Asebter amenzawi

Yemcawar Bensalah deg Lqahira akked uselway n Umni amaṣri

LQAHIRA – Aselway n Usqamu n Uɣlan, Abdelkader Bensalah, yemcawar ass n lexmis deg Lqahira (Maṣer), ɣer tama n yimuhal n usarag n yiselwayen n yimnan aɛraben, akked uselway n Umni amaṣri, Ali Abdel-Al.

Amciwer yerza allalen i yes-s ara yettwasmel umedhel gar yimnan n snat tmura.

Seg snat tamiwin ferḥen s wassaɣen ucriken imeggazen yellan gar-asen, zzirgen-d azal n usali-nsen s aswir n beɣɣu asertan n yimasayen n snat tmura tiyessetmatin, dɣa deg taɣult n yimnan, s useǧhed n umedhel gar tsuda n yimnan.

I snat tamiwin zzirgent-d daɣen ɣef tirza gar-asent akked usṭuqqet n umciwer ɣef tuttriwin n yerzan lfayda tucrikt ama deg uswir amnaḍan neɣ amḍalan.

Mass Bensalah, seg tama nniḍen, yuzen ahenni i Mass Abdel-Al i lmend n ufran-is ɣef tselwit n Umni amaṣri.