ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵙⴻⵀⵡⴰ ⵏ ⵡⴻⴱⵔⵉⴷ: 64 ⵏ ⵢⵉⵎⴻⵜⵜⴰⵏⴻⵏ ⴷ 411 ⵏ ⵢⵉⵎⴻⵊⵔⴰⵃ ⴷⴻⴳ ⵢⵉⵡⴻⵜ ⵏ ⴷⴷⵓⵕⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 64 ⵏ ⵢⴻⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⵓ ⵊⴻⵔⵃⴻⵏ 411 ⵏⵉⴹⴻⵏ ⴷⴻⴳ ⵢⵉⵙⴻⵀⵡⴰ ⵏ ⵡⴻⴱⵔⵉⴷ ⴰⵢ ⴷ-ⵢⴻⵍⵍⴰⵏ ⴷⴻⴳ ⴷⴷⵓⵕⵜ ⴳⴰⵔ 16 ⴷ 22 ⴼⵓⵕⴰⵕ, ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵜ ⴰⵢ ⴷ-ⵜⴻⵙⵙⵓⴼⴼⴻⵖ ⵜⴻⵎⵙⴻⵜⵍⴰ (ⴷⴰⵔⴰⴽ) ⵜⴰⵖⴻⵍⵏⴰⵡⵜ ⴰⵙⵙ ⵏ ⵍⴻⵜⵏⵉⵢⴻⵏ.

ⵜⴰⵛⵔⴰⵡⵜ (ⵃⴰⵚⵉⵍⴰ) ⵜⴰⵎⴻⵇⵔⴰⵏⵜ ⴰⴽⴽ ⵜⴻⵍⵍⴰ-ⴷ ⴷⴻⴳ ⵜⵡⵉⵍⴰⵢⵉⵏ ⵏ ⵍⴻⵣⵣⴰⵢⴻⵔ ⴷ ⵎⵙⵉⵍⴰ ⵙ 12 ⵏ ⵢⵉⵙⴻⵀⵡⴰ ⴷⴻⴳ ⵢⴰⵍ ⵜⴰⵡⵉⵍⴰⵢⵜ. ⵎⴰ ⴷ ⵜⵉⵙ ⵙⵏⴰⵜ ⴷ ⵡⴰⵔⴻⴳⵍⴰ ⵙ 10 ⵏ ⵢⵉⵙⴻⵀⵡⴰ. ⵎⴰ ⴷ ⵍⴻⵖⵡⴰⵟ ⴷ ⵜⴱⴻⵙⵙⴰ ⴹⴹⴼⴻⵏⵜ ⴰⵎⴽⴰⵏ ⵡⵉⵙ 3 ⵙ 9 ⵏ ⵢⵉⵙⴻⵀⵡⴰ ⵉ ⵢⵉⵡⴻⵜ.

90,05% ⵙⴻⴳ ⵢⵉⵙⴻⵀⵡⴰ-ⴰ ⵏ ⵡⴻⴱⵔⵉⴷ ⵙⵙⴻⴱⴱⴰ-ⵏⵙⴻⵏ ⴷ ⴰⵎⴷⴰⵏ. ⵙⵙⴻⴱⴱⴰ ⵜⵉⵙ ⵙⵏⴰⵜ ⴷ ⵍⵇⴻⵍⵍⴰ ⵏ ⵍⴻⵃⴷⴻⵔ ⵏ ⵢⴻⵎⵙⴻⴱⵔⵉⴷⴻⵏ (4,52%), ⵎⴰ ⴷ ⵙⵙⴻⴱⴱⴰ ⵜⵉⵙ 3 ⴷ ⵢⵉⵔ ⵜⴰⴳⵏⵉⵜ ⴰⵢⴷⴻⴳ ⵜⴻⵍⵍⴰ ⵜⴽⴻⵕⵕⵓⵙⵜ (3,17%), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ.