ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵜⴻⵕⵃⴱⴻⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙ ⵓⵖⴰⵡⴰⵙ ⵏ ⵡⴻⵎⴷⴰⵍ ⵏ ⵍⵃⴻⴱⵙ ⵏ ⴳⵓⴰⵏⵜⴰⵏⴰⵎⵧ
ⴳⴻⵏⴻⵠⴻ – ⵢⴻⵏⵏⴰ-ⴷ ⵢⴻⵎⵡⴻⴽⴽⴻⵍ ⵓⵏⵏⵉⴳ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵣⴻⵉⴷ ⵔⴰ’ⴰⴷ ⴰⵍ ⵀⵓⵙⵙⴻⵉⵏ, ⴰⵙⵙ ⵏ ⵜⵜⵍⴰⵜⴰ, ⴷ ⴰⴽⴽⴻⵏ ⵢⴻⵙⵜⴻⵕⵃⵉⴱ ⵙ ⵢⵉⵙⴰⵍⵉ ⴰⵢ ⴷ-ⵢⴻⵙⵙⵓⴼⴼⴻⵖ ⵓⵏⴰⴱⴰⴹ (ⵃⵓⴽⵓⵎⴰ) ⴰⵎⴰⵔⵉⴽⴰⵏⵉ ⵖⴻⴼ ⵓⵖⴰⵡⴰⵙ (ⵅⵓⵟⵟⴰ) ⵏ ⵡⴻⵎⴷⴰⵍ ⵏ ⵍⵃⴻⴱⵙ ⵏ ⴳⵓⴰⵏⵜⴰⵏⴰⵎⵧ, ⵢⴻⵔⵏⵓ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⴰⴷ ⵉⴼⴰⴽ ⴷⴰⵖ ⵡⴻⵃⴱⴰⵙ ⵏ ⵢⴻⵎⴷⴰⵏⴻⵏ ⵡⴰⵔ ⵜⵉⵍⵉⵙⴰ, ⵡⴰⵔ ⵎⴰ ⵜⵜⵡⴰⵜⵜⴻⵀⵎⴻⵏ ⵏⴻⵖ ⵜⵜⵡⴰⵛⴰⵕⵄⴻⵏ.
ⴰⵙⴻⵍⵡⴰⵢ ⴰⵎⴰⵔⵉⴽⴰⵏⵉ ⴱⴰⵔⴰⵛⴽ ⵧⴱⴰⵎⴰ ⵉⵅⴻⴱⴱⴻⵔ-ⴷ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴷⴻⴳ ⵡⴻⵅⵅⴰⵎ ⴰⵎⴻⵍⵍⴰⵍ ⴷ ⴰⴽⴽⴻⵏ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴻⵎⴷⴻⵍ ⴰⵎⵎⴰⵙ ⵏ ⵡⴻⵃⴱⴰⵙ ⵏ ⴳⵓⴰⵏⵜⴰⵏⴰⵎⵧ ⴰⵏⴷⴰ ⴰⵢ ⵎⴰⵣⴰⵍ ⵜⵜⵡⴰⵃⴻⴱⵙⴻⵏ 91 ⵏ ⵢⴻⵎⴷⴰⵏⴻⵏ. ⵎⴰⵙⵙ ⵧⴱⴰⵎⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⵃⴻⴱⵙ-ⴰ ⴰⵙⴻⵔⴷⴰⵙⴰⵏ ⴷ-ⵢⴻⵣⴳⴰⵏ ⴷⴻⴳ ⵜⴻⵎⴷⴰ ⵏ ⴳⵓⴰⵏⵜⴰⵏⴰⵎⵧ (ⴷⴻⴳ ⴽⵓⴱⴰ) ⵓⵔ ⴷ-ⵢⴻⵡⵡⵉ ⴰⵔⴰ ⴰⵢⴻⵏ ⵢⴻⵍⵀⴰⵏ ⵉ ⵜⵖⴻⵍⵍⵉⵙⵜ (ⴰⵎⵏ) ⴷ ⵜⵓⴳⵏⴰ ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⵓ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵖⴰⵡⴰⵙ-ⵏⵏⴻⵙ ⵏ ⵓⵎⴷⴰⵍ ⵢⴻⴼⴽⴰ-ⵜ ⵉ ⵓⵛⵧⵏⴳⵔⴻⵙⵙ.
