ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙ ⵡⵉⵙ 21 ⵏ ⵜⴻⵎⵖⵓⵏⵜ 1ⵓⵜ ⵏ ⵜⵛⵉⵔⵜ ⵏ ⵓⴹⴰⵔ: ⴷⵔⴱ ⵜⴰⴵⵏⴰⵏⵜ ⴷ ⵜⵉⵙ 2

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴷⵔⴱ ⵜⴰⴵⵏⴰⵏⵜ ⵜⵓⵍⵉ-ⴷ ⵖⴻⵔ ⵡⴻⵎⴽⴰⵏ ⵡⵉⵙ 2 ⵖⴻⵔ ⵢⵉⴷⵉⵙ ⵏ ⵛⵔ ⴱⴻⵍⵧⵓⵉⴷⴷⴰⴷ ⴷⴻⴳ ⵓⵙⴻⵜⵜⴻⴼ ⵏ ⵜⴻⵎⵖⵓⵏⵜ 1ⵓⵜ ⵏ ⵎⵧⴱⵉⵍⵉⵙ ⵎⵉ ⵜⴼⵓⴽ ⵜⵉⵎⵍⵉⵍⵉⵜ-ⵏⵏⴻⵙ ⵏ ⵡⴰⵙⵙ ⵏ ⵙⵙⴻⴱⵜ ⵙ ⵜⴳⴰⴷⴷⴰ (ⵜⴰⵄⴰⴷⵓⵍ) ⵏ 1 ⵖⴻⵔ 1 ⵎⴳⴰⵍ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ ⴷⴻⴳ ⵡⴰⵙⵙ ⵡⵉⵙ 21 ⵏ ⵜⴻⵍⵖⵓⵖⴰ ⵏ ⵍⴻⵣⵣⴰⵢⴻⵔ, ⴷⴻⴳ ⵡⴰⵢⵓⴽⴷ ⴰⵢⴷⴻⴳ ⵛⵔ ⴱⴻⵍⵧⵓⵉⵣⴷⴰⴷ ⵜⴻⵅⵚⴻⵔ ⵜⵉⵎⵍⵉⵍⵜ-ⵏⵏⴻⵙ ⵎⴳⴰⵍ ⵛⵙ ⵇⵙⴻⵏⵟⵉⵏⴰ ⵙ 2 ⵖⴻⵔ 1.

ⵜⴰⵖⵍⴰⵎⵜ ⵏ ⴷⵔⴱ ⵜⴰⴵⵏⴰⵏⵜ, ⴰⵢ ⴷ-ⵢⵓⴼⵔⴰⵔⴻⵏ ⴷⴻⴳ ⵜⵙⴻⵎⵀⵓⵢⵜ-ⴰ (ⵎⴰⵡⵙⵉⵎ) ⵓⵔ ⵜⵅⴻⵢⵢⴻⴱ ⴰⵔⴰ ⵡⵉⴷ ⴰⵢ ⵜⵜ-ⵢⴻⵜⵜⴹⴰⴼⴰⵔⴻⵏ ⵉⵎⵉ ⴰⵢ ⵜⴻⵙⵙⴰⵡⴻⴹ ⴰⴷ ⵜⴻⴼⴼⴻⵖ ⵙ ⵜⴳⴰⴷⴷⴰ ⴷⴻⴳ ⵜⵉⵣⵉ ⵡⴻⵣⵣⵓ.

ⴷ ⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ ⴰⵢ ⵢⴻⵙⵙⴰⴷⴼⴻⵏ ⵉⵙⵡⵉ ⴰⵎⴻⵣⵡⴰⵔⵓ ⵙ ⵜⵢⵉⵜⴰ ⵏ ⴱⵧⵓⵍⴰⵧⵓⵉⴷⴻⵜ (ⴷⴻⴳ ⵜⴻⴷⵇⵉⵇⵜ ⵜⵉⵙ 40), ⵙⴰⴽⴽⵉⵏ ⵜⴽⴻⵎⵎⴻⵍ ⵜⴻⵖⵍⴰⵎⵜ-ⴰ ⵜⴻⵜⵜⴰⵔⵔⴰ ⴰⴽⴽ ⵜⵓⵎⵎⵖⵉⵡⵉⵏ ⵏ ⵢⴻⵅⵚⵉⵎⴻⵏ-ⵏⵏⴻⵙ ⴰⵔⵎⵉ ⴷ ⵜⴰⴷⵇⵉⵇⵜ ⵜⵉⵙ 88 ⴰⵢⴷⴻⴳ ⵉⵎⴻⵏⵟⴰⴳⴻⵏ ⵏ ⵜⴻⴵⵏⴰⵏⵜ ⵃⴻⵕⵙⴻⵏ ⴰⵎⵃⴰⴷⴷⵉ ⵏ ⵍⴻⵇⴱⴰⵢⴻⵍ, ⴽⵧⵓⵙⵙⴰⵉⵍⴰ ⴱⴻⵔⵛⵀⵉⵛⵀⴻ, ⴰⵔⵎⵉ ⴰⵢ ⵢⴻⵙⵙⴰⴷⴻⴼ ⵉⵙⵡⵉ ⵉ ⵜⴻⵖⵍⴰⵎⵜ-ⵏⵏⴻⵙ.

