ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵎⵛⴰⵡⴰⵔ ⴱⴻⵏⵙⴰⵍⴰⵀ ⴷⴻⴳ ⵍⵇⴰⵀⵉⵔⴰ ⴰⴽⴽⴻⴷ ⵓⵙⴻⵍⵡⴰⵢ ⵏ ⵓⵎⵏⵉ ⴰⵎⴰⵚⵔⵉ
ⵍⵇⴰⵀⵉⵔⴰ – ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⵢⴻⵎⵛⴰⵡⴰⵔ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⵇⴰⵀⵉⵔⴰ (ⵎⴰⵚⴻⵔ), ⵖⴻⵔ ⵜⴰⵎⴰ ⵏ ⵢⵉⵎⵓⵀⴰⵍ ⵏ ⵓⵙⴰⵔⴰⴳ ⵏ ⵢⵉⵙⴻⵍⵡⴰⵢⴻⵏ ⵏ ⵢⵉⵎⵏⴰⵏ ⴰⵄⵔⴰⴱⴻⵏ, ⴰⴽⴽⴻⴷ ⵓⵙⴻⵍⵡⴰⵢ ⵏ ⵓⵎⵏⵉ ⴰⵎⴰⵚⵔⵉ, ⴰⵍⵉ ⴰⴱⴷⴻⵍ-ⴰⵍ.
ⴰⵎⵛⵉⵡⴻⵔ ⵢⴻⵔⵣⴰ ⴰⵍⵍⴰⵍⴻⵏ ⵉ ⵢⴻⵙ-ⵙ ⴰⵔⴰ ⵢⴻⵜⵜⵡⴰⵙⵎⴻⵍ ⵓⵎⴻⴷⵀⴻⵍ ⴳⴰⵔ ⵢⵉⵎⵏⴰⵏ ⵏ ⵙⵏⴰⵜ ⵜⵎⵓⵔⴰ.
ⵙⴻⴳ ⵙⵏⴰⵜ ⵜⴰⵎⵉⵡⵉⵏ ⴼⴻⵔⵃⴻⵏ ⵙ ⵡⴰⵙⵙⴰⵖⴻⵏ ⵓⵛⵔⵉⴽⴻⵏ ⵉⵎⴻⴳⴳⴰⵣⴻⵏ ⵢⴻⵍⵍⴰⵏ ⴳⴰⵔ-ⴰⵙⴻⵏ, ⵣⵣⵉⵔⴳⴻⵏ-ⴷ ⴰⵣⴰⵍ ⵏ ⵓⵙⴰⵍⵉ-ⵏⵙⴻⵏ ⵙ ⴰⵙⵡⵉⵔ ⵏ ⴱⴻⵖⵖⵓ ⴰⵙⴻⵔⵜⴰⵏ ⵏ ⵢⵉⵎⴰⵙⴰⵢⴻⵏ ⵏ ⵙⵏⴰⵜ ⵜⵎⵓⵔⴰ ⵜⵉⵢⴻⵙⵙⴻⵜⵎⴰⵜⵉⵏ, ⴷⵖⴰ ⴷⴻⴳ ⵜⴰⵖⵓⵍⵜ ⵏ ⵢⵉⵎⵏⴰⵏ, ⵙ ⵓⵙⴻⴵⵀⴻⴷ ⵏ ⵓⵎⴻⴷⵀⴻⵍ ⴳⴰⵔ ⵜⵙⵓⴷⴰ ⵏ ⵢⵉⵎⵏⴰⵏ.
ⵉ ⵙⵏⴰⵜ ⵜⴰⵎⵉⵡⵉⵏ ⵣⵣⵉⵔⴳⴻⵏⵜ-ⴷ ⴷⴰⵖⴻⵏ ⵖⴻⴼ ⵜⵉⵔⵣⴰ ⴳⴰⵔ-ⴰⵙⴻⵏⵜ ⴰⴽⴽⴻⴷ ⵓⵙⵟⵓⵇⵇⴻⵜ ⵏ ⵓⵎⵛⵉⵡⴻⵔ ⵖⴻⴼ ⵜⵓⵜⵜⵔⵉⵡⵉⵏ ⵏ ⵢⴻⵔⵣⴰⵏ ⵍⴼⴰⵢⴷⴰ ⵜⵓⵛⵔⵉⴽⵜ ⴰⵎⴰ ⴷⴻⴳ ⵓⵙⵡⵉⵔ ⴰⵎⵏⴰⴹⴰⵏ ⵏⴻⵖ ⴰⵎⴹⴰⵍⴰⵏ.
ⵎⴰⵙⵙ ⴱⴻⵏⵙⴰⵍⴰⵀ, ⵙⴻⴳ ⵜⴰⵎⴰ ⵏⵏⵉⴹⴻⵏ, ⵢⵓⵣⴻⵏ ⴰⵀⴻⵏⵏⵉ ⵉ ⵎⴰⵙⵙ ⴰⴱⴷⴻⵍ-ⴰⵍ ⵉ ⵍⵎⴻⵏⴷ ⵏ ⵓⴼⵔⴰⵏ-ⵉⵙ ⵖⴻⴼ ⵜⵙⴻⵍⵡⵉⵜ ⵏ ⵓⵎⵏⵉ ⴰⵎⴰⵚⵔⵉ.
