ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵃⵓⵍⴼⵓ ⴷⴻⴳ ⵜⵏⴻⵣⴷⵓⵖⵉⵏ ⵜⵉⵙⴷⴰⵡⴰⵏⵉⵏ ⵉ ⵓⵃⴰⵕⴻⴱ ⵏ ⵓⵙⵙⴻⵇⴷⴻⵛ ⵏ ⵜⴻⵀⵢⵓⴼⵉⵏ (ⴰⵎⵢⴰⴳⴻⵔ)

ⵜⵍⴻⵎⵙⴰⵏ - ⵃⴻⵜⵜⴻⵜⴻⵏ-ⴷ ⵢⵉⵎⵜⵜⴻⴽⴽⵉⵢⴻⵏ ⴷⴻⴳ ⵡⴰⵙⵙ ⵏ ⵜⴻⵣⵔⴰⵡⵜ (ⵢⴰⵡⵎ ⴷⵉⵔⴰⵙⵉ) ⵖⴻⴼ ⵍⵎⴰⴹⴻⵔⵔⴰ ⵏ ⵜⴻⵀⵢⵓⴼⵉⵏ ⴷⴻⴳ ⵜⵍⴻⵎⵙⴰⵏ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵓⵙⵃⵓⵍⴼⵓ ⴷⴻⴳ ⵜⵏⴻⵣⴷⵓⵖⵉⵏ ⵜⵉⵙⴷⴰⵡⴰⵏⵉⵏ ⴰⴽⴽⴻⵏ ⴰⴷ ⵃⴻⵣⵣⴱⴻⵏ ⵢⵉⵏⴻⵍⵎⴰⴷⴻⵏ ⵙⴻⴳ ⵓⵙⵙⴻⵇⴷⴻⵛ ⵏ ⵜⴻⵀⵢⵓⴼⵉⵏ.

ⵉⵡⴻⴽⴽⴻⴷ-ⴷ ⵓⵏⴻⵎⵀⴰⵍ ⵏ ⵢⵉⵎⴻⵥⵍⴰ ⵉⵏⵎⴻⵜⵜⵉⵢⴻⵏ (ⵅⴰⴷⴰⵎⴰⵜ ⵉⴵⵜⵉⵎⴰⵄⵉⵢⵢⴰ) ⵏ ⵜⵍⴻⵎⵙⴰⵏ ⴷ ⴰⴽⴽⴻⵏ ⴰⵙⵃⵓⵍⴼⵓ ⵢⴻⵙⵙⴻⴼⴽ ⴰⴷ ⴷ-ⵢⴻⵙⵙⴽⴻⵏ ⵍⵎⴰⴹⴻⵔⵔⴰ ⴰⵢ ⴷ-ⵢⴻⵜⵜⴻⴽⴽⴻⵏ ⵙⴻⴳ ⵓⵙⵙⴻⵇⴷⴻⵛ ⵏ ⵜⴻⵀⵢⵓⴼⵉⵏ ⴰⵎⴰ ⵖⴻⴼ ⵜⴷⴰⵡⵙⴰ, ⴰⵎⴰ ⵖⴻⴼ ⵜⵎⴻⵜⵜⵉ.

ⵖⴻⴼ ⵍⴻⵃⵙⴰⴱ ⵏ ⴼⴰⵔⵧⵓⴽ ⴱⵧⵓⴽⵀⵍⵉⴽⵀⴰ, ⴰⵙⵙⴻⵇⴷⴻⵛ ⵏ ⵜⴻⵀⵢⵓⴼⵉⵏ ⵢⴻⵜⵜⴻⴳ ⵉⴼⴰⴷⴷⴻⵏ ⵉ ⵜⴻⵊⵔⵉⵎⵉⵏ ⵢⴻⵔⵏⵓ ⵢⴻⵙⵙⴻⴼⵛⴰⵍ ⵜⵉⵣⴻⵎⵎⴰⵔ ⵏ ⵢⵉⵍⴻⵎⵥⵉⵢⴻⵏ, ⴷⵖⴰ ⴷ ⴰⵢⴰ ⴰⵢ ⵢⴻⵜⵜⴹⵓⵔⵔⵓⵏ ⵜⵉⵎⴻⵜⵜⵉ.

