ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⵔⵢⴰ: ⵔⵓⵙⵢⴰ ⵜⴻⵙⵙⵓⴳⴳⴻⵜ ⵜⵉⵢⵉⵜⵉⵡⵉⵏ-ⵏⵏⴻⵙ ⴷⴻⴳ ⵡⴰⵟⴰⵙ ⵏ ⵢⵉⵎⵓⴽⴰⵏ ⵓⵇⴱⴻⵍ ⵎⴰ ⵢⴻⵃⴱⴻⵙ ⵢⵉⵎⴻⵏⵖⵉ

ⴷⵉⵎⴻⵛⵇ– ⵜⴻⵙⵙⵓⴳⴳⴻⵜ ⵔⵓⵙⵢⴰ, ⴰⵙⵙ ⵏ ⵍⵊⴻⵎⵄⴰ, ⵜⵉⵢⵉⵜⵉⵡⵉⵏ-ⵏⵏⴻⵙ ⴷⴻⴳ ⵡⴰⵟⴰⵙ ⵙⴻⴳ ⵡⴰⵎⵎⴰⵙⴻⵏ ⵏ ⵢⵉⵖⴻⵡⵡⴰⵖⴻⵏ (ⵎⵓⵜⴰⵎⴰⵔⵔⵉⴷⵉⵏ) ⴷⴻⴳ ⵙⵓⵔⵢⴰ, ⴽⵔⴰ ⵏ ⵜⵙⴰⵄⵜⵉⵏ ⵓⵇⴱⴻⵍ ⵎⴰ ⵢⴻⵜⵜⵡⴰⵙⵙⴻⴼⵄⴻⵍ ⵡⴻⵎⵜⴰⵡⴰ-ⵏⵏⵉ ⵏ ⵡⴻⵃⴱⴰⵙ ⵏ ⵢⵉⵎⴻⵏⵖⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴰⵏⴰⵢ ⴰⵙⵓⵔⵉ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ.

« ⵙⴻⴳ ⵢⵉⴹ ⵢⴻⵣⵔⵉⵏ ⵢⴻⵔⵏⵓ ⴰⵔⵎⵉ ⴰⵢ ⵢⵓⵍⵉ ⵡⴰⵙⵙ, ⴳⴳⵜⴻⵏⵜ ⵜⵢⵉⵜⵉⵡⵉⵏ ⵜⵉⵔⵓⵙⵉⵢⵉⵏ ⵖⴻⴼ ⵡⴰⵎⵎⴰⵙⴻⵏ ⵏ ⵢⵉⵖⴻⵡⵡⴰⵖⴻⵏ, ⵍⴰⴷⵖⴰ ⴷⴻⴳ ⵜⴻⵎⵏⴰⴹⵜ ⵏ ⴳⵀⵧⵓⵜⴰ ⵜⴰⴳⵎⵓⴹⴰⵏⵜ ⴷ-ⵢⵓⵙⴰⵏ ⴷⴻⴳ ⵡⴻⴳⵎⵓⴹ ⵏ ⴷⵉⵎⴻⵛⵇ, ⴷⴻⴳ ⵓⴳⴰⴼⴰ ⵏ ⵜⵏⴻⴱⴹⵉⵜ (ⵎⵓⵇⴰⵟⴰⵄⴰ) ⵏ ⵃⵓⵎⵚ (ⴷⴻⴳ ⵜⵍⴻⵎⵎⴰⵙⵜ ⵏ ⵜⵎⵓⵔⵜ) ⴷ ⵓⵜⴰⵔⴰⵎ ⵏ ⵜⵏⴻⴱⴹⵉⵜ ⵏ ⵃⴰⵍⴰⴱ (ⴷⴻⴳ ⵓⴳⴰⴼⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵔⴰⵎⵉ ⴰⴱⴷⴻⵍ ⵔⴰⵀⵎⴰⵏⴻ, ⴰⵏⴻⵎⵀⴰⵍ ⵏ ⵓⵙⴰⵏⴰⵢ ⴰⵙⵓⵔⵉ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ.

ⵜⵉⵢⵉⵜⵉⵡⵉⵏ-ⴰ ⵏⵖⴰⵏⵜ, ⵉⴹ ⵢⴻⵣⵔⵉⵏ, 8 ⵏ ⵢⴻⵎⴷⴰⵏⴻⵏ ⴷⴻⴳ ⵜⴻⵎⴷⵉⵏⵜ ⵏ ⵇⵉⴱⵜⴰⵏⴻ ⴰⵍ-ⵊⴰⴱⴰⵍ, ⴰⵢ ⴹⴹⴼⴻⵏ ⵢⵉⵖⴻⵡⵡⴰⵖⴻⵏ ⴷⴻⴳ ⵜⵏⴻⴱⴹⵉⵜ ⵏ ⵓⴳⴰⴼⴰ ⵏ ⵃⴰⵍⴰⴱ.

ⴰⵎⵜⴰⵡⴰ ⵏ ⵡⴻⵃⴱⴰⵙ ⵏ ⵢⵉⵎⴻⵏⵖⵉ ⴰⵢ ⴷ-ⵢⴻⵍⵍⴰⵏ ⴳⴰⵔ ⵔⵓⵙⵢⴰ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵎⵔⵉⴽⵜ ⵓⵔ ⵢⴻⵔⵣⵉ ⴰⵔⴰ ⴰⴽⴽ ⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ, ⵡⴰⵏⴰⴳ ⵢⴻⵔⵣⴰ ⴽⴰⵏ ⴰⵏⴰⴱⴰⴹ (ⵃⵓⴽⵓⵎⴰ) ⴰⵙⵓⵔⵉ ⴷ ⵜⴻⴳⵔⴰⵡⵉⵏ ⵜⵉⵖⴻⵡⵡⴰⵖⵉⵏ ⵡⴰⵔ ⵎⴰ ⵜⵜⴻⴽⴽⴰⵏⵜ ⴷⴻⴳ-ⵙ ⵜⵓⴷⴷⵙⴰ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ) ⴷ ⵜⴻⵔⵏⵉ ⵏ ⴰⵍ-ⵏⵧⵙⵔⴰ ⵢⴻⵍⵍⴰⵏ ⴷ ⴰⴼⵓⵔⴽ ⴰⵙⵓⵔⵉ ⵏ ⵍⵇⴰⵄⵉⴷⴰ.

« ⵍⵍⴰⵏⵜ-ⴷ, ⵎⴰ ⵓⵍⴰⵛ, 25 ⵏ ⵜⵓⵎⵎⵖⵉⵡⵉⵏ ⵜⵉⵔⵓⵙⵉⵢⵉⵏ ⵖⴻⴼ ⴳⵀⵧⵓⵜⴰ ⵜⴰⴳⵎⵓⴹⴰⵏⵜ », ⵢⴻⵍⵍⴰⵏ ⴷ ⵢⵉⵡⴻⵏ ⵙⴻⴳ ⵡⴰⵎⵎⴰⵙⴻⵏ ⵉⵎⴻⵇⵔⴰⵏⴻⵏ ⴰⴽⴽ ⵏ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⴰⵎ « ⵊⴰⵉⵛⵀ ⴰⵍ-ⵉⵙⵍⴰⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⴱⴷⴻⵍ ⵔⴰⵀⵎⴰⵏⴻ.

« ⵎⴰ ⵓⵍⴰⵛ, 10 ⵙⴻⴳ ⵜⵓⵎⵎⵖⵉⵡⵉⵏ-ⴰ ⴰⴷ ⵉⵍⵉⵏⵜ ⵡⵜⴻⵏⵜ ⴷⵓⵎⴰ, ⵜⴰⵎⴷⵉⵏⵜ ⵜⴰⴳⴻⵊⴷⴰⵏⵜ ⵏ ⴳⵀⵧⵓⵜⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴰⵏⴰⵢ (ⵎⴰⵔⵚⴰⴷ).

ⴰⵙⵙⴻⴼⵄⴻⵍ ⵏ ⵡⴻⵃⴱⴰⵙ-ⴰ ⵏ ⵢⵉⵎⴻⵏⵖⵉ ⴰⴷ ⴷ-ⵢⴻⵍⴼⵓ ⵢⴻⵡⵄⴻⵕ ⴰⵟⴰⵙ, ⵉⵎⵉ ⵉⵎⴻⵏⵖⴰⵏ (ⵎⵓⵇⴰⵜⵉⵍⵉⵏ) ⵏ ⴰⵍ-ⵏⵧⵙⵔⴰ ⴷ ⵡⵉⴷ ⵏ ⵜⴻⴳⵔⴰⵡⵉⵏ ⵏⵉⴹⴻⵏ ⵏ ⵢⵉⵖⴻⵡⵡⴰⵖⴻⵏ ⵙⴷⵓⴽⴽⵍⴻⵏ ⵉⵖⴰⵍⵍⴻⵏ-ⵏⵙⴻⵏ ⴷⴻⴳ ⵡⴰⵟⴰⵙ ⵏ ⵜⴻⵎⵏⴰⴹⵉⵏ.