ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵏⵏⵄⴰⵎⴰ: ⵓⴳⴰⵔ ⵏ 1480 ⵏ ⵍⵉⵃⴰⵍⴰⵜ ⵏ ⵜⵓⵇⵇⵙⴰ ⵏ ⵜⵖⵉⵔⴷⴻⵎⵜ ⴷ 3 ⵏ ⵢⵉⵎⴻⵜⵜⴰⵏⴻⵏ ⴷⴻⴳ 2015

ⵏⵏⵄⴰⵎⴰ– 3 ⵏ ⵢⴻⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵙⴻⴳ ⵜⵓⵇⵇⵙⴰ ⵏ ⵜⵖⵉⵔⴷⴻⵎⵜ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⵜⵡⴰⵇⵇⵙⴻⵏ 1485 ⵏ ⵢⴻⵎⴷⴰⵏⴻⵏ ⵏⵉⴹⴻⵏ ⴷⴻⴳ ⵜⵡⵉⵍⴰⵢⵜ ⵏ ⵏⵏⵄⴰⵎⴰ ⴷⴻⴳ 2015, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵜⴷⴰⵡⵙⴰ ⵏ ⵜⵡⵉⵍⴰⵢⵜ-ⴰ.

ⴰⵎⴹⴰⵏ (ⵄⴰⴷⴰⴷ) ⴰⵎⴻⵇⵔⴰⵏ ⴰⴽⴽ ⵏ ⵜⵓⵇⵇⵙⵉⵡⵉⵏ-ⴰ (284) ⵢⴻⵍⵍⴰ-ⴷ ⴷⴻⴳ ⵜⵖⵉⵡⴰⵏⵜ ⵏ ⵄⵉⵏ ⵚⵚⴻⴼⵔⴰ, ⴰⵏⴷⴰ ⴰⵢ ⵎⵎⵓⵜⴻⵏ ⵙⵉⵏ ⵏ ⵢⴻⵎⴷⴰⵏⴻⵏ, ⵢⴻⵔⵏⵓ ⵓⵍⴰ ⵎⴰ ⵜⴰⵎⴻⵀⵍⴰ ⵏ ⵜⴷⴰⵡⵙⴰ (ⵚⵉⵃⵃⴰ) ⵍⴰ ⵜⴻⵜⵜⴻⴳ ⵓⵙⵙⵉⵙⴻⵏ ⵙ ⵡⴻⵎⵚⴰⵡⴻⵏ ⴷ ⵢⴻⵃⵔⵉⵛⴻⵏ ⵏⵉⴹⴻⵏ, ⵎⴰⵣⴰⵍ ⵍⴰ ⵜⵜⵡⴰⵇⵇⴰⵙⴻⵏ ⵡⴰⵟⴰⵙ ⵏ ⵎⴻⴷⴷⴻⵏ ⴷⴻⴳ ⴽⵔⴰ ⵏ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ-ⴰ.

ⵜⴰⵛⵔⴰⵡⵜ-ⴰ (ⵃⴰⵚⵉⵍⴰ) ⵜⴻⴱⴷⴻⵔ-ⴷ ⴷⴰⵖ 255 ⵏ ⵜⵓⵇⵇⵙⵉⵡⵉⵏ ⵏ ⵜⵖⵉⵔⴷⴻⵎⵜ ⴷⴻⴳ ⵜⵖⵉⵡⴰⵏⵜ ⵏ ⵎⴻⵛⵔⴻⵢⵢⴰ, 254 ⴷⴻⴳ ⵄⵉⵏ ⴱⴻⵏⵅⵍⵉⵍ, 156 ⴷⴻⴳ ⵎⴻⴽⵎⴻⵏ ⴱⴻⵏⵄⵎⴻⵕ, 115 ⴷⴻⴳ ⵜⵖⵉⵡⴰⵏⵜ ⵏ ⵏⵏⵄⴰⵎⴰ, 104 ⴷⴻⴳ ⵜⵖⵉⵡⴰⵏⵜ ⵏ ⵍⴻⴱⵢⵓⴹ, ⵎⴰ ⴷ ⴰⵢⴻⵏ ⴰⵢ ⴷ-ⵢⴻⵇⵇⵉⵎⴻⵏ ⵢⴻⵍⵍⴰ-ⴷ ⴷⴻⴳ ⵜⵖⵉⵡⴰⵏⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵡⵉⵍⴰⵢⵜ-ⴰ, ⴳⴰⵔ-ⴰⵙⴻⵏⵜ ⵄⴻⵙⵍⴰ, ⴰⵏⴷⴰ ⴰⵢ ⵢⴻⵎⵎⵓⵜ ⵢⵉⵡⴻⵏ ⵙⴻⴳ ⵜⵓⵇⵇⵙⴰ ⵏ ⵜⵖⵉⵔⴷⴻⵎⵜ.

