ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵀⵉⵍ ⵏ ⵜⵏⴻⵣⴷⵓⵖⵉⵏ ⵏ ⵍⵒⵒ: ⵜⵓⴽⵛⵉ ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵙⴻⴳ 15 ⵎⴻⵖⵔⴻⵙ ⴷ ⴰⵙⴰⵡⴻⵏ (ⵜⴻⴱⴱⵧⵓⵏⴻ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ, ⴰⵙⵙ ⵏ ⵍⴻⵅⵎⵉⵙ, ⴷⴰⴽⴽⴻⵏ ⵜⴰⵕⵎⵉⵙⵜ (ⵛⴰⵔⵉⴽⴰ) ⵜⴰⵖⴻⵍⵏⴰⵡⵜ ⵏ ⵡⴻⵙⵎⴰⵍ ⴰⵚⵓⴽⴰⵏ ⴰⴷ ⵜⴻⴱⴷⵓ ⴰⴼⵔⴰⵇ ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⵍⵒⵒ (ⵜⴰⵏⴻⵣⴷⵓⵖⵜ ⵜⴰⵏⴰⴳⴷⵓⴷⵜ ⵜⴰⵙⵎⴰⵍⴰⵏⵜ) ⵙⴻⴳ 15 ⵎⴻⵖⵔⴻⵙ ⴷ ⴰⵙⴰⵡⴻⵏ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ-ⵏⵏⴻⵙ ⵏ ⵓⵙⵙⴻⴼⵇⴻⴷ ⵏ ⵢⵉⵙⴻⵏⴼⴰⵔⴻⵏ ⵏ ⵜⵏⴻⵣⴷⵓⵖⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵏⵏⴰ-ⴷ ⵎⴰⵙⵙ ⵜⴻⴱⴱⵧⵓⵏⴻ ⴷⴰⴽⴽⴻⵏ « ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵢⴻⵍⵍⴰ ⵢⴻⵙⵙⴻⴼⴽ ⴰⴷ ⵜⵜⵓⵏⴻⴼⴽⴻⵏ ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⵍⵒⵒ ⴷⴻⴳ ⴷⵓⵊⴻⵎⴱⴻⵕ ⵏ 2015, ⵎⴰⵛⴰ ⵖⴻⴼ ⵍⴵⴰⵍ ⵏ ⴽⵔⴰ ⵏ ⵜⴻⴳⵏⴰⵜⵉⵏ, ⵜⴻⵔⵔⴰ-ⴰⵖ ⵜⵎⴰⵔⴰ ⴰⴷ ⵏⵡⴻⵅⵅⴻⵔ ⵜⴰⵎⵀⴻⵍⵜ-ⴰ (ⵄⴰⵎⴰⵍⵉⵢⵢⴰ », ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵢⴰ ⴰⴷ ⴷ-ⵢⵉⵍⵉ ⴰⵙⵙ ⵏ 15 ⵎⴻⵖⵔⴻⵙ.

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵙⵙⵓⵎⴰ ⵜⴰⵏⴻⴳⴳⴰⵔⵓⵜ ⵏ ⵜⵏⴻⵣⴷⵓⵖⵉⵏ-ⴰ ⵜⴻⵜⵜⵡⴰⵇⴻⵢⵢⴻⵎ ⵖⴻⴼ ⵍⴻⵃⵙⴰⴱ ⵏ ⵓⵎⵉⵜⵔ ⴰⵎⴽⵓⵥ (ⵎ2) ⴰⵢ ⵢⴻⵙⵡⴰⵏ 95.000 ⵏ ⵢⵉⴷⵉⵏⴰⵕⴻⵏ, ⵢⴻⵔⵏⵓ ⵜⴰⵊⵓⵎⵎⴰ (ⵎⵉⵙⴰⵃⴰ) ⵏ ⵜⵏⴻⵣⴷⵓⵖⵜ ⵏ 3 ⵏ ⵜⴻⵅⵅⴰⵎⵉⵏ ⵜⴻⵡⵡⴻⴹ ⵖⴻⵔ 75 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ (ⵎ2), ⵜⵉⵏ ⵏ ⵜⵏⴻⵣⴷⵓⵖⵜ ⵏ 4 ⵏ ⵜⴻⵅⵅⴰⵎⵉⵏ ⵜⴻⵡⵡⴻⴹ ⵖⴻⵔ 100 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⵉⵏ ⵏ ⵜⵏⴻⵣⴷⵓⵖⵜ ⵏ 5 ⵏ ⵜⴻⵅⵅⴰⵎⵉⵏ ⵜⴻⵡⵡⴻⴹ ⵖⴻⵔ 120 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ.

