ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵎⴰⵙⵙ ⵣⵉⵜⵧⵓⵏⵉ ⴰⴷⴷⵓⴷ ⵓⵔ ⵢⴻⵜⵜⴱⴻⴷⴷⵉⵍⴻⵏ ⵏ ⵍⴻⵣⵣⴰⵢⴻⵔ ⵖⴻⴼ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ

ⴷⴰⴽⵀⵍⴰ (ⵉⴳⵔⵓⵔⴻⵏ ⵏ ⵢⴻⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ), 27 ⴼⵓⵕⴰⵕ 2016 – ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵏ ⵢⴻⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ, ⴰⵙⵙ ⵏ ⵙⵙⴻⴱⵜ ⴷⴻⴳ ⴷⴰⴽⵀⵍⴰ (ⵉⴳⵔⵓⵔⴻⵏ ⵏ ⵢⴻⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ) ⵖⴻⴼ ⵡⴰⴷⴷⵓⴷ ⵓⵔ ⵢⴻⵜⵜⴱⴻⴷⴷⵉⵍⴻⵏ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ ⵜⴰⵚⴻⵃⵔⴰⵡⵉⵜ, ⵉ ⵍⵎⴻⵏⴷ ⵏ ⵡⴻⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 40 ⵏ ⵓⵙⵙⴻⵖⵔⴻⵜ (ⵉⵄⵍⴰⵏ) ⵏ ⵓⵙⵙⴻⴱⴷⴻⴷ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⵎⴻⴳⴷⴰⵢⵜ.

ⴷⴻⴳ ⵜⵎⴻⵖⵔⴰ ⴰⵢ ⴷ-ⵢⴻⵍⵍⴰⵏ ⵉ ⵡⴻⵙⴼⵓⴳⴻⵍ-ⴰ, ⵡⵉⴷ ⴰⵢⴷⴻⴳ ⵜⵜⴻⴽⴽⴰⵏⵜ ⵜⵎⴰⴳⵉⵍⵉⵡⵉⵏ (ⵡⵓⴼⵉⴷ) ⵏ 22 ⵏ ⵜⵎⵓⵔⴰ ⵜⵉⴱⴻⵕⵕⴰⵏⵉⵢⵉⵏ, ⵢⴻⵏⵏⴰ-ⴷ ⵎⴰⵙⵙ ⵣⵉⵜⵧⵓⵏⵉ ⵉ ⵜⵖⴻⵎⵙⴰ ⴷⴰⴽⴽⴻⵏ ⵢⴻⵡⵡⵉ-ⴷ ⵢⵉⴷ-ⵙ ⵜⴰⴱⵕⴰⵜ ⵙⵖⵓⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵍⵍⴰⵏ ⴷ ⴳⵎⴰ-ⵙ ⵢⴻⵔⵏⵓ ⴷ ⴰⵎⴻⴷⴷⴰⴽⴻⵍ ⵏ ⵓⵙⴻⵍⵡⴰⵢ ⴰⵚⴻⵃⵔⴰⵡⵉ ⵎⵧⵀⴰⵎⴻⴷ ⴰⴱⴷⴻⵍⴰⵣⵉⵣ.

« ⵍⴻⵣⵣⴰⵢⴻⵔ ⵜⴻⵙⵄⴰ ⴰⴷⴷⵓⴷⴻⵏ ⵢⴻⵣⴳⴰⵏ ⵢⴻⵔⵏⵓ ⴷ ⵓⵖⵜⵉⵙⴻⵏ (ⵚⴰⵔⵉⵎⴰ) ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵣⵔⴻⴼ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ, ⴷ ⴰⵎⴻⵏⵣⴰⵢ (ⵎⴰⴱⴷⴰ’) ⵏ ⵍⵍⵙⴰⵙ ⴰⵢ ⵜⴻⵙⵙⴻⵇⴷⴻⵛ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵜⴳⴻⵔ ⵜⵉⵖⵔⵉ ⵉ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴼⵔⵓⵏ ⵜⴰⵎⵙⴰⵍⵜ-ⴰ ⵙ ⵓⵇⴰⴷⴻⵔ ⵏ ⵢⴻⵔⴽⴰⵡⴰⵍⴻⵏ ⴷ ⵢⴻⵖⵜⴰⵙⴻⵏ-ⵏⵏⴻⵙ, ⵖⴻⵔ ⵢⵉⴷⵉⵙ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ.

ⵏⵏⵉⴳ ⵡⴰⵢⴰ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ « ⴰⵡⴰⵏⴰⴽ-ⴰ (ⴷⴰⵡⵍⴰ) ⴰⵄⵕⴰⴱ ⵢⴻⵙⵄⴰ ⵉⵎⴻⴷⴷⵓⴽⴰⵍ ⴷⴻⴳ ⵡⴰⴽⴽ ⵉⵎⴻⵏⵥⴰⵡⴻⵏ (ⵇⴰⵔⵔⴰⵜ) », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⴷ ⴰⴽⵓⴷ ⴰⴷ ⴳⴻⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵛⵛⵖⴻⵍ-ⵏⵙⴻⵏ ».

ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⵣⵉⵜⵧⵓⵏⵉ ⴷⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵜⵜⵡⴻⴽⴽⵉⴷ-ⴷ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵓⵎⴰⵣⵓⵏ ⵓⵣⵣⵉⴳ (ⵅⴰⵚⵚ) ⵏ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵏⴻⵥⵔⵓⴼ ⵓⵜⵔⵉⵎ, ⵛⵀⵔⵉⵙⵜⵧⵒⵀⴻⵔ ⵔⵧⵙⵙ, ⴷ ⵡⴻⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵓⵎⴰⵔⵓ ⴰⵎⴰⵜⵓ, ⴱⴰⵏ ⴽⵉ-ⵎⵧⵧⵏ, ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵖⴻⵔ ⵜⵉⴼⵔⴰⵜ ⵜⵓⵖⴷⵉⵎⵜ (ⵄⴰⴷⵉⵍⴰ) ⴰⴷ ⵢⴻⵙⵜⴻⵄⵕⴼⴻⵏ ⵙ ⵡⴻⵣⵔⴻⴼ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ.

« ⵓⵍⴰⵛ ⴽⵔⴰ ⵏ ⵜⵉⴼⵔⴰⵜ ⵏⵉⴹⴻⵏ ⵉ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⵎⴻⵏⵖⵉⵔ ⵉⵖⵜⴰⵙⴻⵏ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵡⵓⴽⵓⴷ ⴱⴻⴷⴷⴻⵏ ⴰⴽⴽ ⵢⵉⵖⴻⵔⴼⴰⵏ ⴰⵢ ⵉⵃⴻⵎⵎⵍⴻⵏ ⵜⴰⵍⵡⵉⵜ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵓⵏⴻⵖⵍⴰⴼ.