ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵖⴻⵔⴷⴰⵢⵜ: ⵜⴰⴽⴻⵔⵔⴰⵣⵜ ⵏ ⵍⴱⴰⵟⴰⵟⴰ ⵜⴻⵙⵄⴰ ⴰⵣⴻⴽⴽⴰ ⵢⴻⵍⵀⴰⵏ ⴷⴻⴳ ⵍⴻⵎⵏⵉⵄⴰ

ⵜⴰⵖⴻⵔⴷⴰⵢⵜ– ⵜⴻⵏⵏⴰ-ⴷ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵢⵉⵎⴻⵥⵍⴰ ⵏ ⵜⴽⴻⵔⵔⴰⵣⵜ, ⴰⵙⵙ ⵏ ⵍⴻⵅⵎⵉⵙ, ⴷ ⴰⴽⴽⴻⵏ ⵜⴰⴽⴻⵔⵔⴰⵣⵜ ⵏ ⵍⴱⴰⵟⴰⵟⴰ ⴷⴻⴳ ⵍⴻⵎⵏⵉⵄⴰ (ⴰⵏⵥⵓⵍ ⵏ ⵜⵖⴻⵔⴷⴰⵢⵜ) ⵜⴻⵔⴱⴻⵃ ⵢⴻⵔⵏⵓ ⵍⴰ ⴷ-ⵜⴻⵜⵜⴰⴽⴼ ⵍⵖⴻⵍⵍⴰ ⵏ 300 ⵏ ⵢⵉⵇⴻⵏⵟⴰⵔⴻⵏ ⴷⴻⴳ ⵓⵇⴻⵟⵟⴰⵔ.

ⵜⴰⵊⵓⵎⵎⴰ (ⵎⵉⵙⴰⵃⴰ) ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵍⴱⴰⵟⴰⵟⴰ ⵜⴻⴹⴹⴻⴼ ⴰⵣⴰⵍ ⵏ 100 ⵏ ⵢⵉⵇⴻⵟⵟⴰⵔⴻⵏ, ⴳⴰⵔ-ⴰⵙⴻⵏ 12 ⵏ ⵢⵉⵇⴻⵟⵟⴰⵔⴻⵏ ⵉ ⵍⴱⴰⵟⴰⵟⴰ ⵏ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⴷ 90 ⵏ ⵢⵉⵇⴻⵟⵟⴰⵔⴻⵏ ⵉ ⵍⴱⴰⵟⴰⵟⴰ ⵏ ⵜⴳⴰⵔⴰ ⵏ ⵜⵙⴻⵎⵀⵓⵢⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.

ⴷ ⴰⵛⵓ ⴽⴰⵏ, ⵎⴰⵣⴰⵍ ⵜⴰⵊⵓⵎⵎⴰ-ⴰ ⵎⴻⵥⵥⵉⵢⴻⵜ ⵖⴻⴼ ⵍⴻⵃⵙⴰⴱ ⵏ ⵍⵖⴻⵍⵍⴰ ⵜⴰⵎⴻⵇⵔⴰⵏⵜ ⴰⵢ ⵍⴰ ⴷ-ⵜⴻⵜⵜⴰⴽⴼ ⵜⴽⴻⵔⵔⴰⵣⵜ-ⴰ ⴰⵢ ⴷ-ⵢⴻⴱⴷⴰⵏ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 2000 ⴷⴻⴳ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ ⵏ ⵜⴰⴷⴷⴰⴷⴰⵏⵉⵏ ⴷⴻⴳ ⵜⵎⴻⵀⵍⴰ ⵏ ⵢⵉⵎⴻⵥⵍⴰ ⵏ ⵜⴽⴻⵔⵔⴰⵣⵜ, ⴽⵀⴰⵍⴻⴷ ⴷⵊⴻⴱⵔⵉⵜ.

ⵜⴻⵎⵥⵉ ⵏ ⵜⵊⵓⵎⵎⴰ-ⴰ ⵙⵙⴻⴱⴱⴰ-ⵏⵏⴻⵙ ⴷ ⵜⵓⴳⴷⵉ ⵏ ⵢⵉⴽⴻⵔⵔⴰⵣⴻⵏ ⵙⴻⴳ ⵍⴻⵅⵚⴰⵔⴰ, ⵍⴰⴷⵖⴰ ⵉⵎⵉ, ⴷⴻⴳ ⵜⵙⴻⵎⵀⵓⵢⵜ ⵢⴻⵣⵔⵉⵏ, ⵓⵔ ⵙⵙⴰⵡⴹⴻⵏ ⴰⵔⴰ ⴰⴷ ⵙⵙⴻⵏⵣⴻⵏ ⵍⵖⴻⵍⵍⴰ-ⵏⵙⴻⵏ. ⵙ ⵡⴰⵢⴰ, ⴰⵟⴰⵙ ⵏ ⵢⵉⴽⴻⵔⵔⴰⵣⴻⵏ ⴰⵢ ⵢⴻⵙⵎⴻⵏⵢⴰⴼⴻⵏ ⴰⴷ ⵙⴼⵓⵍⵍⵃⴻⵏ ⵉⵎⴻⵏⴷⵉ (ⵉⵔⴷⴻⵏ ⵉⵇⵓⵔⴰⵏⴻⵏ, ⴰⴽⴱⴰⵍ ⴷ ⵜⴻⵎⵥⵉⵏ) ⴷ ⵓⵍⴻⴳⴳⵓⵥ ⴷ ⵓⴼⴻⵇⵇⵓⵙ ⴰⵢ ⴼⴻⵙⵙⵓⵙⴻⵏ ⵓⴳⴰⵔ ⵉ ⵓⵙⵙⴻⵏⵣⵉ,

ⵜⴰⵎⵏⴰⴹⵜ ⵏ ⵍⴻⵎⵏⵉⵄⴰ, ⴷⴻⴳ ⵡⴻⵏⵥⵓⵍ ⵏ ⵜⵖⴻⵔⴷⴰⵢⵜ, ⴷ ⵜⴰⵎⵏⴰⴹⵜ ⵉⵡⴰⵜⴰⵏ ⵉ ⵡⴻⵙⴼⵓⵍⵍⴻⵃ ⵏ ⵍⵅⴻⴹⵔⴰ ⵉⵎⵉ ⴰⵢ ⴳⴳⵜⴻⵏ ⴷⵉⵏ ⵡⴰⵎⴰⵏ ⴷⴷⴰⵡ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴷⵊⴻⴱⵔⵉⵜ, ⵢⴻⵔⵏⵓ ⵢⴻⵏⵏⴰ-ⴷ ⴷ ⴰⴽⴽⴻⵏ ⵛⵛⴻⵜⵍⴰⵜ ⵏ ⵍⴱⴰⵟⴰⵟⴰ ⴰⵢ ⵍⴰ ⵙⴼⵓⵍⵍⵉⵃⴻⵏ ⴷⴻⴳ ⵜⴻⵎⵏⴰⴹⵜ-ⴰ (ⴷⴻⵙⵉⵔⴻⴻ, ⵒⴰⵎⴻⵍⴰ ⴷ ⴻⵍⵉⵜⴻ) ⵙⵄⴰⵏⵜ ⵍⴱⴻⵏⵏⴰ ⵢⴻⵍⵀⴰⵏ.