ⵉ ⵓⵎⵎⴰⴳⴻⵔ ⵏ ⵓⵅⴻⵚⵚⴰⵔ-ⴰ, ⵢⴻⵏⵏⴰ-ⴷ ⵢⵉⵎⴹⴻⴱⴱⴻⵔ-ⴰ ⴷ ⴰⴽⴽⴻⵏ ⵜⴰⵎⴻⵀⵍⴰ ⵏ ⵢⵉⵎⴻⵥⵍⴰ ⵉⵏⵎⴻⵜⵜⵉⵢⴻⵏ ⵏ ⵜⵍⴻⵎⵙⴰⵏ ⵜⴻⵖⵜⴻⵙ (ⵇⴰⵔⵔⴰⵔⴰⵜ) ⴰⴷ ⵜⴻⵔⵔ ⴰⵙⴻⴳⴳⴰⵙ-ⴰ ⴰⵙⴷⴰⵡⴰⵏ ⴷⴷⴰⵡ ⵓⴱⴻⵔⵔⵉⵃ ⵏ « ⵓⵀⵓ ⵉ ⵜⴻⵀⵢⵓⴼⵉⵏ… ⵎⴰ ⵓⵍⴰⵛ-ⵉⵜⴻⵏⵜ, ⴰⴷ ⴷⴷⵔⴻⵖ ⵅⵉⵔ », ⵢⴻⵔⵏⵓ ⵉ ⵍⵎⴻⵏⴷ ⵏ ⵡⴰⵢⴰ, ⴰⴷ ⴷ-ⵜⴻⴳ ⴰⵟⴰⵙ ⵏ ⵜⴻⴷⵢⴰⵏⵉⵏ ⵜⴰⴷⴷⴰⵍⴰⵏⵉⵏ ⴷ ⵜⴷⴻⵍⵙⴰⵏⵉⵏ, ⴰⵎ ⵡⴰⴽⴽⴻⵏ ⴰⴷ ⴷ-ⵜⴻⴳ ⵜⴰⵖⵍⴰⵎⵜ (ⵇⴰⴼⵉⵍⴰ) ⵏ ⵓⵙⵃⵓⵍⴼⵓ ⵖⴻⴼ ⵜⴻⵎⵙⴰⵍⵜ-ⴰ ⴷⴻⴳ ⵜⵏⴻⵣⴷⵓⵖⵉⵏ ⵜⵉⵙⴷⴰⵡⴰⵏⵉⵏ.

ⵎⴰ ⴷ ⴰⵙⴷⴰⵡⴰⵏ ⴱⴻⵍⴰⵉⴷ ⴼⴰⵔⵉⴷ ⵏ ⵜⴻⵙⴷⴰⵡⵉⵜ ⵏ ⵜⵍⴻⵎⵙⴰⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵙⵡⵉ ⵏ ⵓⵎⵢⴰⴳⴻⵔ-ⴰ ⴷ ⴰⵃⴻⵣⵣⴻⴱ ⵉ ⵓⵃⵓⴷⴷⵓ ⵏ ⵢⵉⵍⴻⵎⵥⵉⵢⴻⵏ ⵙⴻⴳ ⵡⵉⴷ ⵢⴻⵙⵏⵓⵣⵓⵢⴻⵏ ⵜⵉⵀⵢⵓⴼⵉⵏ ⵢⴻⵔⵏⵓ ⵜⵜⵏⴰⴷⵉⵏ ⵔⵔⴱⴻⵃ ⴰⴼⴻⵙⵙⴰⵙ ⵙ ⵓⵙⵙⴻⴷⵔⴻⵎ ⵏ ⵜⴷⴰⵡⵙⴰ ⵏ ⵎⴻⴷⴷⴻⵏ ⴷ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴳⴻⵏ ⵎⴻⴷⴷⴻⵏ ⴰⵎⴳⴻⵔⵔⴰⴷ ⴳⴰⵔ ⵡⵉⴷ ⵢⴻⵙⵏⵓⵣⵓⵢⴻⵏ ⵜⴰⵎⴻⵜⵜⴰⵏⵜ ⵢⴻⵔⵏⵓ ⵓⴽⵍⴰⵍⴻⵏ ⴰⵄⴰⵇⴻⴱ, ⴷ ⵡⵉⴷ ⴰⵢ ⵢⴻⵙⵙⴻⵇⴷⴰⵛⴻⵏ ⵜⵉⵀⵢⵓⴼⵉⵏ ⵢⴻⵍⵍⴰⵏ ⴷ ⵜⵉⵖⵜⴰⵙ (ⴹⴰⵃⴰⵢⴰ) ⵢⴻⵔⵏⵓ ⵃⵡⴰⴵⴻⵏ ⴰⴷⴰⵡⵉ ⵉⵡⴰⵜⴰⵏ.

ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵓⴳⴻⵏⵙⴰⵙ ⵏ ⵓⵎⵙⴻⴳⵔⴰⵡ ⴰⵎⵏⴰⴹⴰⵏ ⵏ ⵜⴻⵎⵙⴻⵜⵍⴰ (ⴷⴰⵔⴰⴽ) ⵜⴰⵖⴻⵍⵏⴰⵡⵜ ⴷ ⴰⴽⴽⴻⵏ ⵜⴰⵎⵙⴻⵜⵍⴰ ⵜⴻⴹⴹⴻⴼ-ⴷ, ⴷⴻⴳ ⵓⵙⴻⴳⴳⴰⵙ ⵏ 2015 ⴷⴻⴳ ⵜⵡⵉⵍⴰⵢⵜ ⵏ ⵜⵍⴻⵎⵙⴰⵏ, 33.457 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵍⴽⵉⴼ, 10.702 ⵏ ⵜⵄⴻⵇⵇⴰⵛⵉⵏ ⵏ ⵢⵉⵙⴰⴼⴰⵔⴻⵏ ⵏ ⵍⴻⵄⴻⵍ ⴷ 195 ⵏ ⵢⵉⴳⵕⴰⵎⴻⵏ ⵏ ⵜⴽⵓⴽⴰⵢⵉⵏⵜ.