ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⵉⵏ ⵢⵉⴱⵓⵍⵉⵠⵉⵢⴻⵏ ⴰⴷ ⴼⴽⴻⵏ ⴰⵣⵔⴻⴼ ⵉ ⵎⵧⵔⴰⵍⴻⵙ ⴰⴷ ⵢⴻⵃⴽⴻⵎ ⵉ ⵜⵉⴽⴽⴻⵍⵜ ⵜⵉⵙ 4

ⵍⴰ ⵒⴰⵣ– ⵢⵓⴳⵉ ⵡⴻⵖⵔⴻⴼ ⴰⴱⵓⵍⵉⵠⵉ, ⵙ ⵜⵙⴻⴼⵔⴰⵏⵜ, ⴰⴷ ⵢⴻⴼⴽ ⴰⵣⵔⴻⴼ ⵉ ⵓⵙⴻⵍⵡⴰⵢ ⴻⵠⵧ ⵎⵧⵔⴰⵍⴻⵙ ⴰⴽⴽⴻⵏ ⴰⴷ ⴷ-ⵢⴻⵙⵙⴻⵔⵙ ⵉⵎⴰⵏ-ⵏⵏⴻⵙ ⵖⴻⵔ ⵜⴻⴼⵔⴰⵏⵉⵏ ⵜⵉⵙⴻⵍⵡⴰⵢⴰⵏⵉⵏ ⵉ ⵜⵉⴽⴽⴻⵍⵜ ⵜⵉⵙ 4 ⵢⴻⵔⵏⵓ ⴰⴷ ⵢⴻⵃⴽⴻⵎ ⴰⵔⵎⴰ ⴷ 2025, ⵖⴻⴼ ⵍⴻⵃⵙⴰⴱ ⵏ ⵢⴻⴳⵎⴰⴹ ⵓⵏⵚⵉⴱⴻⵏ ⵏ ⵜⵙⴻⴼⵔⴰⵏⵜ-ⴰ.

ⵓⴷⵓⵙ (ⵀⴰⵢ’ⴰ) ⴰⴼⵔⴰⵏⴰⵏ ⴰⴳⵜⴰⵖⵍⴰⵏ ⵏ ⴱⵓⵍⵉⵠⵢⴰ ⵢⴻⴽⵛⴻⴼ-ⴷ, ⴰⵙⵙ ⵏ ⵜⵜⵍⴰⵜⴰ, ⴷⴻⴳ ⵓⴷⴻⴳ-ⵏⵏⴻⵙ ⵏ ⵉⵏⵜⴻⵔⵏⴻⵜ, ⴷ ⴰⴽⴽⴻⵏ 51,33% ⵙⴻⴳ ⵎⴻⴷⴷⴻⵏ ⴰⵢ ⴷ-ⵢⴻⵏⵏⴰⵏ « ⵓⵀⵓ » ⵉ ⵓⵄⴰⵡⴻⴷ ⵏ ⵓⵜⵜⴻⴽⴽⵉ ⵏ ⴻⵠⵧ ⵎⵧⵔⴰⵍⴻⵙ ⴷⴻⴳ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ ⵉ ⵜⵉⴽⴽⴻⵍⵜ ⵜⵉⵙ 4, ⵢⴻⵔⵏⵓ ⴷ ⵜⴰ ⴰⵢ ⴷ ⵍⴻⵅⵚⴰⵔⴰ ⵜⴰⵎⴻⵣⵡⴰⵔⵓⵜ ⵏ ⵎⵧⵔⴰⵍⴻⵙ ⴷⴻⴳ ⵜⴻⴼⵔⴰⵏⵉⵏ ⵙⴻⴳ ⵡⴰⵙⵎⵉ ⴰⵢ ⵢⵓⵍⵉ ⵖⴻⵔ ⵓⴷⴰⴱⵓ ⴷⴻⴳ 2006.

ⵎⵧⵔⴰⵍⴻⵙ ⴷ ⵏⴻⵜⵜⴰ ⴰⵢ ⴷ ⴰⵙⴻⵍⵡⴰⵢ ⴰⵇⴱⵓⵔ ⴰⴽⴽ ⵢⴻⵍⵍⴰⵏ ⴷⴻⴳ ⵓⴷⴰⴱⵓ ⴷⴻⴳ ⵜⴻⵎⵔⵉⴽⵜ ⵜⴰⵍⴰⵜⵉⵏⵉⵜ ⴰⵙⵙ-ⴰ. ⵢⴻⵜⵜⵡⴰⴼⵔⴻⵏ ⴷⴻⴳ 2006 ⵢⴻⵔⵏⵓ ⴰⴷ ⵜⴼⴰⴽ ⵜⵙⴻⵍⵡⵉⵜ-ⵏⵏⴻⵙ ⴷⴻⴳ 2020.

ⵎⵧⵔⴰⵍⴻⵙ, ⵢⴻⵙⵄⴰⵏ ⴰⵙⵙ-ⴰ 56 ⵏ ⵢⵉⵙⴻⴳⴳⴰⵙⴻⵏ, ⵉⵕⴻⴳⴳⴻⵎ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷ ⴰⴽⴽⴻⵏ « ⴰⴷ ⵉⵇⴰⴷⴻⵔ ⵉⴳⵎⴰⴹ » ⵏ ⵜⵙⴻⴼⵔⴰⵏⵜ-ⵏⵏⵉ, ⴰⴽⴽⴻⵏ ⴱⵖⵓⵏ ⵉⵍⵉⵏ.

ⴷⴻⴳ ⴱⵓⵍⵉⵠⵢⴰ, ⴰⴷⵖⴰⵔ (ⵜⴰⵚⵡⵉⵜ) ⵢⴻⵜⵜⵡⴰⵃⴻⵜⵜⴻⵎ, ⵢⴻⵔⵏⵓ ⵜⵉⴽⴽⴻⵍⵜ-ⴰ, 6,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴱⵓⵍⵉⵠⵉⵢⴻⵏ (ⴳⴰⵔ-ⴰⵙⴻⵏ ⵓⴳⴰⵔ ⵏ 300.000 ⵢⴻⵍⵍⴰⵏ ⴷⴻⴳ ⵓⵣⵖⴰⵔ) ⵓⵎⵉ ⴷ-ⵖⵔⴰⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ, ⴰⵙⵙ ⵏ ⵍⵃⴻⴷⴷ, ⴷⴻⴳ ⵜⵙⴻⴼⵔⴰⵏⵜ-ⴰ ⴰⵢⴷⴻⴳ ⴰⴷ ⵜⵜ-ⵉⴷ-ⴼⵔⵓⵏ ⵎⴰ ⴰⴷ ⴼⴽⴻⵏ ⴰⵣⵔⴻⴼ ⵉ ⵓⵙⴻⵍⵡⴰⵢ-ⵏⵙⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵜⴻⴼⵔⴰⵏⵉⵏ ⵉ ⵓⵙⵙⵓⵜⴻⵔ ⵏ ⵜⵖⵉⵎⵉⵜ ⴷⴻⴳ ⵓⴷⴰⴱⵓ ⴰⵔⵎⴰ ⴷ 2025.