ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵢⴻⵜⵜⴻⴽⴽⵉ ⵎⴰⵙⵙ ⵍⴰⵎⴰⵎⵔⴰ ⴷⴻⴳ ⵓⵙⴻⵇⵇⴰⵎⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴰⴷ ⵢⴻⵜⵜⴻⴽⴽⵉ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴷⴻⴳ ⵜⴻⴷⵡⵉⵍⵜ ⵜⵉⵙ 31 ⵏ ⵓⵙⴻⵇⵇⴰⵎⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ, ⴰⴷ ⵢⴻⴱⴷⵓⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⴳⴻⵏⴻⵠⴻ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⴰⵙⵙ ⵏ ⵍⵃⴻⴷⴷ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ).

ⵉ ⵍⵎⴻⵏⴷ ⵏ ⵡⴰⵢⴰ, ⴰⴷ ⴷ-ⵉⵖⴻⵔ ⵍⴰⵎⴰⵎⵔⴰ ⵜⵉⵏⴰⵡⵜ (ⴽⴰⵍⵉⵎⴰ), ⴰⵎ ⵡⴰⴽⴽⴻⵏ ⴰⴷ ⵢⴻⵎⵍⵉⵍ ⴷ ⴽⵔⴰ ⵙⴻⴳ ⵢⴻⵎⵜⵉⵍⴻⵏ-ⵏⵏⴻⵙ ⴷ ⴽⵔⴰ ⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵓⵏⵏⵉⴳⴻⵏ ⵏ ⵜⵏⴻⴳⴳⵉⵡⵉⵏ ⵢⴻⵎⵎⵓⵣⵣⴳⴻⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⵢⴻⵙⵄⴰⵏ ⴰⵎⵎⴰⵙ-ⵏⵙⴻⵏⵜ ⴷⴻⴳ ⴳⴻⵏⴻⵠⴻ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⵏⵏⵉ.

ⵍⴻⵣⵣⴰⵢⴻⵔ, ⵢⴻⵍⵍⴰⵏ ⴷ ⵜⴰⵎⴰⵙⵍⴰⴹⵜ (ⵄⵓⴹⵡ) ⴷⴻⴳ ⵓⵙⴻⵇⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵉ ⵜⴰⵍⵍⵉⵜ ⵏ 2014-2016, ⴰⴷ ⵜⵉⵍⵎⵉ ⴷ ⵢⵉⵡⴻⵜ ⵙⴻⴳ ⵜⵎⵓⵔⴰ ⵜⵉⵎⴻⵣⵡⵓⵔⴰ ⴰⵢⵖⴻⴼ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵣⴻⵔⴼⴰⵏ ⵏ ⵡⴻⵎⴷⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ.

« ⵙ ⵕⵕⵓⵃ-ⵏⵏⵉ ⵏ ⵡⴻⵎⵄⴰⵡⴻⵏ ⴰⵢ ⴷ-ⵢⴻⵍⵍⴰⵏ ⴷⵉⵎⴰ ⴷ ⵓⵙⴻⵇⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵡⴻⵏⴷⴰⵏ, ⵢⴻⵜⵜⵓⵏⴻⴼⴽ ⵓⵏⴻⵄⵕⵓⴹ, ⴷⴻⴳ ⵎⴻⵖⵔⴻⵙ ⵏ 2010, ⵉ 7 ⵙⴻⴳ ⵡⵉⴷ ⵢⴻⵙⵄⴰⵏ ⵍⴻⵡⵚⴰⵢⴰⵜ ⵜⵉⵙⵏⴻⵜⵍⴰⵏⵉ ⴰⴽⴽⴻⵏ ⴰⴷ ⴷ-ⴳⴻⵏ ⵜⵉⵔⵣⵉ ⵏ ⵓⵅⴻⴷⴷⵉⵎ ⵖⴻⴼ ⵍⴻⵣⵣⴰⵢⴻⵔ, ⴷⴻⴳ ⵓⴽⴰⵜⴰⵔ ⵏ ⵜⵙⴻⴽⴽⵉⵔⵉⵏ (ⵉⴵⵔⴰ’ⴰⵜ) ⵜⵓⵣⵣⵉⴳⵉⵏ ⵏ ⵓⵙⴻⵇⵇⴰⵎⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵡⴻⵍⵖⵓ-ⴰ.

ⵏⵏⵉⴳ ⵡⴰⵢⴰ, 4 ⵏ ⵢⵉⵎⴻⵙⵕⴰⴱⵓⵍⴻⵏ ⵓⵣⵣⵉⴳⴻⵏ ⴰⵢ ⴷ-ⵢⴻⵔⵣⴰⵏ ⵢⴰⴳⵉ ⵖⴻⴼ ⵍⴻⵣⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵡⴻⵖⵍⵉⴼ ⴷⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴻⵔⵣⵉ ⵏ ⵓⵎⴻⵙⵕⴰⴱⵓⵍ ⵓⵣⵣⵉⴳ ⵖⴻⴼ ⵡⴻⵣⵔⴻⴼ ⵏ ⵜⴷⴰⵡⵙⴰ (ⵚⵉⵃⵃⴰ) ⵙⴻⴳ 28 ⵢⴻⴱⵔⵉⵔ ⴷ ⴰⵙⴰⵡⴻⵏ, ⴷ ⵙⵉⵏ ⵏⵉⴹⴻⵏ ⴷ-ⵢⴻⵍⵀⴰⵏ ⵙ ⵜⵓⵞⵞⵉⵜ ⴷ ⵡⴻⵣⵔⴻⴼ ⵏ ⵡⴰⵡⵡⴰⴹ ⵖⴻⵔ ⵡⴰⵎⴰⵏ ⵏ ⵜⵉⵙⵙⵉⵜ ⴷⴻⴳ ⵓⵙⴻⴳⴳⴰⵙ-ⴰ ⵏ 2016.