ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵛⴰⵀⴻⵏ / ⴰⵔⵔⴰⵣ ⴰⵎⴻⵇⵇⵔⴰⵏ ⵡⵉⵙ 4 ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ : ⵙⴻⵔⴳⴻⵉ ⵜⵉⵠⵉⴰⴽⵧⵠ ⵢⴻⵣⴳⴰ ⵢⴻⵟⵟⴻⴼ ⵜⴰⵇⴰⵛⵓⵛⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⴰⴽⴻⵔⵡⴰ ⴰⵎⴻⵇⵇⵔⴰⵏ ⵙⴻⵔⴳⴻⵉ ⵜⵉⵠⵉⴰⴽⵧⵠ (ⵒⴰⵢⵙ-ⴱⴰⵙ) ⵢⴻⵣⴳⴰ ⵢⴻⵟⵟⴻⴼ ⵜⴰⵇⴰⵛⵓⵛⵜ ⵏ ⵡⵓⵎⵓⵖ ⵏ ⵓⵙⴻⵜⵜⴻⴼ ⵏ ⵓⵔⵔⴰⵣ ⴰⵎⴻⵇⵇⵔⴰⵏ ⵡⵉⵙ 4 ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵜⵓⵔⴰⵔⵜ ⵏ ⵢⵉⵛⴰⵀⴻⵏ ⵉ ⵢⴻⵜⵜⴻⴷⴷⵓⵏ ⵜⵓⵔⴰ ⴷⴻⴳ ⵍⴻⵣⵣⴰⵢⴻⵔ, ⵙⴻⴳ ⵢⴻⵣⵔⵉ ⵓⵃⵔⵉⵛ ⵡⵉⵙ 6.

ⴰⵏⵉⵔⵍⴰⵏⴷⵉ ⴱⵓ ⵍⴰⵚⴻⵍ ⴰⵔⵓⵙⵉ, ⵉ ⴷ-ⵢⴻⵎⵎⴻⵣⴳⴻⵏ ⴰⴽⴽⴻⴷ ⵡⵓⴽⵔⴰⵏⵉ ⴰⵏⴷⵔⴻⵢ ⵙⵓⵎⴻⵜⵙ ⴷⴻⴳ ⵓⵃⵔⵉⵛ ⵡⵉⵙ 6, ⵉⴹⴼⴻⵔ-ⵉⵜ-ⵉⴷ ⵓⴽⴻⵔⵡⴰ ⴰⴳⵔⴰⵖⵍⴰⵏ ⴰⵣⵣⴰⵢⵔⵉ ⴰⴷⵍⴰⵏⴻ ⴰⵔⴰⴱ ⴰⴽⴽⴻⴷ ⵡⵓⵎⵉ ⵢⵓⵔⴰ ⴰⵙⵙ ⵏ ⵍⴻⵅⵎⵉⵙ (ⵖⴻⴼ ⵜⴰⵎⴻⵔⵜ ⵜⵉⵙ 16.00) ⵉ ⵍⵎⴻⵏⴷ ⵏ ⵓⵃⵔⵉⵛ ⵡⵉⵙ 7.

ⴰⵔⵓⵙⵉ ⵙⴻⵔⴳⴻⵉ ⵠⵧⵍⴽⵧⵠ, ⵢⴻⵔⵏⴰⵏ ⵙⵜⴰⵏⵉⵙⵍⴰⵠ ⵙⴰⵠⵛⵀⴻⵏⴽⵧ (ⵓⴽⵔⴰⵏ) ⴰⴷ ⵢⴻⵔⵏⵓ ⵙ ⴰⵙⵡⵉⵔ ⵓⵏⵏⵉⴳ ⵏ ⵜⵣⵉⵣⵣⴻⵍⵜ ⴰⵔⴰ ⵢⴻⴷⴷⵓⵏ ⴰⵍⴰⵎⵎⴰ ⴷ ⴰⵙⵙ ⵏ ⵙⵙⴻⴱⵜ, ⴰⵣⴻⵎⵣ ⵉⴷⴻⴳ ⴰⵔⴰ ⴷ-ⵢⵉⵍⵉ ⵓⵃⵔⵉⵛ ⵡⵉⵙ 9 ⴰⵏⴻⴳⴳⴰⵔⵓ.

ⴽⴽⵉⵏ 61 ⵏ ⵢⵉⵎⵛⴰⵀⴻⵏ ⵉ ⴷ-ⵢⴻⴽⴽⴰⵏ ⵙⴻⴳ ⵎⵔⴰⵡ ⵜⵎⵓⵔⴰ (ⵍⴻⵣⵣⴰⵢⴻⵔ, ⵍⵓⴱⵏⴰⵏ, ⵍⵉⴱⵢⴰ, ⴼⴰⵍⴰⵙⵟⵉⵏ, ⴼⵔⴰⵏⵙⴰ, ⴱⵉⵍⵊⵉⴽ, ⵒⴰⵢⵙ-ⴱⴰⵙ, ⵔⵔⵓⵙ, ⵓⴽⵔⴰⵏ ⴰⴽⴽⴻⴷ ⵓⵣⴱⵉⴽⵉⵙⵜⴰⵏ), ⵀⴰ-ⵜⴻⵏ-ⵉⵏ ⴰⴽⴽ ⴷⴻⴳ ⵜⵣⵉⵣⵣⴻⵍⵜ ⴰⵏⵡⴰ ⴰⵔⴰ ⵢⴰⵡⵉⵏ ⴰⵔⵔⴰⵣ ⴰⵎⴻⵇⵇⵔⴰⵏ, ⵜⵓⵔⴰⵔⵜ ⵜⴻⵜⵜⴻⴷⴷⵓ ⵙ ⵓⵏⴰⴳⵔⴰⵡ ⴰⵙⵡⵉⵙⵉ ⴷⴻⴳ-ⵙ 9 ⵢⴻⵃⵔⵉⵛⴻⵏ ⵙ ⵓⵡⵍⴻⵍⵍⴻⵖ ⵏ 25 ⵜⵎⵉⴽⵉⵏ.