ⴷ ⴷⴰⵖ ⵎⴰⵙⵙ ⴰⵎⴰⵔⵉ ⵙ ⵓⵙⵙⴻⴱⵟⴻⵍ-ⵏⵏⵉ ⴰⵢ ⵢⴻⵙⵙⴻⴱⵟⴻⵍ ⵓⵅⵅⴰⵎ ⵏ ⵛⵛⵕⴻⵄ ⴰⴳⵔⴰⵖⵍⴰⵏ, ⴰⵙⵙ ⵏ 10 ⴷⵓⵊⴻⵎⴱⴻⵕ, ⵍⴻⵄⵇⴻⴷ-ⵏⵏⵉ ⴰⵢ ⵢⴻⵇⵇⵏⴻⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ ⵖⴻⵔ ⵎⴻⵕⵕⵓⴽ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵍⴻⵍⵍⵉ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ) ⵏ ⵍⵖⴻⵍⵍⴰⵜ ⵏ ⵜⴼⴻⵍⵍⴰⵃⵜ ⴷ ⵢⵉⵍⴻⵍ (ⴱⴰⵃⵔ) ⴰⵢⴷⴻⴳ ⴷ-ⵢⴻⴷⴷⴰ ⵓⵍⴰ ⴷ ⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⴰⵙⵙⴻⴱⵟⴻⵍ ⵏ ⵍⴻⵄⵇⴻⴷ-ⴰ ⵢⴻⵍⵍⴰ-ⴷ ⴷ « ⴰⴽⵙⴰⴱ ⵏⵉⴹⴻⵏ ⵉ ⵢⵉⵎⴻⵏⵖⵉ ⴰⵚⴻⵃⵔⴰⵡⵉ », ⵢⴻⵔⵏⵓ ⴰⵢⴰ ⴰⴷ ⴷ-ⵢⴻⴳⵍⵓ ⵙ ⵍⴰⵜⴻⵕ ⵖⴻⴼ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ ⵉⵎⵉ ⴰⵟⴰⵙ ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⵎⴻⵇⵔⴰⵏⵉⵏ ⵏ ⵜⵓⵕⵓⴼⵜ « ⴰⴷ ⵙⴱⴻⵟⵍⴻⵏⵜ ⵍⴻⵄⵇⵓⴷⴰⵜ-ⵏⵙⴻⵏⵜ ⵏ ⵜⵉⵛⵛⵓⵔⴽⴰ ⴷ ⵎⴻⵕⵕⵓⴽ », ⴰⵎ ⵡⴰⴽⴽⴻⵏ ⴰⴷ ⵃⴻⴱⵙⴻⵏⵜ ⵜⵉⵖⵉⵏ ⵏ ⵜⵏⴻⴳⵡⴰ (ⵎⴰⵡⴰⴷ) ⵜⵉⵎⴻⵣⵡⵓⵔⴰ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ.
