ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⴻⵣⴳⵓⵏⵜ ⵏ « ⵉⵎⵜⵓⴷⴷⵉⵔⴻⵏ » ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ: ⵜⵉⴷⴻⵜ ⵢⴻⵙⵙⴻⵃⵣⴰⵏⴻⵏ ⵏ ⵢⵉⵏⴰⵥⵓⵔⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵎⴻⵣⴳⵓⵏⵜ ⵏ « ⵉⵎⵜⵓⴷⴷⵉⵔⴻⵏ » ⴰⵢ ⴷ-ⵉⵄⴻⴷⴷⴰⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵜⴻⵙⵎⴻⴽⵜⴰⵢ-ⴷ ⵉⵎⴼⴻⵕⵕⴵⴻⵏ ⵙ ⵜⵉⴷⴻⵜ ⵢⴻⵙⵙⴻⵃⵣⴰⵏⴻⵏ ⴰⵢ ⴷ-ⵢⴻⵜⵜⵎⴰⴳⴰⵔ ⵓⵏⴰⵥⵓⵔ ⵓⵔ ⵢⴻⵙⵙⴰⵡⴹⴻⵏ ⴰⵔⴰ ⴰⴷ ⵢⴰⴼ ⴰⵎⴽⴰⵏ ⴷⴻⴳ ⵜⵎⴻⵜⵜⵉ-ⴰ ⵢⴻⵔⵡⵉⵏ, ⴰⵢⴷⴻⴳ ⴷ ⵜⴰⵏⴳⴰ (ⵎⴰⴷⴷⴰ) ⴰⵢ ⵉⵃⴻⴽⵎⴻⵏ ⴽⵓⵍⵍⴻⵛ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⵉⴽⵜⴰ ⴷ ⵓⵅⴻⵎⵎⴻⵎ ⵓⵖⴰⵍⴻⵏ ⴷⴻⴳ ⵢⵉⴷⵉⵙ.
ⵉⵙⴻⴳⴱⴰⵔⴻⵏ (ⵎⵓⵍⴰⵜⵜⵉⵍⵉⵏ) ⴰⵢ ⴷ-ⵢⵓⵔⴰⵔⴻⵏ ⵜⴰⵎⴻⵣⴳⵓⵏⵜ-ⴰ ⵙⴻⴳ ⵓⵎⵓⵙⵙⵓ ⴰⵎⴻⵣⴳⵓⵏⴰⵏ ⵏ ⵜⴻⵇⵍⵉⵄⵜ, ⵢⴻⵔⵏⵓ ⵓⵔⴰⵔⴻⵏ-ⴷ ⵜⴰⵎⴻⵣⴳⵓⵏⵜ-ⵏⵙⴻⵏ ⴷⴻⴳ ⵜⵣⴻⵇⵇⴰ ⵏ ⴽⴰⵜⴻⴱ ⵢⴰⵛⵉⵏⴻ, ⴷⴻⴳ ⵓⵎⴻⵣⴳⵓⵏ ⴰⵖⴻⵍⵏⴰⵡ ⵏ ⵎⴰⵀⵉⴻⴷⴷⵉⵏⴻ ⴱⴰⵛⵀⵜⴰⵔⵣⵉ ⵏ ⵜⵎⴰⵏⴻⵖⵜ. ⵜⴰⵎⴻⵣⴳⵓⵏⵜ-ⴰ ⴰⵢ ⵢⴻⴹⴹⴼⴻⵏ 80 ⵏ ⵜⴻⴷⵇⵉⵇⵉⵏ ⵜⴻⵍⵍⴰ-ⴷ ⴷⴻⴳ ⵜⵣⴻⵇⵇⴰ ⴰⵢⴷⴻⴳ ⵃⴻⴷⵕⴻⵏ ⵡⴰⵟⴰⵙ ⵏ ⵎⴻⴷⴷⴻⵏ.