« ⵓⵎⴰⵔⴻⵖ (ⴼⴻⵕⵃⴻⵖ) ⵙ ⵓⵖⴰⵡⴰⵙ-ⴰ ⵢⴻⵔⵏⵓ ⵙⵙⴰⵔⴰⵎⴻⵖ ⵓⵔ ⴷ-ⵜⵜⵉⵍⵉⵏ ⴰⵔⴰ ⵢⵉⵄⴻⵡⵡⵉⵇⴻⵏ ⵏⵉⴹⴻⵏ ⵉ ⵓⵙⵙⴻⴼⵄⴻⵍ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⴻⵉⴷ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴷⴻⴳ ⴳⴻⵏⴻⵠⴻ.
« ⴰⵏⴻⴳⵔⴰⵡ (ⵏⵉⴹⴰⵎ) ⵏ ⴳⵓⴰⵏⵜⴰⵏⴰⵎⵧ ⴷ ⵡⴰⴽⴽ ⴰⵢⴻⵏ ⵢⴻⵍⵍⴰⵏ ⴷⴻⴳ-ⵙ ⵢⴻⵙⵡⴰⵖ ⵜⴰⴳⵏⵉⵜ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷⴻⴳ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⵜⵙⴻⵍⵍⴰⵜ (ⵙⵓⵎⵄⴰ) ⵏ ⵜⵎⵓⵔⵜ-ⴰ ⴷⴻⴳ 14-ⴰ ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⴻⵎⵡⴻⴽⴽⴻⵍ ⵓⵏⵏⵉⴳ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵍⵃⴻⴱⵙ-ⴰ ⵣⴳⴰⵏ ⵜⵜⴰⴽⴼⴻⵏⵜ-ⵉⴷ ⵢⵉⵏⴰⴱⴰⴹⴻⵏ ⵉⵎⴻⵙⴱⴰⵟⵍⵉⵢⴻⵏ ⴷ ⴰⵎⴻⴷⵢⴰ ⴰⴽⴽⴻⵏ ⴰⴷ ⴷ-ⴰⴼⴻⵏ ⵙⵙⴻⴱⴱⴰ ⴰⴷ ⴽⴻⵎⵎⵍⴻⵏ ⵍⴱⴰⵟⴻⵍ-ⵏⵙⴻⵏ ⴷⴻⴳ ⵜⵎⵓⵔⴰ-ⵏⵙⴻⵏ.
ⵎⴰⵙⵙ ⵣⴻⵉⴷ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⴰⵙⵙⴻⴼⵄⴻⵍ ⵏ ⵓⵖⴰⵡⴰⵙ-ⴰ ⵏ ⵎⴰⵙⵙ ⵧⴱⴰⵎⴰ ⴰⴷ ⵉⴼⴰⴽ, ⵉ ⵍⴻⴱⴷⴰ, ⴰⵃⴱⴰⵙ ⵡⴰⵔ ⵜⵉⵍⵉⵙⴰ, ⵡⴰⵔ ⴰⵜⵜⵀⴰⵎ ⴷ ⵓⵛⴰⵕⴻⵄ, ⵏ ⵢⵉⵎⴻⵃⴱⴰⵙ ⵏ ⴳⵓⴰⵏⵜⴰⵏⴰⵎⵧ.
« ⴰⴽⴽ ⵉⵎⴻⵃⴱⴰⵙ ⵏ ⴳⵓⴰⵏⵜⴰⵏⴰⵎⵧ ⴰⴷ ⵜⴻⵏ-ⴰⵡⵉⵏ ⵖⴻⵔ ⵡⴰⵎⵎⴰⵙⴻⵏ ⵏ ⵡⴻⵃⴱⴰⵙ ⵏ ⵎⴻⵏⵡⴰⵍⴰ ⵢⴻⵍⵍⴰⵏ ⴷⴻⴳ ⵡⴰⴽⴰⵍ ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⵏⴻⵖ ⵖⴻⵔ ⵜⵎⵓⵔⴰ ⵏⵉⴹⴻⵏ ⴰⵏⴷⴰ ⴰⴷ ⵜⵜⵡⴰⵛⴰⵕⵄⴻⵏ ⵙ ⵜⴳⴰⴷⴷⴰ (ⵄⴰⴷⵍ) ⴷⴻⴳ ⵛⵛⵕⴻⵄ ⴰⵖⴰⵔⵉⵎ ⵢⴻⵔⵏⵓ ⵙ ⵡⴻⴱⵔⵉⴷ ⴰⵍⵓⴳⴰⵏ, ⵙ ⵓⵇⴰⴷⴻⵔ ⵏ ⵜⴻⴳⵏⴰ (ⵎⴰⵄⴰⵢⵉⵔ) ⵜⵉⴳⵔⴰⵖⵍⴰⵏⵉⵏ » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⴻⵎⴹⴻⴱⴱⴻⵔ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
