ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵡⵡⴻⴹ ⵍⴻⵄⴼⵓ ⵏ ⵕⴻⴱⴱⵉ ⵓⵛⴻⵏⵏⴰⵢ ⵎⵧⵀⴰⵎⴻⴷ ⵔⴰⵛⵀⵉⴷ ⵖⴻⵔ 77 ⵏ ⵢⵉⵙⴻⴳⴳⴰⵙⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵡⵡⴻⴹ ⵍⴻⵄⴼⵓ ⵏ ⵕⴻⴱⴱⵉ ⵓⵛⴻⵏⵏⴰⵢ ⴰⵇⴱⴰⵢⵍⵉ ⵎⵧⵀⴰⵏⴷ ⵔⴰⵛⵀⵉⴷ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵖⴻⵔ 77 ⵏ ⵢⵉⵙⴻⴳⴳⴰⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ ⵡⵉⴷ ⴰⵢ ⴰⵙ-ⵢⴻⵜⵜⵉⵍⵉⵏ.

ⵉⵍⵓⵍ ⵓⵏⴰⵥⵓⵔ-ⴰ ⴷⴻⴳ 12 ⴼⵓⵕⴰⵕ 1939 ⴷⴻⴳ ⵜⴻⵇⵚⴻⴱⵜ ⵏ ⵍⴻⵣⵣⴰⵢⴻⵔ ⵎⴰ ⴷ ⵍⴰⵚⴻⵍ-ⵏⵏⴻⵙ ⵙⴻⴳ ⵢⵉⵄⴻⵥⵥⵓⴳⴻⵏ (ⵜⵉⵣⵉⵣ ⵡⴻⵣⵣⵓ). ⴰⵛⴻⵏⵏⴰⵢ-ⴰ ⴰⵟⴰⵙ ⴰⵢ ⵜ-ⵢⴻⵜⵜⵡⴰⵍⵉⵏ ⴷ ⵢⵉⵡⴻⵜ ⵙⴻⴳ ⵜⵡⴻⵍⵀⵉⵡⵉⵏ ⵜⵉⵎⴻⵇⵔⴰⵏⵉⵏ ⵏ ⵓⵥⴰⵡⴰⵏ ⴰⵇⴱⴰⵢⵍⵉ ⴷ ⵡⵉⵏ ⵏ ⵛⵛⴻⵄⴱⵉ.

ⴳⴰⵔ ⵜⴻⵣⵍⴰⵜⵉⵏ-ⵏⵏⴻⵙ ⵢⴻⵜⵜⵡⴰⵙⵙⵏⴻⵏ ⵜⴻⵍⵍⴰ ⵜⵉⵏ ⵏ « ⵉⴼⴻⵍⵍⴰⵃⴻⵏ ⵉⴽⴻⵔⵔⵣⴻⵏ » ⴷ ⵜⵉⵏ ⵏ « ⵡⴻⵕⴷⴻⵢⵢⴰ », ⴰⵎ ⵡⴰⴽⴽⴻⵏ ⴰⵢ ⵢⴻⵅⴷⴻⵎ ⴷ ⴰⵏⴼⴰⵔⴰⵙ (ⵎⵓⵏⵜⵉⴵ) ⵢⴻⵔⵏⴰ ⴷ ⴰⵎⴻⴽⴼⴰⴹⵓ (ⵎⵓⵏⴰⵛⵛⵉⵟ) ⴷⴻⴳ ⵕⵕⴰⴷⵢⵓ ⵏ ⵍⴻⵣⵣⴰⵢⴻⵔ ⴰⵏⴷⴰ ⴰⵢ ⴷ-ⵢⴻⵍⵀⴰ ⵙ ⵜⴻⵙⴳⵉⵍⵜ ⵏ « ⵉⵛⴻⵏⵏⴰⵢⴻⵏ ⵏ ⵓⵣⴻⴽⴽⴰ », ⴰⵢ ⵢⴻⵍⵍⴰⵏ ⵜⴻⵜⵜⵄⴻⴷⴷⵉ-ⴷ ⴷⴻⴳ ⵜⴻⵔⴳⴰ ⵜⵉⵙ 2. ⴷⴻⴳ ⵜⴻⵔⴳⴰ-ⴰ ⴷⴰⵖ, ⵢⴻⵅⴷⴻⵎ ⴷ ⴰⵎⴻⴽⴼⴰⴹⵓ ⵏ ⵢⵉⵡⴻⵜ ⵏ ⵜⴻⵙⴳⵉⵍⵜ ⵏ ⵓⵥⴰⵡⴰⵏ ⵏ ⵛⵛⴻⵄⴱⵉ ⴷ ⵜⴳⴻⵎⵎⵉ.

ⵜⴰⵎⴹⴻⵍⵜ ⵏ ⵓⵎⴻⵕⵃⵓⵎ ⴰⴷ ⴷ-ⵜⵉⵍⵉ ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵎⴻⵇⴱⴻⵔⵜ ⵏ ⵍⵇⴻⵟⵟⴰⵔ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.