Asebter amenzawi

Yewweḍ leɛfu n Ṛebbi ucennay Mohamed Rachid ɣer 77 n yiseggasen

LEZZAYER TAMANEɣT – Yewweḍ leɛfu n Ṛebbi ucennay aqbayli Mohand Rachid ass n ssebt deg Lezzayer Tamaneɣt ɣer 77 n yiseggasen, ɣef wakken ay aɣ-d-xebbren wid ay as-yettilin.

Ilul unaẓur-a deg 12 Fuṛaṛ 1939 deg Teqṣebt n Lezzayer ma d laṣel-nnes seg Yiɛeẓẓugen (Tiziz Wezzu). Acennay-a aṭas ay t-yettwalin d yiwet seg twelhiwin timeqranin n uẓawan aqbayli d win n cceɛbi.

Gar tezlatin-nnes yettwassnen tella tin n « Ifellaḥen ikerrzen » d tin n « Weṛdeyya », am wakken ay yexdem d anfaras (muntiǧ) yerna d amekfaḍu (munacciṭ) deg Ṛṛadyu n Lezzayer anda ay d-yelha s tesgilt n « Icennayen n Uzekka », ay yellan tettɛeddi-d deg Terga tis 2. Deg terga-a daɣ, yexdem d amekfaḍu n yiwet n tesgilt n uẓawan n cceɛbi d tgemmi.

Tamḍelt n umeṛḥum ad d-tili ass n lḥedd deg tmeqbert n Lqeṭṭar, deg Lezzayer Tamaneɣt.