ⴰⵎⴰⵙⴰⵢ (ⵎⴰⵙ’ⵓⵍ) ⵏ ⵓⵃⴻⵣⵣⴻⴱ ⴷⴻⴳ ⵜⵎⴻⵀⵍⴰ ⵏ ⵜⴷⴰⵡⵙⴰ, ⴰⵎⵔⴰⵏⴻ ⴰⵉⵙⵙⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵎⴹⴰⵏ ⵏ ⵜⵓⵇⵇⵙⵉⵡⵉⵏ ⵏ ⵜⵖⵉⵔⴷⴻⵎⵜ ⵏ 2015 ⵢⴻⵔⵏⴰ ⵙ 81 ⵏ ⵍⵉⵃⴰⵍⴰⵜ ⵖⴻⴼ ⵡⵉⵏ ⵏ 2014, ⵎⴰⵛⴰ ⴰⵎⴹⴰⵏ ⵏ ⵢⵉⵎⴻⵜⵜⴰⵏⴻⵏ ⵢⴻⵏⵇⴻⵙ ⵙ 2 ⵖⴻⴼ ⵍⴻⵃⵙⴰⴱ ⵏ 2014.

ⵉ ⵍⵎⴻⵏⴷ ⵏ ⵓⵃⴻⵣⵣⴻⴱ ⵖⴻⴼ ⵜⵓⵇⵇⵙⵉⵡⵉⵏ ⵏ ⵜⵖⵉⵔⴷⴻⵎⵜ, ⵜⴻⴱⴷⴰ ⵜⵎⴻⵀⵍⴰ ⵏ ⵜⴷⴰⵡⵙⴰ ⵏ ⵏⵏⵄⴰⵎⴰ ⵜⴻⵙⵙⴻⵍⵎⴰⴷ ⵉ ⵎⴻⴷⴷⴻⵏ, ⵍⴰⴷⵖⴰ ⵉ ⵜⵙⴻⴷⵏⴰⵏ, ⴰⵎⴻⴽ ⴰⴷ ⵙⵅⴻⴷⵎⴻⵏ ⴰⵅⴰⵎⴰⵏ ⵏ ⵓⴷⴰⵡⵉ ⵙⴻⴳ ⵙⵙⴻⵎ ⵏ ⵜⵖⵉⵔⴷⴻⵎⵜ, ⴰⵎ ⵡⴰⴽⴽⴻⵏ ⴰⵢ ⵍⴰ ⵜⵅⴻⴷⴷⴻⵎ ⴰⴽⴽⴻⵏ ⴰⴷ ⵜⴻⴼⵔⴻⵇ ⴰⵅⴰⵎⴰⵏ-ⴰ ⵖⴻⴼ ⵢⴻⵎⴳⴰⴵⴵⴻⵏ (ⴱⴰⴷⵡ ⵔⵓⵃⵃⴰⵍ) ⴰⵢ ⵢⴻⴷⴷⵔⴻⵏ ⴷⴻⴳ ⵜⴻⵎⵏⴰⴹⵉⵏ ⵜⵓⴱⵄⵉⴷⵉⵏ ⴰⴽⴽⴻⵏ ⵓⵔ ⵜⵜⴻⵏⴹⴻⵔⵔⴰⵢⴻⵏ ⴰⵔⴰ ⵡⵉⴷ ⵙⴻⴳ-ⵙⴻⵏ ⴰⴷ ⵜⴻⵇⵇⴻⵙ ⵜⵖⵉⵔⴷⴻⵎⵜ.

ⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵎⴻⵀⵍⴰ ⵏ ⵜⴷⴰⵡⵙⴰ ⵏⵏⴰⵏ-ⴷ ⴷⴰⴽⴽⴻⵏ ⵎⴰⵣⴰⵍ ⴰⴷ ⵉⴽⴻⵎⵎⴻⵍ ⵡⵓⵙⵙⵉⵙ (ⵎⴰⴵⵀⵓⴷ) ⴷⴻⴳ ⵜⵖⵉⵡⴰⵏⵉⵏ ⴰⴽⴽⴻⵏ ⴰⴷ ⵢⴻⵏⵇⴻⵙ ⵡⴻⵎⴹⴰⵏ ⵏ ⵡⵉⴷ ⴰⵢ ⵢⴻⵜⵜⴻⵇⵇⴻⵙ ⵓⵖⴻⵔⵙⵉⵡ-ⴰ ⵢⴻⵙⵄⴰⵏ ⵙⵙⴻⵎ, ⵢⴻⵔⵏⵓ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⵙⵙⵉⵣⴷⴻⴳ ⵏ ⵢⵉⵎⵓⴽⴰⵏ ⵏ ⵜⵏⴻⵣⴷⵓⵖⵜ, ⴰⵍⵇⴰⴹ ⵏ ⵜⵓⵔⵙⴰⴹ ⴷ ⵢⵉⵀⵓⴷⴷⴰⵏ, ⴰⵙⵎⴰⵜⵓ ⵏ ⵡⴻⵙⴼⴰⵡ ⴰⵏⴰⴳⴷⵓⴷ ⴷ ⵡⴻⵙⵃⵓⵍⴼⵓ ⵏ ⵎⴻⴷⴷⴻⵏ ⵖⴻⴼ ⵢⵉⵎⵉⵀⵉⵜⴻⵏ ⴷ ⵜⴰⵔⵔⴰⵢⵉⵏ ⵜⵉⵎⴻⵏⵙⴰⵢⵉⵏ ⵏ ⵓⴷⴰⵡⵉ ⵏ ⵜⵓⵇⵇⵙⴰ ⵏ ⵜⵖⵉⵔⴷⴻⵎⵜ.