ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⴹⴻⴱⴱⴻⵕ ⵏ ⵜⴷⵉⴱⵍⵓⵎⴰⵙⵉⵜ ⴰⵄⵉⵕⴰⵇⵉ ⵉⴱⴻⴳⴳⴻⵏ-ⴷ ⵍⴻⴱⵖⵉ ⵏ ⵜⵎⵓⵔⵜ-ⵉⵙ ⵢⴻⵔⵣⴰⵏ ⴰⵏⴻⴳⵎⵓ ⵏ ⵍⴻⵎⵅⴰⵍⵟⴰⵜ ⴰⴽⴽ ⴷ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⴰⵏⴻⵖⵍⴰⴼ ⴰⵄⵉⵕⴰⵇⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ, ⵉⴱⵔⴰⵀⵉⵎ ⴰⵍ-ⴰⵙⵀⴰⵉⵇⴻⵔ ⴰⵍ-ⵊⴰⴰⴼⴰⵔⵉ, ⵉⴱⴻⴳⴳⴻⵏ-ⴷ ⴰⵙⵙ ⵏ ⵍⴰⵅⵎⵉⵙ ⵍⴻⴱⵖⵉ ⵏ ⵜⵎⵓⵔⵜ-ⵉⵙ ⵢⴻⵔⵣⴰⵏ ⴰⵏⴻⴳⵎⵓ ⵏ ⵍⴻⵎⵅⴰⵍⵟⴰⵜ ⴰⴽⴽ ⴷ ⵍⴻⵣⵣⴰⵢⴻⵔ, ⴰⵢⴻⵏ ⵉⵛⵓⴷⴷⴻⵏ ⵖⴻⵔ ⵡⴻⵎⵜⴰⵡⴰ ⵏ ⵜⵎⵓⵖⵍⵉⵡⵉⵏ ⴳⴻⵔ ⵙⵏⴰⵜ ⵏ ⵜⵎⵓⵔⴰ ⵢⴻⵔⵣⴰⵏ ⴰⵟⴰⵚ ⵏ ⵜⵓⵜⵜⵔⵉⵡⵉⵏ, ⵍⴰⴷⵖⴰ ⴰⵎⴻⵏⵏⵓⵖ ⵎⴳⴰⵍ ⵔⵔⴻⴱⵔⴰⴱ.
ⵖⴻⵔ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ ⴷ-ⵢⴻⵍⵍⴰⵏ ⴰⴽⴽ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵎⴰⵙ ⴰⵍ-ⵊⴰⴰⴼⴰⵔⵉ ⵢⴻⵏⵏⴰ ⴱⴻⵍⵍⵉ ⵍⵄⵉⵕⴰⵇ ⵜⵅⴻⴷⴷⴻⵎ ⴰⴽⴽⴻⵏ ⴰⴷ ⵜⴻⵙⵏⴻⴳⵎⵓ ⵍⴻⵎⵅⴰⵍⵟⴰⵜ-ⵉⵏⴻⵙ ⴰⴽⴽ ⴷ ⵍⴻⵣⵣⴰⵢⴻⵔ ⴷⵉ ⵢⴰⵍ ⴰⵃⵔⵉⵛ.
ⵎⴰ ⴷ ⴰⵢⴻⵏ ⵢⴻⵔⵣⴰⵏ ⵉⵎⴰⵃⴱⴰⵙ ⵉⵣⵣⴰⵢⵔⵉⵢⴻⵏ ⴷⵉ ⵍⵄⵉⵕⴰⵇ, ⵎⴰⵙ ⴰⵍ-ⵊⴰⴰⴼⴰⵔⵉ ⵉⵡⴻⴽⴽⴻⴷ-ⴷ ⵎⵉ ⴷ-ⵢⴻⵏⵏⴰ: "ⵄⵓⵀⴷⴻⵖ ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴰⴽⴽⴻⵏ ⴰⴷ ⴹⴻⴼⴼⵕⴻⵖ ⴰⴽⴰⵔⴰⵎ-ⴰⴳⵉ ⴷⴻⴳ ⵡⴻⴱⵔⵉⴷ ⵏ ⵍⵇⴰⵏⵓⵏ, ⴰⴷ ⵏⴻⵅⴷⴻⵎ ⴰⴽⴽⴻⵏ ⴰⴷ ⵏⴻⴽⴽⴻⵙ ⴰⴽⴽ ⵓⴳⵓⵔⴻⵏ ⵎⴰ ⵏⴻⵎⵄⴰⵡⴰⵏ ⴰⴼⵓⵙ ⴷⴻⴳ ⵡⴼⵓⵙ".
"ⵏⴻⵎⵎⴻⵙⵍⴰⵢ ⴷⴰⵖⴻⵏ ⵖⴻⴼ ⵡⴰⵟⴰⵚ ⵏ ⵜⴻⵎⵙⴰⵍ ⵍⴰⴷⵖⴰ ⵍⵉⵃⴰⵍⴰ ⵜⴻⵜⵜⵉⴷⵉⵔ ⵍⵄⵉⵕⴰⵇ, ⴱⴻⴷⴷⴻⵎⵎⴰ, ⴰⴽⴽ ⴷ ⵜⵎⵓⵔⴰ ⵜⴰⵄⵕⴰⴱⵉⵏ, ⵙ ⵓⵎⴰⵜⴰ", ⵉⴽⴻⵎⵎⴻⵍ ⵢⴻⵏⵏⴰ ⵓⵏⴻⵖⵍⴰⴼ ⴰⵄⵉⵕⴰⵇⵉ ⴷ-ⵢⴻⵎⵎⴻⵙⵍⴰⵢⴻⵏ ⵖⴻⴼ ⵍⴻⴱⵖⵉ-ⵉⵏⴻⵙ ⵢⴻⵔⵣⴰⵏ ⴰⵎⵢⴻⵣ ⴷ ⵜⴻⴽⵜⵉⵡⵉⵏ ⵉⴼⴰⵣⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵙⵏⴻⵏ ⴰⴽⴽ ⵉⴽⴰⵔⴰⵎⴻⵏ ⴷ ⵜⵓⵜⵜⵔⵉⵡⵉⵏ.
