ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵜⴻⵏⵢⵉ ⵏ ⵓⵕⴰⴱⵓⵍ ⵏ ⵜⴻⵎⵍⵉⵍⵉⵜ ⵜⵉⵙ 3 ⵏ ⵓⵙⴻⵇⵇⴰⵎⵓ ⵏ ⵓⵎⴻⵙⵏⵉ ⵙ ⵡⴻⴱⵔⵉⴷ

ⵜⵓⵏⴻⵙ – ⵢⴻⵙⵜⴻⵏⵢⴰ ⵓⵙⴻⵇⵇⴰⵎⵓ ⴰⵜⵡⵉⵍⴰⵏ (ⵜⵉⵇⵏⵉ) ⴰⴷⵣⴰⵢⵔⵉ-ⴰⵜⵓⵏⵙⵉ ⴷ-ⵢⴻⵍⵀⴰⵏ ⵙ ⵓⵎⴻⵙⵏⵉ (ⵏⴰⵇⵍ) ⵙ ⵡⴻⴱⵔⵉⴷ ⴰⵕⴰⴱⵓⵍ ⵏ ⵜⴻⵎⵍⵉⵍⵉⵜ-ⵏⵏⴻⵙ ⵉ ⵡⴻⵎⵄⴰⵡⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵜⵓⵏⴻⵙ ⵜⴰⵎⴰⵏⴻⵖⵜ.

ⵜⵉⵎⵍⵉⵍⵉⵜ ⵜⵉⵙ 3 ⵏ ⵓⵙⴻⵇⵇⴰⵎⵓ ⴰⵜⵡⵉⵍⴰⵏ ⵓⵛⵔⵉⴽ ⴷ-ⵢⴻⵍⵀⴰⵏ ⵙ ⵓⵎⴻⵙⵏⵉ ⵙ ⵡⴻⴱⵔⵉⴷ ⵢⴻⵙⵙⵓⴽⴽ-ⴷ ⵜⵉⵟ ⵖⴻⴼ ⵡⴻⵔⵥⴰⵎ ⵏ ⵢⵉⵣⵉⵔⵉⴳⴻⵏ (ⵅⵓⵟⵓⵟ) ⵏ ⵓⵎⴻⵙⵏⵉ ⵙ ⵡⴻⴱⵔⵉⴷ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⴷ ⵓⵙⴷⵓⴽⴽⴻⵍ ⵏ ⵜⵜⴻⵙⵔⵉⵃⴰⵜ ⵏ ⵓⵖⴻⵍⵍⴻⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵙⵏⵉ ⴰⴳⵔⴰⵖⵍⴰⵏ.

ⴰⵕⴰⴱⵓⵍ-ⴰ ⵢⴻⵙⵜⴻⵏⵢⴰ-ⵜ, ⵙⴻⴳ ⵢⵉⴷⵉⵙ ⴰⴷⵣⴰⵢⵔⵉ, ⵜⴰⵔⴻⴽ ⵛⵀⴻⵍⵍⴰ, ⵏ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵓⵎⴻⵙⵏⵉ ⴰⵎⴷⵉⵏⴰⵏ ⵏ ⵡⴻⵖⵍⵉⴼ ⴰⴷⵣⴰⵢⵔⵉ ⵏ ⵓⵎⴻⵙⵏⵉ, ⵎⴰ ⵙⴻⴳ ⵢⵉⴷⵉⵙ ⴰⵜⵓⵏⵙⵉ, ⵢⴻⵙⵜⴻⵏⵢⴰ-ⵜ ⵍⴰⵀⴱⵉⴱ ⴰⵎⴰⵔ, ⴰⵏⴻⵎⵀⴰⵍ ⵏ ⵜⵓⴷⴷⵙⴰ ⵏ ⵓⵎⴻⵙⵏⵉ ⵙ ⵡⴻⴱⵔⵉⴷ ⴷⴻⴳ ⵜⵓⵏⴻⵙ.

ⵜⵉⵎⵍⵉⵍⵉⵜ-ⴰ ⵜⴻⴹⴹⴻⴼ ⵙⵉⵏ ⵏ ⵡⵓⵙⵙⴰⵏ ⵢⴻⵔⵏⵓ ⵎⵍⴰⵍⴻⵏ ⴷⴻⴳ-ⵙ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵙⴻⴳ ⵙⵏⴰⵜ-ⴰ ⵏ ⵜⵎⵓⵔⴰ ⴰⴽⴽⴻⵏ ⴰⴷ ⵙⴼⴻⵄⵍⴻⵏ ⵍⴻⵡⵚⴰⵢⴰⵜ ⵏ ⵜⴻⵎⵍⵉⵍⵉⵜ ⵜⵉⵙ 20 ⵏ ⵜⵙⴻⵇⵇⴰⵎⵓⵜ ⵜⵓⵏⵏⵉⴳⵜ ⵜⵓⵅⵍⵉⴹⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵓⴱⴻⵕ ⵏ 2015, ⴰⵢⴷⴻⴳ ⴰⵢ ⵙⵙⴻⴼⵔⴰⵏ ⴰⴷ ⵙⵜⴻⵏⵢⵉⵏ ⵍⴻⵄⵇⴻⴷ ⴳⴰⵔ ⵜⴻⵕⵎⵉⵙⵜ ⵏ ⵓⵎⴻⵙⵏⵉ ⴰⵏⴰⴳⴷⵓⴷ ⵏ ⵢⴻⵎⵙⵉⴽⵍⴻⵏ « ⵜⴰⵀⴽⵧⵓⵜ ⵎⴰⵀⵉⴻⴷⴷⵉⵏⴻ » ⴷ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵜⴰⵜⵓⵏⵙⵉⵜ ⵏ ⵓⵎⴻⵙⵏⵉ ⴰⴳⵔⴻⵎⴷⵉⵏ (ⴳⴰⵔ ⵜⴻⵎⴷⵉⵏⵉⵏ). ⵙⴰⴽⴽⵉⵏ, ⵢⴻⵜⵜⵡⴰⵙⵜⴻⵏⵢⴰ ⵍⴻⵄⵇⴻⴷ ⴳⴰⵔ ⵙⵏⴰⵜ-ⴰ ⵏ ⵜⴻⵕⵎⵉⵙⵉⵏ ⴷⴻⴳ ⴷⵓⵊⴻⵎⴱⴻⵕ ⵢⴻⵣⵔⵉⵏ ⵉ ⵍⵎⴻⵏⴷ ⵏ ⵓⵎⴻⵙⵏⵉ ⵏ ⵢⴻⵎⵙⵉⴽⵍⴻⵏ (ⵎⵓⵙⴰⴼⵉⵔⵉⵏ) ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵎⴰⵙⵙ ⵛⵀⴻⵍⵍⴰ.

ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⴷⴻⴳ-ⵙ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ « ⵜⵎⵓⴷⵎⵉⵏ (ⵏⴰⵎⴰⴷⵉⴵ) ⵏ ⵍⴻⴽⵡⴰⵖⴻⴹ ⵏ ⵓⵖⴻⵍⵍⴻⵜ » ⵏ ⵓⵎⴻⵥⵍⵓ (ⵅⵉⴷⵎⴰ) ⵏ ⵓⵎⴻⵙⵏⵉ ⴰⴳⵔⴰⵖⵍⴰⵏ ⴰⵍⵓⴳⴰⵏ ⵏ ⵢⴻⵎⵙⵉⴽⵍⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ.

ⵎⵙⴻⴼⵀⴰⵎⴻⵏ ⴷⴰⵖ, ⴷⴻⴳ ⵜⴻⵎⵍⵉⵍⵉⵜ-ⴰ ⴰⴷ ⵙⵄⵓⵏ « ⵜⵉⵎⵓⴷⵎⵉⵏ ⵢⴻⴷⴷⵓⴽⴽⵍⴻⵏ » ⵏ ⵜⴻⵡⵔⵉⵇⵜ ⵏ ⵡⴻⴱⵔⵉⴷ ⴷ ⵜⵜⴻⵙⵔⵉⵃ ⵏ ⵓⵖⴻⵍⵍⵉⵜ ⵏ ⵓⵎⴻⵥⵍⵓ ⵏ ⵓⵎⴻⵙⵏⵉ ⴰⴳⵔⴰⵖⵍⴰⵏ, ⴷ ⴰⵛⵓ ⴽⴰⵏ, ⴰⵃⴻⵕⵕⵉ ⵏ ⵢⵉⵎⵓⴽⴰⵏ ⴷ ⵓⵙⵙⴻⵏⵣⵉ ⵏ ⵢⵉⵜⵉⴽⵉⵢⴻⵏ ⴰⴷ ⴷ-ⵜⴻⵍⵀⵓ ⵢⵉⴷ-ⵙ, ⴷⴻⴳ ⵍⴻⵣⵣⴰⵢⴻⵔ, ⵜⴻⵕⵎⵉⵙⵜ ⵏ ⵓⵙⵙⴻⴼⵔⴻⴽ ⵏ ⵜⴻⵖⵙⴻⵔⵜ ⵏ ⵢⵉⵙⴰⴽⴰⵍⴻⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵙⵧⴳⵔⴰⵍ, ⵎⴰ ⴷⴻⴳ ⵜⵓⵏⴻⵙ, ⴰⴷ ⴷ-ⵜⴻⵍⵀⵓ ⵢⵉⴷ-ⵙ ⵜⴻⵕⵎⵉⵙⵜ ⵜⴰⵜⵓⵏⵙⵉⵜ ⵏ ⵓⵎⴻⵙⵏⵉ ⴰⴳⵔⴻⵎⴷⵉⵏ.