ⵢⴻⵙⵙⴻⴼⵇⴻⴷ ⴷⴰⵖ ⵓⵏⴻⵖⵍⴰⴼ ⵉⵙⴻⵏⴼⴰⵔⴻⵏ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⵏ ⵍⵒⵒ ⴷⴻⴳ ⵙⵉⴷⵉ ⵄⴻⴱⴷⴻⵍⵍⴰⵀ. ⴰⵙⴻⵏⴼⴰⵔ ⴰⵎⴻⵣⵡⴰⵔⵓ ⵏ ⵜⵏⴻⵣⴷⵓⵖⵉⵏ-ⴰ ⴷⴻⴳ ⵓⴷⴻⴳ-ⴰ ⵢⴻⵙⵄⴰ 1.200 ⵏ ⵜⵏⴻⵣⴷⵓⵖⵉⵏ ⵢⴻⵔⵏⵓ ⴰⴷ ⴱⴷⵓⵏⵜ ⴰⴷ ⵜⵜⵡⴰⴼⵔⴰⵇⴻⵏⵜ ⴷⴻⴳ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2017, ⵎⴰ ⴷ ⴰⵙⴻⵏⴼⴰⵔ ⵡⵉⵙ ⵙⵉⵏ ⴰⵢⴷⴻⴳ ⵙⵙⴻⴼⵔⴰⵢⴻⵏ ⴰⴷ ⴱⵏⵓⵏ 1.067 ⵏ ⵜⵏⴻⵣⴷⵓⵖⵉⵏ ⴰⴷ ⵢⴻⵜⵜⵡⴰⴼⵔⴻⵇ ⵉ ⵢⵉⵎⴰⵡⵍⴰⵏ-ⵏⵏⴻⵙ ⴷⴻⴳ ⵜⴳⴰⵔⴰ ⵏ ⵎⴰⵢⵓ 2016.

ⴷⴻⴳ ⵜⴻⵔⵣⵉ-ⴰ, ⵢⴻⵍⵍⴰ-ⴷ ⴷⴰⵖ ⴱⴻⴷⴷⵓ ⵏ ⵓⵙⴻⵏⴼⴰⵔ ⵏ ⵓⵀⴻⵢⵢⵉ ⵏ ⵜⴻⵎⴷⵉⵏⵜ ⵜⴰⵎⴰⵢⵏⵓⵜ ⵏ ⵙⵉⴷⵉ ⵄⴻⴱⴷⴻⵍⵍⴰⵀ (ⵍⴻⴱⵏⵉ ⵏ ⵢⴻⴱⵔⵉⴷⴻⵏ ⴷ ⵢⵉⵥⴻⴹⵡⴰⵏ ⵢⴻⵎⴳⴻⵔⵔⴰⴷⴻⵏ), ⵢⴻⵔⵏⵓ ⵢⴻⵜⵜⵓⵏⴻⴼⴽ ⵉ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵜⴻⵕⵎⵉⵙⵉⵏ ⵢⴻⵍⵍⴰⵏ ⴷⴷⴰⵡ ⵓⵙⵉⴳⴳⵉ ⵏ ⵛⵧⵙⵉⴷⴻⵔ ⴰⵢ ⴷ-ⵉⵔⴻⴱⵃⴻⵏ ⵙⵉⵏ ⵏ ⵍⴻⵄⵇⵓⴷⴰⵜ ⴷⴻⴳ ⵓⵙⴻⵏⴼⴰⵔ-ⴰ. ⴰⵎⴻⵣⵡⴰⵔⵓ ⴷ ⵍⴻⵄⵇⴻⴷ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵜ, ⵢⴻⵔⵏⵓ ⵢⴻⵙⵡⴰ 6,48 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⵎⴰ ⴷ ⵡⵉⵙ ⵙⵉⵏ ⴷ ⵡⵉⵏ ⵏ ⵓⵀⴻⵢⵢⵉ ⵏ ⵜⴻⵎⴷⵉⵏⵜ-ⴰ, ⵢⴻⵔⵏⵓ ⵢⴻⵙⵡⴰ 77,84 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ.