Asebter amenzawi

Sin n yinaẓuren idzayriyen ay yettekkan deg Tmugert Tagraɣlant n Tẓuri Tamirant n Madrid

MADRID – Yenna-d udeg n Internet n Tmugert tis 11 n Tẓuri Tamirant n Madrid d akken 2 n yimeklaten (fannanin tackiliyyin) ad yettekkin deg tedyant-a ad yebdun ass n laṛebɛa deg Madrid.

Ixeddimen n sin-a n yinaẓuren ilemziyen ad rsen ɣer yidis n tekla (lawaḥat) n yixeddimen n yinaẓuren n snat n tmura niḍen, Juṛjya d Spenyul, yernu d tagennarit tafṛensist n « Norty-Paris Mecenat » ay ibedden ɣer yidis n yinaẓuren-a.

Anaẓur adzayri Adlane Samet, ilul deg 1989 deg Lezzayer Tamaneɣt, yewwi-d agerdas (cahada) n Uɣerbaz Imineg n Tẓuriwin Tucbiḥin n Lezzayer Tamaneɣt. Yettekka deg waṭas n temzikknin timazdayin (ǧamaɛiyya) deg Lezzayer d Tuṛuft.

Tifelwiyin-nnes (lawaḥat) tella deg-sent teẓṛenfalit (taɛbiriyya) tamsarit yernu aɣanib-nnes d agerdan, yella deg-s yiwen n umeɣrad d umgan. Kra seg tfelwiyin-nnes atenti rsent, imir-a, deg tallunt n tẓuri tamirant n Lɛacuṛ (deg Lezzayer Tamaneɣt).

Ma d Yasser Ameur (28 n yiseggasen), yettwassen ɣer yinaẓuren idzayriyen s yisem n « wergaz awraɣ », ɣef lǧal n yini (lawn) n yemdanen ay d-yessunuɣ deg tfelwiyin-nnes. Ameur yesɛa agerdan n Uɣerbaz amnaḍan n Tẓuriwin Tucbiḥin n Mestɣanem.

Anaẓur-a ay mechuṛen deg yiẓeḍwan inmettiyen (iǧtimaɛiyya), ladɣa s uxeddim-nnes n tẓuri n wezniq (street art), Yasser Ameur yefruri-d s ussuffeɣ n tugniwin seg wenrar-nsent d tyita deg tmetti d tsertit.

Tamugert Tagraɣlant tis 11 n Tẓuri Tamirant n Madrid ad tkemmel arma d 28 Fuṛaṛ, llant deg-s 46 n tgennariyin n tẓuri seg Tuṛuft, Tamrikt Talatinit d Asya, aydeg llan 200 n yinaẓuren imiranen n wakk timnaḍin n umaḍal.