ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵎⴰⵔ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙ ⵓⵙⵙⵓⴷⴷⴻⵙ ⵢⴻⵍⵀⴰⵏ ⵏ ⵜⴻⴼⵔⴰⵏⵉⵏ ⴷⴻⴳ ⵏⵉⵊⵉⵔ

ⵏⵉⴰⵎⴻⵢ– ⵢⴻⵏⵏⴰ-ⴷ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⵧⵀⴰⵎⴻⴷ ⵉⴱⵏ ⵛⵀⴰⵎⴱⴰⵙ, ⴰⵢ ⴷ-ⵢⴻⵔⵣⴰⵏ ⵖⴻⴼ ⵏⵉⵊⵉⵔ ⴰⴽⴽⴻⵏ ⴰⴷ ⵉⵥⴻⵔ ⵜⵉⴼⵔⴰⵏⵉⵏ ⵜⵉⵙⴻⵍⵡⴰⵢⴰⵏⵉⵏ ⴷ ⵜⵡⴰⵎⵏⵉⵢⵉⵏ, ⴰⵙⵙ ⵏ ⵍⵃⴻⴷⴷ, ⴷⴰⴽⴽⴻⵏ « ⵢⵓⵎⴰⵔ (ⵢⴻⴼⵕⴻⵃ) ⵙ ⵓⵙⵙⵓⴷⴷⴻⵙ ⵢⴻⵍⵀⴰⵏ ⵏ ⵜⴻⴼⵔⴰⵏⵉⵏ-ⴰ ⵢⴻⵔⵏⵓ ⵉⴳⴻⵔ-ⴷ ⵜⵉⵖⵔⵉ ⵉ ⵡⴰⴽⴽ ⵡⵉⴷ ⵢⴻⵜⵜⴻⴽⴽⴰⵏ ⴰⴷ ⵙⵇⴻⴷⵛⴻⵏ ⵍⵇⴰⵏⵓⵏ ⵎⴰ ⴱⵖⴰⵏ ⴰⴷ ⴷ-ⵛⵛⴻⵜⴽⵉⵏ » ⵖⴻⴼ ⵢⴻⴳⵎⴰⴹ.

ⵖⴻⴼ ⵍⴻⵃⵙⴰⴱ ⵏ ⵢⴻⴳⵎⴰⴹ ⵓⵄⴹⵉⵍⴻⵏ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⵊⴻⵎⵄⴰ, ⵢⴻⵔⴱⴻⵃ ⵓⵙⴻⵍⵡⴰⵢ ⵉⵙⵙⵧⵓⴼⵧⵓ ⵎⴰⵀⴰⵎⴰⴷⵧⵓ 48,4% ⵏ ⵜⵓⵖⴰⵛ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵀⴰⵎⴰ ⴰⵎⴰⴷⵧⵓ ⵢⴻⵔⴱⴻⵃ 17,7%. ⵜⵉⴼⵔⴰⵏⵉⵏ ⵜⵉⵙⴻⵍⵡⴰⵢⴰⵏⵉⵏ ⵎⴰⵣⴰⵍ ⴰⴷ ⴷ-ⵜⵉⵍⵉ ⴷⴻⴳ-ⵙⴻⵏⵜ ⵜⵓⵣⵣⵢⴰ ⵜⵉⵙ ⵙⵏⴰⵜ. ⵎⴰ ⴷ ⵜⵉⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ (ⴱⴰⵔⵍⴰⵎⴰⵏⵉⵢⵢⴰ) ⵜⴻⵔⴱⴻⵃ ⴷⴻⴳ-ⵙⴻⵏⵜ ⵜⴻⵎⵙⵉⵙⵉⵜ (ⵜⴰⵃⴰⵍⵓⴼⵜ) ⵢⴻⵍⵍⴰⵏ ⴷⴻⴳ ⵓⴷⴰⴱⵓ 105 ⵏ ⵢⵉⵎⵓⴽⴰⵏ ⵙⴻⴳ ⴳⴰⵔ 171.

ⵓⵇⴱⴻⵍ ⵎⴰ ⴼⴼⵖⴻⵏ-ⴷ ⵢⴻⴳⵎⴰⴹ ⵓⵏⵚⵉⴱⴻⵏ, ⵜⴻⵎⵍⴰⵍ ⵜⴻⵏⵎⴻⴳⵍⴰ (ⵎⵓⵄⴰⵔⴰⴹⴰ) ⵜⴰⵙⴻⵔⵜⴰⵏⵜ ⵜⴰⵏⵉⵊⵉⵔⵉⵜ ⴰⵢ ⴷ-ⵉⴳⴰⵏ ⵜⴰⵎⵙⵉⵙⵉⵜ ⵉ ⵜⴻⵎⵍⴻⵍⵍⵉⵜ ⵏ 2016 ⴰⴽⴽⴻⵏ ⴰⴷ ⴷ-ⵜⵉⵏⵉ ⴷⴰⴽⴽⴻⵏ ⵓⵔ ⵜⴻⵙⵜⴻⵄⵕⵉⴼ ⴰⵔⴰ ⵙ ⵢⴻⴳⵎⴰⴹ-ⴰ.

ⵎⴰ ⴷ ⵜⵉⴳⵜⵉ (ⴰⵖⵍⴰⴱⵉⵢⵢⴰ) ⵢⴻⵍⵍⴰⵏ ⴷⴻⴳ ⵓⴷⴰⴱⵓ ⵜⴻⵏⵏⴰ-ⴷ ⴷⴰⴽⴽⴻⵏ ⵜⴰⵏⵎⴻⴳⵍⴰ ⵜⴻⴳⴳⵓⵎⴰ ⴰⴷ ⵜⴻⵙⵜⴻⵄⵕⴻⴼ ⵙ ⵍⴻⵅⵚⴰⵔⴰ-ⵏⵏⴻⵙ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵎⵧⵀⴰⵎⴻⴷ ⵉⴱⵏ ⵛⵀⴰⵎⴱⴰⵙ ⴷⴻⴳ ⵏⵉⴰⵎⴻⵢ, ⵢⴻⵙⵎⴻⴽⵜⵉ-ⴷ ⵉ ⵡⴰⴽⴽ ⵉⴷⵉⵙⴰⵏ ⴷⴰⴽⴽⴻⵏ « ⵡⵉ ⴷ ⵉⴳⵎⴰⴹ ⵓⵄⴹⵉⵍⴻⵏ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵜⴻⵏ-ⵢⴻⵙⵄⴻⴷⴷⵉ ⵛⵛⵕⴻⵄ ⴰⵎⴻⵏⴹⴰⵡⴰⵏ », ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴱⵖⴻⵙ « ⴰⴽⴽ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⵎⴰ ⵜⴻⵔⵔⴰ-ⵜⴻⵏ ⵜⵎⴰⵔⴰ, ⴰⴷ ⵛⵛⴻⵜⴽⵉⵏ ⵙ ⵓⵇⴰⴷⴻⵔ ⵏ ⵜⵎⴻⵏⴹⴰⵡⵜ (ⴷⵓⵙⵜⵓⵔ) ⴷ ⵍⴻⵇⵡⴰⵏⵉⵏ ⵏ ⵜⴻⴼⵔⴰⵏⵉⵏ » ⵏ ⵜⵎⵓⵔⵜ ⵏ ⵏⵉⵊⵉⵔ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵜⵉⵖⵔⵉ-ⵏⵏⴻⵙ ⵉ ⵡⴰⴽⴽ ⵉⵖⴼⴰⵡⴻⵏ ⵉⵙⴻⵔⵜⴰⵏⴻⵏ ⴷ ⵢⵉⵛⵔⵉⴽⴻⵏ-ⵏⵙⴻⵏ « ⴰⴽⴽⴻⵏ ⴰⴷ ⵎⴻⵍⴽⴻⵏ ⵉⵎⴰⵏ-ⵏⵙⴻⵏ ⴰⴽⴽⴻⵏ ⵓⵔ ⵜⵜⴳⴻⵏ ⴰⵔⴰ ⵢⴻⵔⵏⵓ ⵓⵔ ⴷ-ⵜⵜⵉⵏⵉⵏ ⴰⵔⴰ ⵜⵉⵖⴰⵡⵙⵉⵡⵉⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵙⵏⴻⴽⵔⴻⵏⵜ ⵛⵛⵡⴰⵍ ».