ⵜⴰⵎⴻⵣⴳⵓⵏⵜ-ⴰ ⴰⵢ ⴷ-ⵢⵓⵔⴰ ⵢⴻⵔⵏⵓ ⵢⴻⵙⵙⴻⴹⵔⴰ-ⵜⵜ-ⵉⴷ ⵢⵧⵓⵛⴻⴼ ⵜⴰⵧⵓⵉⵏⵜ ⵜⴻⵍⵍⴰ-ⴷ ⵙ ⵢⵉⵡⴻⵜ ⵏ ⵜⴰⵔⵔⴰⵢⵜ ⵓⵎⵉ ⵜⵜⵉⵏⵉⵏ « ⴰⵎⴻⵣⴳⵓⵏ ⴷⴻⴳ ⵓⵎⴻⵣⴳⵓⵏ », ⵢⴻⵔⵏⴰ ⵓⵔⴰⵔⴻⵏ-ⴷ ⴷⴻⴳ-ⵙ ⵣⵉⵏⴻⴱ ⵙⴻⵍⴰⵎⵉ, ⴷⵊⴰⵎⴻⵍ ⴻⴷⴷⵉⵏⴻ ⵍⴰⴱⵔⵉ, ⴰⴷⴻⵍ ⴷⵊⴻⴱⴰⵔ, ⵧⵓⵙⵙⴰⵎⴰ ⴽⵧⵓⴱⴱⵉ ⴷ ⴽⴰⵎⴻⵍ ⴽⴰⵙⵙⵉⵎⵉ. ⵜⴰⵃⴽⴰⵢⵜ-ⵏⵏⴻⵙ ⴷ ⵜⵉⵏ ⵏ ⵢⵉⵙⴻⴳⴱⴰⵔⴻⵏ-ⴰ ⴰⵢ ⵍⴰ ⴷ-ⵢⴻⵙⵙⴻⵡⵊⴰⴷⴻⵏ ⵉⵎⴰⵏ-ⵏⵙⴻⵏ ⴰⴽⴽⴻⵏ « ⴰⴷ ⴷ-ⴳⴻⵏ ⵜⴰⵎⴻⵣⴳⵓⵏⵜ » ⴷⴻⴳ ⵓⴷⴻⵔⴱⵓⵣ ⵏ ⵢⵉⵡⴻⵏ ⵏ ⵓⵣⴰⴷⴰⵖ (ⵄⵉⵎⴰⵔⴰ).
ⵉⵎⵙⵓⴷⵎⴰⵡⴻⵏ (ⵛⴰⵅⵚⵉⵢⵢⴰⵜ) ⵏ ⵜⵎⴻⵣⴳⵓⵏⵜ-ⴰ ⵍⵍⴰⵏ ⵙⵙⴻⵡⵊⴰⴷⴻⵏ ⵉⵎⴰⵏ-ⵏⵙⴻⵏ ⴰⴷ ⴷ-ⵓⵔⴰⵔⴻⵏ ⵜⴰⵎⴻⵣⴳⵓⵏⵜ ⵏ ‘ⵀⴰⵎⵍⴻⵜ’ ⴰⵢ ⴷ-ⵢⵓⵔⴰ ⵡⵉⵍⵍⵉⴰⵎ ⵙⵀⴰⴽⴻⵙⵒⴻⴰⵔⴻ ⴷⴻⴳ 1601, ⵙⴰⴽⴽⵉⵏ, ⵙⵙⴻⴽⵏⴻⵏ-ⴷ ⵜⵉⵣⴻⵎⵎⴰⵔ-ⵏⵙⴻⵏ ⵉⴳⴻⵔⵔⵣⴻⵏ ⴰⴽⴽⴻⵏ ⴰⴷ ⴷ-ⵓⵔⴰⵔⴻⵏ ⵎⵍⵉⵃ ⵍⴻⴷⵡⴰⵕ-ⵏⵙⴻⵏ.
ⴷ ⴰⵛⵓ ⴽⴰⵏ, ⵉⵏⴰⵥⵓⵔⴻⵏ-ⴰ ⵉⴳⴻⵔⵔⵣⴻⵏ, ⵓⵍⴰ ⵎⴰ ⴳⴻⵔⵔⵣⴻⵏ, ⴳⵔⴻⵏ ⵜⴰⵎⴰⵡⵜ ⴷ ⴰⴽⴽⴻⵏ ⵜⵉⵎⴻⵜⵜⵉ ⴰⵢⴷⴻⴳ ⴷⴷⵔⴻⵏ ⵜⴻⴼⴽⴰ ⴰⵣⴰⵍ ⵉ « ⵍⵃⴻⵟⵟⴰ », ⵎⴰⵛⵉ ⵉ « ⵡⴰⵎⴻⴽ ⵢⴻⵍⵍⴰ ⵓⵎⴷⴰⵏ ⴷⴻⴳ ⵜⵉⴷⴻⵜ », ⵢⴻⵔⵏⵓ ⵙ ⵡⴰⵢⴰ, ⵜⴰⵎⴻⵣⴳⵓⵏⵜ-ⴰ ⵜⴻⵙⵙⴽⴰⵏⴰⵢ-ⴷ ⴰⵎⴻⴽ ⵜⵉⵎⴻⵜⵜⵉ ⵏ ⵡⴰⵙⵙ-ⴰ ⵜⴻⵇⵇⴻⵏ ⴰⴽⴽ ⵜⵉⵟⵟⴰⵡⵉⵏ-ⵏⵏⴻⵙ ⵖⴻⴼ ⵙ ⴽⵔⴰ ⵏ ⵡⴰⵢⴻⵏ ⵢⴻⵇⵇⵏⴻⵏ ⵖⴻⵔ ⵜⵥⵓⵔⵉ ⴷ ⵢⴻⴷⵍⴻⵙ.
