Asebter amenzawi

Messahel yettekki di lecɣal n tedwilt tis 3 n temlilit ger Rruss d tmura taɛṛabin

MuSCU- Aneɣlaf n tɣawsiwin timaɣribiyin, n tdukkli tafriqit akk d ujerrid n yiwunak aɛṛaben, Abdelkader Messahel, yettekki ass n ljemɛa di Moscou di tedwilt tis 3 n temlilit n wemɛiwen ger Rrus akk d tmura taɛṛabin.

Tadwilt-agi tettwaselwi sɣur, uneɣlaf n tɣawsiwin n wezɣaṛ, Sergueï Lavrov, seg yidis arusi, akk d uneɣlaf n tɣawsiwin n wezɣaṛ n tgeldunin taɛṛabin yeddukklen, Sheikh Abdullah Bin Zayed Al Nahyan, seg yidis aɛṛab akk d umaray amatu n ujerrid n yiwunak aɛṛaben, Nabil Al-Arabi.

Di tedwilt-agi, Mas Messahel yiwi-d awal ɣef lemxalṭat "timazrayin tistratijiyin" yeqqnen ger Lezzayer d tfidiralit tarusit akk d "lemxalṭat iǧahden, yerzan tasertit, s lemcawrat tilebdanin yerzan tuttriwin timiranin timnaḍanin akk d tegraɣlanin, deg weḥric n tdamsa, s lemɛiwna yemxallafen yettnernin seg wass ɣer wayeḍ, am wakken tent-id-ttbegginen tadwilt taneggarut nn tqacuct ger Lezzayer d Rruss, d-yeḍṛan di Moscou.