ⵓⵍⴰ ⵎⴰ ⵜⵉⵎⵍⵉⵍⵉⵜ-ⴰ ⵜⴼⵓⴽ ⵙ ⵜⴳⴰⴷⴷⴰ, ⴰⵢⴰ ⵢⵓⵙⴰ-ⴷ ⵉ ⵍⴼⴰⵢⴷⴰ ⵏ ⵜⴻⴵⵏⴰⵏⵜ ⴰⵢ ⵢⵓⵍⵉⵏ ⵖⴻⵔ ⵡⴻⵎⴽⴰⵏ ⵡⵉⵙ ⵙⵉⵏ ⴷⴻⴳ ⵓⵙⴻⵜⵜⴻⴼ, ⵖⴻⵔ ⵢⵉⴷⵉⵙ ⵏ ⵛⵔ ⴱⴻⵍⵧⵓⵉⵣⴷⴰⴷ. ⵎⴰ ⴷ ⵜⴰⵏⴻⴳⴳⴰⵔⵓⵜ-ⴰ, ⵜⴻⵅⵚⴻⵔ ⵎⴳⴰⵍ ⵇⵙⴻⵏⵟⵉⵏⴰ ⵙ ⵢⴻⵙⵡⴰⵏ ⴰⵢ ⴰⵙ-ⵙⵙⴰⴷⴼⴻⵏ ⴱⴻⵏⵛⵀⵔⵉⴼⴰ (ⴷⴻⴳ ⵜⴻⴷⵇⵉⵇⵜ ⵜⵉⵙ 16) ⴷ ⴱⴻⵣⵣⴰⵣ (ⴷⴻⴳ ⵜⴻⴷⵇⵉⵇⵜ ⵜⵉⵙ 39).

ⵏⴰ ⵃⵓⵙⵉⵏ ⴷⴰⵢ, ⴰⵢ ⵢⵓⵔⴰⵔⴻⵏ ⵙ 10 ⴽⴰⵏ ⵏ ⵢⵉⵎⴰⵔⵉⵔⴻⵏ ⴷⴻⴼⴼⵉⵔ ⵎⴰ ⵢⴻⵜⵜⵡⴰⵥⵥⴻⵄ ⴷⵔⵉⴼⴻⵍ, ⵜⴻⵙⵙⴰⵡⴻⴹ ⴰⴷ ⵜⴻⵔⵏⵓ ⵓⵙⵎ ⵍⴻⴱⵍⵉⴷⴰ ⵙ 2 ⵖⴻⵔ 0 ⵙ ⵢⴻⵙⵡⴰⵏ ⴰⵢ ⵙⵙⴰⴷⴼⴻⵏ ⵛⵀⵧⵓⴱⴰⵏⵉ (ⵜⴰⴷⵇⵉⵇⵜ ⵜⵉⵙ 8) ⴷ ⴳⴰⵙⵎⵉ (ⵜⵉⵙ 45+3).

ⴰⵙⵙ ⵏ ⵍⵊⴻⵎⵄⴰ, ⵜⵉⵎⵍⵉⵍⵉⵜ ⵏ ⵎⵛ ⵍⴻⵣⵣⴰⵢⴻⵔ ⵎⴳⴰⵍ ⵓⵙⵎ ⵍⵃⴻⵕⵕⴰⵛ ⵜⴻⵍⵍⴰ-ⴷ ⴷⴻⴳ ⵜⴻⴳⵏⵉⵜ ⵢⴻⵖⵙⵉⵏ ⵉⵎⵉ ⵓⵔ ⵢⴻⵃⴷⵉⵕ ⴰⵔⴰ ⴷⴻⴳ-ⵙ ⵡⴻⴳⴷⵓⴷ (ⴷ ⵜⵉⵎⵍⵉⵍⵉⵜ ⵙ ⵜⴻⵡⵡⵓⵔⴰ ⵉⵎⴻⴷⵍⴻⵏ), ⵢⴻⵔⵏⵓ ⵜⴼⵓⴽ ⵙ ⵓⵣⵉⵕⵓ ⵖⴻⵔ ⵓⵣⵉⵕⵓ ⵓⵔ ⴷ-ⵢⴻⵡⵡⵉⵏ ⴰⵛⴻⵎⵎⴰ ⵏ ⵍⴼⴰⵢⴷⴰ ⵉ ⵙⵏⴰⵜ-ⴰ ⵏ ⵜⴻⵖⵍⴰⵎⵉⵏ.