ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⴽⵛⵉ ⵏ ⵜⵓⵣⵡⵉⵔⵜ ⵉ ⵜⴻⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ ⴰⴷ ⵢⴻⵙⵙⴻⴵⵀⴻⴷ ⵜⵉⵣⴻⵎⵎⴰⵔ ⵏ ⵜⵎⵓⵔⵜ ⴷⴻⴳ ⵡⴻⵃⵔⵉⵛ ⵏ ⵜⴻⵥⵡⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵡⴰⵎⵎⴰⵙ ⵏ ⵡⴻⵙⵏⴻⴼⵍⵉ ⵏ ⵜⴻⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ (ⵟⴰⵇⴰⵜ ⵎⵓⵜⴰⴵⴰⴷⴷⵉⴷⴰ), ⵏⵧⵓⵔⴻⴷⴷⵉⵏⴻ ⵢⴰⵙⵙⴰ, ⴷⴰⴽⴽⴻⵏ ⵍⴻⵡⵚⴰⵢⴰⵜ ⴰⵢ ⴷ-ⵢⴻⴼⴽⴰ ⵓⵙⴻⵍⵡⴰⵢ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⴰⵙⵙ ⵏ ⵍⴻⵜⵏⵉⵢⴻⵏ, ⴷⴻⴳ ⵓⵙⴻⵇⵇⴰⵎⵓ ⵓⵃⵕⵉⵙ ⵏ ⵢⵉⵏⴻⵖⵍⴰⴼⴻⵏ, ⴷ ⴰⵢⴻⵏ ⴰⴷ ⵢⴻⵙⵏⴻⵔⵏⵉⵏ ⴰⵙⵙⴻⵇⴷⴻⵛ ⵏ ⵜⴻⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ ⵢⴻⵔⵏⵓ ⴰⴷ ⵢⴻⵙⵙⴻⴵⵀⴻⴷ ⵜⴰⵖⴻⵍⵍⵉⵙⵜ (ⴰⵎⵏ) ⵏ ⵍⴷⵣⴰⵢⴻⵔ ⴷⴻⴳ ⵡⴻⵃⵔⵉⵛ ⵏ ⵜⴻⵥⵡⴻⵔⵜ.
ⵉ ⵡⴻⵙⵎⴻⴽⵜⵉ, ⵉⵡⴻⵚⵚⴰ-ⴷ ⵓⵙⴻⵍⵡⴰⵢ, ⴷⴻⴳ ⵓⵙⴻⵇⵇⴰⵎⵓ-ⴰ, ⵖⴻⴼ ⵓⴽⴻⵎⵎⴻⵍ ⴷ ⵓⵙⵙⴻⴵⵀⴻⴷ ⵏ ⵓⵏⴰⴷⵉ ⵖⴻⴼ ⵜⴻⵖⴱⵓⵍⴰ ⵏ ⵍⴳⴰⵣ ⴰⴳⴰⵎⴰⵏ (ⵟⴰⴱⵉⵄⵉ), ⵎⴰⵛⴰ ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵉⴽⴻⵎⵎⴻⵍ ⵢⴻⵔⵏⴰ ⴰⴷ ⵢⴻⵜⵜⵡⴰⵙⵙⴻⴵⵀⴻⴷ ⵡⴰⵀⵉⵍ ⴰⵖⴻⵍⵏⴰⵡ ⵏ ⵡⴻⵙⵏⴻⴼⵍⵉ ⵏ ⵜⴻⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵢⴰ ⵢⴻⵙⵙⴻⴼⴽ ⴰⴷ ⵢⵉⵍⵉ ⴷ « ⵜⵓⵣⵡⵉⵔⵜ ⵜⴰⵖⴻⵍⵏⴰⵡⵜ ».
ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⵢⴰⵙⵙⴰ, ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⴷ ⵜⴰⴱⵕⴰⵜ ⴰⵢ ⴷ-ⵢⴻⵜⵜⵡⴻⴽⴽⵉⴷⴻⵏ ⵍⴻⴱⵖⵉ ⴰⵙⴻⵔⵜⴰⵏ, ⴷⴻⴳ ⵡⴻⵙⵡⵉⵔ ⵓⵏⵏⵉⴳ, ⵉ ⵍⵎⴻⵏⴷ ⵏ ⵓⴽⴻⵎⵎⴻⵍ ⴷ ⵓⵙⵙⴻⴵⵀⴻⴷ ⵏ ⵓⵙⵙⴻⴼⵄⴻⵍ ⵏ ⵡⴰⵀⵉⵍ ⵏ ⵜⴻⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ ⴰⴷ ⵢⵓⵖⴰⵍⴻⵏ ⴷ « ⴰⴳⴻⵍⵍⵓⵙ ⴰⵙⵓⴷⴷⵙⴰⵏ » (ⵎⵉⵃⵡⴰⵔ ⵉⵙⵜⵔⴰⵜⵉⴵⵉ) ⵢⴻⵔⵏⵓ ⴷ « ⵜⵓⵣⵡⵉⵔⵜ ⵜⴰⵖⴻⵍⵏⴰⵡⵜ ».
ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵡⴰⵎⵎⴰⵙ ⵏ ⵡⴻⵙⵏⴻⴼⵍⵉ ⵏ ⵜⴻⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵙⵙⵉⴼⴻⵙⵙⴻⵏ ⴰⵜⵜⴻⴽⴽⵉ ⵏ ⵢⴻⵎⵙⴻⴼⵜⵉⵢⴻⵏ ⵓⵙⵍⵉⴳⴻⵏ ⵉⵖⴻⵍⵏⴰⵡⴻⵏ ⴷ ⵢⵉⴱⴻⵕⵕⴰⵏⵉⵢⴻⵏ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⴰⵀⵉⵍ-ⴰ ⵖⴻⵔ ⵢⴻⵙⵡⴰⵏ-ⵏⵏⴻⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ (ⵙⵓⵍⵓⵟⴰⵜ ⵄⵓⵎⵓⵎⵉⵢⵢⴰ) ⴰⴽⴽⴻⵏ ⴰⴷ ⵙⴱⴻⵖⵙⴻⵏ ⵢⴻⵔⵏⵓ ⴰⴷ ⴱⴻⴷⴷⴻⵏ ⵉ ⵍⵎⴻⵏⴷ ⵏ ⵢⴻⵎⵙⴻⴼⵜⵉⵢⴻⵏ-ⴰ ⵙ ⵢⵉⵃⴻⵣⵣⵉⴱⴻⵏ ⴰⵢ ⵢⴻⵜⵜⴳⴻⵏ ⵉⴼⴰⴷⴷⴻⵏ.
ⵉⵃⴻⵣⵣⵉⴱⴻⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⴷ ⵃⴰⵣⴻⵏ ⴰⴽⴽ ⴰⵣⵔⴰⵔ (ⵙⵉⵍⵙⵉⵍⴰ) ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⵏ ⵜⴻⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ ⵙⴻⴳ ⵓⵙⵖⵉⵡⴻⵙ ⵖⴻⵔ ⵓⵙⵙⵉⵡⴻⴹ ⵏ ⵜⴻⵥⵡⴰⵔ-ⴰ ⴷⴻⴳ ⵓⵥⴻⴹⴹⴰ ⴰⵖⴻⵍⵏⴰⵡ ⵏ ⵡⴻⴼⵔⴰⵇ.
