ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵉⵏ ⵏ ⵢⵉⵏⴰⵥⵓⵔⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵎⵓⴳⴻⵔⵜ ⵜⴰⴳⵔⴰⵖⵍⴰⵏⵜ ⵏ ⵜⵥⵓⵔⵉ ⵜⴰⵎⵉⵔⴰⵏⵜ ⵏ ⵎⴰⴷⵔⵉⴷ

ⵎⴰⴷⵔⵉⴷ – ⵢⴻⵏⵏⴰ-ⴷ ⵓⴷⴻⴳ ⵏ ⵉⵏⵜⴻⵔⵏⴻⵜ ⵏ ⵜⵎⵓⴳⴻⵔⵜ ⵜⵉⵙ 11 ⵏ ⵜⵥⵓⵔⵉ ⵜⴰⵎⵉⵔⴰⵏⵜ ⵏ ⵎⴰⴷⵔⵉⴷ ⴷ ⴰⴽⴽⴻⵏ 2 ⵏ ⵢⵉⵎⴻⴽⵍⴰⵜⴻⵏ (ⴼⴰⵏⵏⴰⵏⵉⵏ ⵜⴰⵛⴽⵉⵍⵉⵢⵢⵉⵏ) ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴻⴷⵢⴰⵏⵜ-ⴰ ⴰⴷ ⵢⴻⴱⴷⵓⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵎⴰⴷⵔⵉⴷ.

ⵉⵅⴻⴷⴷⵉⵎⴻⵏ ⵏ ⵙⵉⵏ-ⴰ ⵏ ⵢⵉⵏⴰⵥⵓⵔⴻⵏ ⵉⵍⴻⵎⵣⵉⵢⴻⵏ ⴰⴷ ⵔⵙⴻⵏ ⵖⴻⵔ ⵢⵉⴷⵉⵙ ⵏ ⵜⴻⴽⵍⴰ (ⵍⴰⵡⴰⵃⴰⵜ) ⵏ ⵢⵉⵅⴻⴷⴷⵉⵎⴻⵏ ⵏ ⵢⵉⵏⴰⵥⵓⵔⴻⵏ ⵏ ⵙⵏⴰⵜ ⵏ ⵜⵎⵓⵔⴰ ⵏⵉⴹⴻⵏ, ⵊⵓⵕⵊⵢⴰ ⴷ ⵙⵒⴻⵏⵢⵓⵍ, ⵢⴻⵔⵏⵓ ⴷ ⵜⴰⴳⴻⵏⵏⴰⵔⵉⵜ ⵜⴰⴼⵕⴻⵏⵙⵉⵙⵜ ⵏ « ⵏⵧⵔⵜⵢ-ⵒⴰⵔⵉⵙ ⵎⴻⵛⴻⵏⴰⵜ » ⴰⵢ ⵉⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵢⵉⵏⴰⵥⵓⵔⴻⵏ-ⴰ.

ⴰⵏⴰⵥⵓⵔ ⴰⴷⵣⴰⵢⵔⵉ ⴰⴷⵍⴰⵏⴻ ⵙⴰⵎⴻⵜ, ⵉⵍⵓⵍ ⴷⴻⴳ 1989 ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵡⵡⵉ-ⴷ ⴰⴳⴻⵔⴷⴰⵙ (ⵛⴰⵀⴰⴷⴰ) ⵏ ⵓⵖⴻⵔⴱⴰⵣ ⵉⵎⵉⵏⴻⴳ ⵏ ⵜⵥⵓⵔⵉⵡⵉⵏ ⵜⵓⵛⴱⵉⵃⵉⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ. ⵢⴻⵜⵜⴻⴽⴽⴰ ⴷⴻⴳ ⵡⴰⵟⴰⵙ ⵏ ⵜⴻⵎⵣⵉⴽⴽⵏⵉⵏ ⵜⵉⵎⴰⵣⴷⴰⵢⵉⵏ (ⴵⴰⵎⴰⵄⵉⵢⵢⴰ) ⴷⴻⴳ ⵍⴻⵣⵣⴰⵢⴻⵔ ⴷ ⵜⵓⵕⵓⴼⵜ.

ⵜⵉⴼⴻⵍⵡⵉⵢⵉⵏ-ⵏⵏⴻⵙ (ⵍⴰⵡⴰⵃⴰⵜ) ⵜⴻⵍⵍⴰ ⴷⴻⴳ-ⵙⴻⵏⵜ ⵜⴻⵥⵕⴻⵏⴼⴰⵍⵉⵜ (ⵜⴰⵄⴱⵉⵔⵉⵢⵢⴰ) ⵜⴰⵎⵙⴰⵔⵉⵜ ⵢⴻⵔⵏⵓ ⴰⵖⴰⵏⵉⴱ-ⵏⵏⴻⵙ ⴷ ⴰⴳⴻⵔⴷⴰⵏ, ⵢⴻⵍⵍⴰ ⴷⴻⴳ-ⵙ ⵢⵉⵡⴻⵏ ⵏ ⵓⵎⴻⵖⵔⴰⴷ ⴷ ⵓⵎⴳⴰⵏ. ⴽⵔⴰ ⵙⴻⴳ ⵜⴼⴻⵍⵡⵉⵢⵉⵏ-ⵏⵏⴻⵙ ⴰⵜⴻⵏⵜⵉ ⵔⵙⴻⵏⵜ, ⵉⵎⵉⵔ-ⴰ, ⴷⴻⴳ ⵜⴰⵍⵍⵓⵏⵜ ⵏ ⵜⵥⵓⵔⵉ ⵜⴰⵎⵉⵔⴰⵏⵜ ⵏ ⵍⵄⴰⵛⵓⵕ (ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ).

ⵎⴰ ⴷ ⵢⴰⵙⵙⴻⵔ ⴰⵎⴻⵓⵔ (28 ⵏ ⵢⵉⵙⴻⴳⴳⴰⵙⴻⵏ), ⵢⴻⵜⵜⵡⴰⵙⵙⴻⵏ ⵖⴻⵔ ⵢⵉⵏⴰⵥⵓⵔⴻⵏ ⵉⴷⵣⴰⵢⵔⵉⵢⴻⵏ ⵙ ⵢⵉⵙⴻⵎ ⵏ « ⵡⴻⵔⴳⴰⵣ ⴰⵡⵔⴰⵖ », ⵖⴻⴼ ⵍⴵⴰⵍ ⵏ ⵢⵉⵏⵉ (ⵍⴰⵡⵏ) ⵏ ⵢⴻⵎⴷⴰⵏⴻⵏ ⴰⵢ ⴷ-ⵢⴻⵙⵙⵓⵏⵓⵖ ⴷⴻⴳ ⵜⴼⴻⵍⵡⵉⵢⵉⵏ-ⵏⵏⴻⵙ. ⴰⵎⴻⵓⵔ ⵢⴻⵙⵄⴰ ⴰⴳⴻⵔⴷⴰⵏ ⵏ ⵓⵖⴻⵔⴱⴰⵣ ⴰⵎⵏⴰⴹⴰⵏ ⵏ ⵜⵥⵓⵔⵉⵡⵉⵏ ⵜⵓⵛⴱⵉⵃⵉⵏ ⵏ ⵎⴻⵙⵜⵖⴰⵏⴻⵎ.

ⴰⵏⴰⵥⵓⵔ-ⴰ ⴰⵢ ⵎⴻⵛⵀⵓⵕⴻⵏ ⴷⴻⴳ ⵢⵉⵥⴻⴹⵡⴰⵏ ⵉⵏⵎⴻⵜⵜⵉⵢⴻⵏ (ⵉⴵⵜⵉⵎⴰⵄⵉⵢⵢⴰ), ⵍⴰⴷⵖⴰ ⵙ ⵓⵅⴻⴷⴷⵉⵎ-ⵏⵏⴻⵙ ⵏ ⵜⵥⵓⵔⵉ ⵏ ⵡⴻⵣⵏⵉⵇ (ⵙⵜⵔⴻⴻⵜ ⴰⵔⵜ), ⵢⴰⵙⵙⴻⵔ ⴰⵎⴻⵓⵔ ⵢⴻⴼⵔⵓⵔⵉ-ⴷ ⵙ ⵓⵙⵙⵓⴼⴼⴻⵖ ⵏ ⵜⵓⴳⵏⵉⵡⵉⵏ ⵙⴻⴳ ⵡⴻⵏⵔⴰⵔ-ⵏⵙⴻⵏⵜ ⴷ ⵜⵢⵉⵜⴰ ⴷⴻⴳ ⵜⵎⴻⵜⵜⵉ ⴷ ⵜⵙⴻⵔⵜⵉⵜ.

ⵜⴰⵎⵓⴳⴻⵔⵜ ⵜⴰⴳⵔⴰⵖⵍⴰⵏⵜ ⵜⵉⵙ 11 ⵏ ⵜⵥⵓⵔⵉ ⵜⴰⵎⵉⵔⴰⵏⵜ ⵏ ⵎⴰⴷⵔⵉⴷ ⴰⴷ ⵜⴽⴻⵎⵎⴻⵍ ⴰⵔⵎⴰ ⴷ 28 ⴼⵓⵕⴰⵕ, ⵍⵍⴰⵏⵜ ⴷⴻⴳ-ⵙ 46 ⵏ ⵜⴳⴻⵏⵏⴰⵔⵉⵢⵉⵏ ⵏ ⵜⵥⵓⵔⵉ ⵙⴻⴳ ⵜⵓⵕⵓⴼⵜ, ⵜⴰⵎⵔⵉⴽⵜ ⵜⴰⵍⴰⵜⵉⵏⵉⵜ ⴷ ⴰⵙⵢⴰ, ⴰⵢⴷⴻⴳ ⵍⵍⴰⵏ 200 ⵏ ⵢⵉⵏⴰⵥⵓⵔⴻⵏ ⵉⵎⵉⵔⴰⵏⴻⵏ ⵏ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⵎⴰⴹⴰⵍ.