ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴰⴷⵍ2: ⵢⴻⵣⵎⴻⵔ ⵍⵃⴰⵍ ⴰⴷ ⵜⴻⵔⵏⵓ ⵙⵙⵓⵎⴰ ⵏ ⵜⵏⴻⵣⴷⵓⵖⵉⵏ (ⵜⴻⴱⴱⵧⵓⵏⴻ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵢⴻⵣⵎⴻⵔ ⵍⵃⴰⵍ ⴰⴷ ⵜⴻⵔⵏⵓ ⵙⵙⵓⵎⴰ ⵏ ⵜⵏⴻⵣⴷⵓⵖⵉⵏ ⵏ ⵡⴰⵀⵉⵍ ⵏ ⴰⴰⴷⵍ2.

« ⵓⵔ ⴷ-ⵢⴻⵍⵍⵉ ⴰⵔⴰ ⵡⴰⵡⴰⵍ ⵖⴻⴼ ⵜⵎⴻⵔⵏⵉⵡⵜ ⵏ ⵙⵙⵓⵎⴰⵜ ⵏ ⵜⵏⴻⵣⴷⵓⵖⵜ ⵢⴻⵔⵏⵓ ⵓⵔ ⵢⴻⵜⵜⵡⴰⴷⴷⴻⵎ ⴰⵔⴰ ⵕⵕⴰⵢ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵢⴰ, ⵎⴰⵛⴰ ⵢⴻⵣⵎⴻⵔ ⵍⵃⴰⵍ ⴰⴷ ⴷ-ⵢⵉⵍⵉ ⵡⴰⵢⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⴰⴰⴷⵍ2 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵎⵉ ⵢⴻⵔⵣⴰ ⵖⴻⴼ ⴽⵔⴰ ⵏ ⵢⵉⵙⴻⵏⴼⴰⵔⴻⵏ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵜ ⴷⴻⴳ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

« ⵍⴻⵎⵎⴻⵔ ⴰⴷ ⵢⴻⵜⵜⵡⴰⴷⴷⴻⵎ ⵕⵕⴰⵢ ⴰⵎ ⵡⴰ, ⵙⵙⵓⵎⴰⵜ ⵣⴻⵎⵔⴻⵏⵜ ⴰⴷ ⵔⵏⵓⵏⵜ ⴳⴰⵔ 5 ⴷ 10% », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴻⴱⴱⵧⵓⵏⴻ ⴰⵢ ⴷ-ⵢⴻⵙⵎⴻⴽⵜⵉⵏ ⴷⴰⴽⴽⴻⵏ ⴰⵡⴰⵏⴰⴽ (ⴷⴰⵡⵍⴰ) ⵢⴻⵜⵜⵄⴰⵡⴰⵏ-ⴷ ⵙ 50% ⴷⴻⴳ ⵍⴻⴱⵏⵉ ⵏ ⵜⵏⴻⵣⴷⵓⵖⵏ ⵏ ⵓⵙⵙⴻⵏⵣⵉ ⵙ ⵍⴻⴽⵔⴰ ⴰⵢⵢⴻⵙ ⴷ-ⵜⴻⵍⵀⴰ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵏⴻⴼⵍⵉ ⴷ ⵓⵙⵙⴻⵍⵀⵉ ⵏ ⵜⵏⴻⵣⴷⵓⵖⵜ (ⴰⴰⴷⵍ).

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⴰⴰⴷⵍ1, ⵢⴻⵜⵜⵡⴰⴷⴷⴻⵎ ⵕⵕⴰⵢ « ⵓⵏⵚⵉⴱ » ⴰⴽⴽⴻⵏ ⴰⴷ ⵇⵇⵉⵎⴻⵏⵜ ⵙⵙⵓⵎⴰⵜ ⴷ ⵏⵉⵜⴻⵏⵜⵉ ⴽⴰⵏ: 2.100.000 ⵏ ⵢⵉⴷⵉⵏⴰⵕⴻⵏ ⵉ ⵜⵏⴻⵣⴷⵓⵖⵜ ⵏ 3 ⵏ ⵜⴻⵅⵅⴰⵎⵉⵏ ⴷ 2.700.000 ⵏ ⵢⵉⴷⵉⵏⴰⵕⴻⵏ ⵉ ⵜⵏⴻⵣⴷⵓⵖⵜ ⵏ 4 ⵏ ⵜⴻⵅⵅⴰⵎⵉⵏ.

91.500 ⵏ ⵜⵏⴻⵣⴷⵓⵖⵉⵏ ⴰⵢ ⵍⴰ ⴱⴻⵏⵏⵓⵏ, ⵉⵎⵉⵔ-ⴰ, ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵙ ⵜⵉⵏ ⵏ ⵓⵙⵙⴻⵏⵣⵉ ⵙ ⵍⴻⴽⵔⴰ, ⵢⴻⵔⵏⴰ ⵍⴻⴱⵏⵉ-ⵏⵙⴻⵏⵜ ⵢⴻⵡⵡⴻⴹ ⵖⴻⵔ ⵜⴻⴳⵏⴰⵜⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵡⴻⵡⵊⴰⴷ, ⵖⴻⴼ ⵍⴻⵃⵙⴰⴱ ⵏ ⵓⵏⴻⵙⴽⵉⵏ ⴰⵢ ⴰⵙ-ⴷ-ⵢⴻⵜⵜⵡⴰⵇⴻⴷⴷⵎⴻⵏ ⵉ ⵓⵏⴻⵖⵍⴰⴼ ⴷⴻⴳ ⵜⴻⵔⵣⵉ-ⵏⵏⴻⵙ.

ⵉⴷⴻⴳⴳⴻⵏ ⵏ ⵍⴻⴱⵏⵉ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷ ⴵⵏⴰⵏ ⵙⵙⴼⴰⵔⵉ (1.500 ⵏ ⵜⵏⴻⵣⴷⵓⵖⵉⵏ), ⵄⵉⵏ ⵎⴰⵍⵃⴰ (1.500 ⵏ ⵜⵏⴻⵣⴷⵓⵖⵉⵏ), ⵡⵍⴰⴷ ⴼⴰⵢⴻⵜ 1ⵓⵜ (5.000 ⵏ ⵜⵏⴻⵣⴷⵓⵖⵉⵏ), ⵡⵍⴰⴷ ⴼⴰⵢⴻⵜ ⵜⵉⵙ 2 (1.500 ⵏ ⵜⵏⴻⵣⴷⵓⵖⵉⵏ), ⵍⴽⴻⵔⵔⵓⵛ ⴷⴻⴳ ⵔⵔⵖⴰⵢⴰ (5.000 ⵏ ⵜⵏⴻⵣⴷⵓⵖⵉⵏ), ⴵⵏⴰⵏ ⵏⴻⵡⵡⴰⵕ ⵍⵍⵓⵣ ⴷⴻⴳ ⵄⵉⵏ ⵍⴱⴻⵏⵢⴰⵏ (500 ⵏ ⵜⵏⴻⵣⴷⵓⵖⵉⵏ), ⵄⵉⵏ ⵍⴱⴻⵏⵢⴰⵏ (600 ⵏ ⵜⵏⴻⵣⴷⵓⵖⵉⵏ), ⴷⴻⵔⵎⵓⵛ ⴷⴻⴳ ⴱⵓⵕⴵ ⵍⴱⴻⵃⵔⵉ (1.100 ⵏ ⵜⵏⴻⵣⴷⵓⵖⵉⵏ), ⴱⵓⵕⴵ ⵍⴱⴻⵃⵔⵉ (600 ⵏ ⵜⵏⴻⵣⴷⵓⵖⵉⵏ ⴷ ⵀⵔⴰⵡⴰ (1.400 ⵏ ⵜⵏⴻⵣⴷⵓⵖⵉⵏ).

ⵉⴷⴻⴳⴳⴻⵏ ⵏⵉⴹⴻⵏ ⴷ ⵜⴰⵎⴷⵉⵏⵜ ⵜⴰⵎⴰⵢⵏⵓⵜ ⵏ ⵙⵉⴷ ⵄⴻⴱⴷⴻⵍⵍⴰⵀ (35.900 ⵏ ⵜⵏⴻⵣⴷⵓⵖⵉⵏ), ⵜⴰⵎⴷⵉⵏⵜ ⵜⴰⵎⴰⵢⵏⵓⵜ ⵏ ⴱⵡⵉⵏⴰⵏ (21.700 ⵏ ⵜⵏⴻⵣⴷⵓⵖⵉⵏ), ⴷⵡⴰⵡⴷⴰ (1.200 ⵏ ⵜⵏⴻⵣⴷⵓⵖⵉⵏ), ⵛⵛⵄⵉⴱⴰ ⴷⴻⴳ ⵜⵉⵒⴰⵣⴰ (1.900 ⵏ ⵜⵏⴻⵣⴷⵓⵖⵉⵏ), ⴼⵓⴽⴰ (1.200 ⵏ ⵜⵏⴻⵣⴷⵓⵖⵉⵏ), ⴱⵓⵙⵎⴰⵄⵉⵍ 1ⵓⵜ (2.100 ⵏ ⵜⵏⴻⵣⴷⵓⵖⵉⵏ), ⴱⵓⵙⵎⴰⵄⵉⵍ ⵜⵉⵙ 2 (2.400 ⵏ ⵜⵏⴻⵣⴷⵓⵖⵉⵏ), ⵅⵎⵉⵙ ⵍⵅⴻⵛⵏⴰ ⴷⴻⴳ ⴱⵓⵎⴻⵔⴷⴰⵙ (3.000 ⵏ ⵜⵏⴻⵣⴷⵓⵖⵉⵏ).

ⵎⴻⵏⵖⵉⵔ ⵉⵎⵓⴽⴰⵏ-ⴰ ⴰⵢ ⴷ-ⵏⴻⴱⴷⴻⵔ, 5 ⵏ ⵢⵉⵙⴻⵏⴼⴰⵔⴻⵏ ⵏⵉⴹⴻⵏ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵓⵏⴰⴱⴰⴹ (ⵃⵓⴽⵓⵎⴰ) ⴰⴽⴽⴻⵏ ⴰⴷ ⵜⴻⵏ-ⵢⴻⵙⵄⴻⴷⴷⵉ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ 5.900 ⵏ ⵜⵏⴻⵣⴷⵓⵖⵉⵏ ⵏⵉⴹⴻⵏ ⴷⴻⴳ ⵙⵉⴷⵉ ⵄⴻⴱⴷⴻⵍⵍⴰⵀ, ⴼⴰⵢⵣⵉ ⴷ ⵅⴻⵔⵔⵓⴱⴰ (ⴱⵓⵎⴻⵔⴷⴰⵙ), ⴷ 1.000 ⵏ ⵜⵏⴻⵣⴷⵓⵖⵉⵏ ⴷⴻⴳ ⵡⵍⴰⴷ ⴼⴰⵢⴻⵜ.

ⵜⵉⵏⴻⵣⴷⵓⵖⵉⵏ-ⴰ ⴰⴷ ⵜⵜⵡⴰⴼⴻⵔⵇⴻⵏⵜ, ⴷⴻⴳ ⵜⴰⵣⵡⴰⵔⴰ, ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ 2001-2002 (ⵉⴷⴻⴳⴳⴻⵏ ⵏ ⴵⵏⴰⵏ ⵙⵙⴼⴰⵔⵉ, ⵄⵉⵏ ⵎⴰⵍⵃⴰ, ⵔⵔⵖⴰⵢⴰ, ⵡⵍⴰⴷ ⴼⴰⵢⴻⵜ, ⵙⵉⴷⵉ ⵄⴻⴱⴷⴻⵍⵍⴰⵀ ⴷ ⴱⵡⵉⵏⴰⵏ), ⵎⴰ ⴷ ⴰⵢⴻⵏ ⴰⵢ ⴷ-ⵢⴻⴳⴳⵔⴰⵏ, ⴰⴷ ⵢⴻⵜⵜⵡⴰⴼⵔⴻⵇ ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ 2013.