Asebter amenzawi

Amḍebbeṛ n tdiblumasit aɛiṛaqi ibeggen-d lebɣi n tmurt-is yerzan anegmu n lemxalṭat akk d Lezzayer

LEZZAYER TAMANAɣT- Aneɣlaf aɛiṛaqi n tɣawsiwin n wezɣaṛ, Ibrahim Al-Ashaiqer Al-Jaafari, ibeggen-d ass n laxmis lebɣi n tmurt-is yerzan anegmu n lemxalṭat akk d Lezzayer, ayen icudden ɣer wemtawa n tmuɣliwin ger snat n tmura yerzan aṭaṣ n tuttriwin, ladɣa amennuɣ mgal rrebrab.

ɣer taggara n temlilit d-yellan akk d uselway n Tegduda, Abdelaziz Bouteflika, Mas Al-Jaafari yenna belli Lɛiṛaq txeddem akken ad tesnegmu lemxalṭat-ines akk d Lezzayer di yal aḥric.

Ma d ayen yerzan imaḥbas izzayriyen di Lɛiṛaq, Mas Al-Jaafari iwekked-d mi d-yenna: "ɛuhdeɣ aselway Bouteflika akken ad ḍeffṛeɣ akaram-agi deg webrid n lqanun, ad nexdem akken ad nekkes akk uguren ma nemɛawan afus deg wfus".

"Nemmeslay daɣen ɣef waṭaṣ n temsal ladɣa liḥala tettidir Lɛiṛaq, beddemma, akk d tmura taɛṛabin, s umata", ikemmel yenna uneɣlaf aɛiṛaqi d-yemmeslayen ɣef lebɣi-ines yerzan amyez d tektiwin ifazen n uselway n Tegduda yessnen akk ikaramen d tuttriwin.