ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵜⵜⵡⴰⵡⴻⵅⵅⴻⵔ ⵡⴰⵣⵣⵓⵏ ⵏ ⵓⴳⴻⵏⵙⴰ ⵏ ⵙⴻⵙ ⵙ 24 ⵏ ⵜⵙⴰⵄⵜⵉⵏ

ⵡⴰⵛⵉⵏⵜⵏ– ⵜⴻⵏⵏⴰ-ⴷ ⵙⵒⴰⵛⴻⵅ ⴰⵙⵙ ⵏ ⵍⴰⵕⴻⴱⵄⴰ ⴷ ⴰⴽⴽⴻⵏ ⵜⵡⴻⵅⵅⴻⵔ ⴰⵣⵣⵓⵏ ⵏ ⵓⴳⴻⵏⵙⴰ (ⵇⴰⵎⴰⵔ ⵚⵉⵏⴰⵄⵉ) ⵏ ⵜⴻⵕⵎⵉⵙⵜ ⵏ ⵙⴻⵙ ⵏ ⵍⵓⵅⴻⵎⴱⵧⵓⵔⴳ. ⴰⴳⴻⵏⵙⴰ-ⴰ, ⵍⴻⵎⵎⴻⵔ ⴷ ⵍⴻⴱⵖⵉ, ⴰⴷ ⵢⴻⵜⵜⵡⴰⵣⴻⵏ ⵙⴻⴳ ⴼⵍⵧⵔⵉⴷⴰ, ⵎⴰⵛⴰ ⵢⴻⵜⵜⵡⴰⵡⴻⵅⵅⴻⵔ ⵡⴰⵣⵣⵓⵏ-ⵏⵏⴻⵙ ⵡⴰⵔ ⵎⴰ ⵜⴻⵜⵜⵡⴰⴱⴷⴻⵔ-ⴷ ⵙⵙⴻⴱⴱⴰ.

« ⵜⴰⵖⵍⴰⵎⵜ ⵏ ⵡⴰⵣⵣⵓⵏ ⵜⴻⵖⵜⴻⵙ (ⵇⴰⵔⵔⴰⵔⴰⵜ) ⵓⵔ ⵜⴻⵜⵜⴰⵣⴻⵏ ⴰⵔⴰ ⴰⴳⴻⵏⵙⴰ-ⵏⵏⵉ ⴰⵙⵙ-ⴰ ⵢⴻⵔⵏⵓ ⴰⴷ ⵜⴻⵄⵕⴻⴹ ⴰⵣⴻⴽⴽⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵙⵒⴰⵛⴻⵅ ⴷⴻⴳ ⵜⵡⵉⵜⵜⴻⵔ.

« ⴰⴽⵓⴷ ⵏ ⵡⴰⵣⵣⵓⵏ ⴰⴷ ⴷ-ⵢⴻⴱⴷⵓ ⵖⴻⴼ ⵙ11:46 ⵙ ⵡⴰⴽⵓⴷ ⵏ ⴳⵔⴻⴻⵏⵡⵉⵛⵀ (6ⵙ46 ⵙ ⵡⴰⴽⵓⴷ ⴰⴷⵉⴳⴰⵏ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵢⵉⵣⴻⵏ-ⵏⵏⵉ ⵏ ⵜⵡⵉⵜⵜⴻⵔ, ⴰⵢ ⴷ-ⵢⴻⵏⵏⴰⵏ ⴷⴰⵖ ⴷ ⴰⴽⴽⴻⵏ « ⵜⵉⵎⴻⵥⴷⵉⵜ (ⵚⴰⵔⵓⵅ) ⴷ ⵓⴳⴻⵏⵙⴰ ⴰⵜⵏⵉ ⴷⴻⴳ ⵜⴻⴳⵏⵉⵜ ⵢⴻⵍⵀⴰⵏ ».

ⵙⵒⴰⵛⴻⵅ ⵜⴻⵏⵏⴰ-ⴷ, ⴰⵙⵙ ⵏ ⵜⵜⵍⴰⵜⴰ, ⴷ ⴰⴽⴽⴻⵏ ⴰⴷ ⵜⴻⵄⵕⴻⴹ ⴰⴷ ⴷ-ⵜⴻⵔⵔ ⴰⵏⵏⴰⴳ (ⵟⴰⴱⴰⵇ) ⴰⵎⴻⵣⵡⴰⵔⵓ ⵏ ⵜⵎⴻⵥⴷⵉⵜ-ⵏⵏⴻⵙ ⵏ ⴼⴰⵍⵛⵧⵏ 9 ⴷⴻⴼⴼⵉⵔ ⵡⴰⵣⵣⵓⵏ. ⴰⵏⵏⴰⴳ-ⴰ, ⴰ ⵡⵉⵏ ⵢⵓⴼⴰⵏ, ⴰⴷ ⴷ-ⵢⴻⵔⵙ ⵖⴻⴼ ⵢⵉⵡⴻⵜ ⵏ ⵜⵖⴻⵔⵖⴻⵔⵜ ⵢⴻⵜⵜⵉⴼⵍⵉⵡⴻⵏ ⴷⴻⴳ ⵓⴳⴰⵔⴰⵡ (ⵎⵓⵃⵉⵟ) ⴰⵟⵍⴰⵙⵉ, ⵎⴰⵛⴰ ⵜⴻⵏⵏⴰ-ⴷ ⵜⴻⵕⵎⵉⵙⵜ-ⴰ ⴷ ⴰⴽⴽⴻⵏ ⵓⵔ ⵜⴻⵙⵄⵉ ⴰⵔⴰ ⴰⵙⵙⵉⵔⴻⵎ ⴷ ⴰⵎⴻⵇⵔⴰⵏ ⴷ ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⴰⴷ ⵜⴻⴳ ⴰⵢⴰ ⵖⴻⴼ ⵍⴵⴰⵍ ⵏ ⵜⴻⴳⵏⴰⵜⵉⵏ ⵢⴻⵇⵇⵏⴻⵏ ⵖⴻⵔ ⵡⴰⵣⵣⵓⵏ-ⴰ.

ⵢⵓⵖ ⵍⵃⴰⵍ, ⴰⴳⴻⵏⵙⴰ-ⴰ ⵢⴻⵙⵙⴻⴼⴽ ⴰⴷ ⵢⴻⵔⵙ ⴷⴻⴳ ⵓⵃⴱⵓ ⴰⴽⵍⵓⵔⴽⵉⴷ (ⵎⴰⴷⴰⵔ ⴵⵓⵖⵔⴰⴼⵉ ⵜⴰⴱⵉⵜ) ⴰⵢ ⵉⴱⴻⵄⴷⴻⵏ 35.000 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵓⵙⴻⴱⴳⴻⵙ. ⵙ ⵡⴰⵢⴰ, ⴰⴷ ⵢⴻⵡⵄⴻⵕ ⵖⴻⴼ ⵜⴻⵕⵎⵉⵙⵜ ⵏ ⵙⵒⴰⵛⴻⵅ ⴰⴷ ⴷ-ⵜⴻⵔⵔ ⴰⵏⵏⴰⴳ ⴰⵎⴻⵣⵡⴰⵔⵓ ⵏ ⵜⵎⴻⵥⴷⵉⵜ-ⵏⵏⵉ, ⵍⴰⴷⵖⴰ ⵉⵎⵉ ⴰⴳⴻⵏⵙⴰ-ⴰ ⵥⵥⴰⵢ ⴰⵟⴰⵙ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⴰⵙ-ⵙⴻⵔⵔⵃⴻⵏ ⵎⴻⴱⵄⵉⴷ ⴰⵟⴰⵙ ⴷⴻⴳ ⵢⵉⴳⴻⵏⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵙⵙⴻⴼⵀⴻⵎ ⵜⴻⵕⵎⵉⵙⵜ-ⴰ ⵏ ⴽⴰⵍⵉⴼⵓⵕⵏⵢⴰ.

ⵙ ⵡⴰⵢⴰ, ⵉⵎⵉ ⴰⵢ ⵄⵍⴰⵢ ⵓⵎⴽⴰⵏ ⵡⵓⵖⵓⵔ ⵢⴻⵙⵙⴻⴼⴽ ⴰⴷ ⵜⴰⵡⴻⴹ ⵜⵎⴻⵥⴷⵉⵜ ⵏ ⴼⴰⵍⵛⵧⵏ 9, ⵛⵡⵉⵟ ⴽⴰⵏ ⵏ ⵓⵙⴻⵔⵖⵓ (ⵡⴰⵇⵓⴷ) ⴰⴷ ⴰⵙ-ⴷ-ⵢⴻⵇⵇⵉⵎⴻⵏ ⴰⴽⴽⴻⵏ ⴰⴷ ⴷ-ⵜⵓⵖⴰⵍ ⵖⴻⵔ ⵜⴻⴳⵏⴻⵡⵜ (ⴵⴰⵡ) ⵏ ⵡⴰⴽⴰⵍ, ⵢⴻⵔⵏⵓ, ⴰⴽⴽⴻⵏ ⴰⴷ ⵜⴻⵙⵙⴻⵏⵇⴻⵙ ⵜⴰⵣⵣⵍⴰ-ⵏⵏⴻⵙ ⴷⴻⴳ ⵡⵓⵖⴰⵍ, ⵢⴻⵙⵙⴻⴼⴽ ⴰⴷ ⵜⴻⵙⵙⴻⵇⴷⴻⵛ ⵜⵉⵎⴻⵥⴷⵉⵢⵉⵏ ⵏ ⵡⴰⵡⵡⴰⵖ (ⵚⴰⵡⴰⵔⵉⵅ ⴽⴰⴱⵃ) ⴰⴷ ⵢⴻⵞⵞⴻⵏ ⵓⴳⴰⵔ ⵏ ⵓⵙⴻⵔⵖⵓ.

ⵉⵍⵉⵏⴷⵉ, ⵜⴻⵙⵙⴰⵡⴻⴹ ⵙⵒⴰⵛⴻⵅ ⴰⴷ ⴷ-ⵜⴻⵔⵔ, ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ, ⴰⵏⵏⴰⴳ ⴰⵎⴻⵣⵡⴰⵔⵓ ⵏ ⵜⵎⴻⵥⴷⵉⵜ ⵏ ⴼⴰⵍⵛⵧⵏ 9 ⵢⴻⵔⵏⵓ ⵢⴻⵔⵙ-ⴷ ⵡⴰⵏⵏⴰⴳ-ⴰ ⴷⴻⴳ ⵡⴰⴽⴰⵍ ⵏ ⴼⵍⵧⵔⵉⴷⴰ ⵛⵡⵉⵟ ⴽⴰⵏ ⵏ ⵡⴰⴽⵓⴷ ⴷⴻⴼⴼⵉⵔ ⵎⴰ ⵜⴻⵜⵜⵡⴰⵣⴻⵏ.

ⴷ ⴰⵛⵓ ⴽⴰⵏ, ⵙⴻⴳ ⵡⴰⵙⵙ-ⵏⵏⵉ ⵖⴻⵔ ⵡⴰⵙⵙ-ⴰ, ⵓⵔ ⵜⴻⵙⵙⴰⵡⴻⴹ ⴰⵔⴰ ⴰⴽⴽ ⴰⴷ ⴷ-ⵜⴻⵙⵙⴻⵔⵙ ⴰⵏⵏⴰⴳ ⴰⵎⴻⵣⵡⴰⵔⵓ ⵖⴻⴼ ⵜⵖⴻⵔⵖⴻⵔⵜ ⵢⴻⵜⵜⵉⴼⵍⵉⵡⴻⵏ ⴷⴻⴳ ⵢⵉⵍⴻⵍ (ⴱⴰⵃⵔ).