ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵔⵎⴻⵙ ⵎⴰⵙⵙ ⵙⴻⵍⵍⴰⵍ ⴰⵏⴻⵖⵍⴰⴼ ⴰⵒⵓⵔⵜⵓⴳⴰⵍⵉ ⵏ ⵜⵖⴰⵡⵙⵉⵡⵉⵏ ⵏ ⴱⴻⵔⵔⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵔⵎⴻⵙ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ, ⴰⵏⴻⵖⵍⴰⴼ ⴰⵒⵓⵔⵜⵓⴳⴰⵍⵉ ⵏ ⵜⵖⴰⵡⵙⵉⵡⵉⵏ ⵏ ⴱⴻⵔⵔⴰ, ⴰⵓⴳⵓⵙⵜⵧ ⵙⴰⵏⵜⵧⵙ ⵙⵉⵍⵠⴰ, ⵉ ⴷ-ⵢⴻⵔⵣⴰⵏ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵍⴻⵣⵣⴰⵢⴻⵔ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵢⵉⵎⴻⵥⵍⴰ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.

ⴷⴻⴳ ⵜⴻⵎⵍⵉⵍⵉⵜ-ⴰ, ⵢⴻⵍⵍⴰ-ⴷ ’’ⵓⵙⴻⴽⵜⴰⵣⴰⵍ ⵏ ⵍⵉⵃⴰⵍⴰ ⵏ ⵓⵎⵀⴰⵣ ⵏ ⵡⴰⵙⵙⴰⵖⴻⵏ ⵓⵛⵔⵉⴽⴻⵏ ⴷⴻⴳ ⵜⵉⵖⵓⵍⴰ ⵢⴻⵎⴳⴰⵔⴰⴷⴻⵏ, ⴰⵎⴻⴷⵢⴰ ⵏ ⵜⴰⵎⴰ ⵜⴰⵙⴻⵔⵜⴰⵏⵜ ⴰⴽⴽⴻⴷ ⵜⴷⴰⵎⵙⴰⵏⵜ, ⴰⵢⴰ ⵢⴰⴽⴽ, ⴷ ⴰⴽⴻⵎⵎⴻⵍ ⵏ ⵜⴻⵎⵍⵉⵍⵉⵜ ⵏ ⵓⵙⵡⵉⵔ ⵓⵏⵏⵉⴳ ⵜⵉⵙ 4 ⴳⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⵒⵓⵔⵜⵓⴳⴰⵍ, ⵉ ⴷ-ⵢⴻⴹⵔⴰⵏ ⴰⵙⵙ ⵏ 10 ⵎⴻⵖⵔⴻⵙ 2015 ⴷⴻⴳ ⵜⵎⴰⵏⴻⵖⵜ’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.

ⵉⵎⴰⵙⴰⵢⴻⵏ-ⵏⵏⵉ, ⴷⴻⴳ ⵙⵉⵏ ⵢⵉⴷ-ⵙⴻⵏ ‘’ⴼⴻⵔⵃⴻⵏ ⵙ ⵓⵙⵡⵉⵔ ⵉ ⵖⴻⵔ ⵡⵡⴹⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴰⵖⴻⵏ ⵢⴻⵍⵍⴰⵏ ⴳⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⵒⵓⵔⵜⵓⴳⴰⵍ, ⵓⵍⵙⴻⵏ-ⴷ ⵉ ⵍⴻⴱⵖⵉ-ⵏⵙⴻⵏ ⵓⵛⵔⵉⴽ ⴰⴽⴽⴻⵏ ⴰⴷ ⵔⵏⵓⵏ ⴰⴷ ⵏⴰⴷⵉⵏ ⴰⴽⴽ ⵉⴱⴻⵔⴷⴰⵏ ⵉⵣⴻⵎⵔⴻⵏ ⴰⴷ ⵜⴻⵏ-ⵙⴵⴻⵀⴷⴻⵏ ⵓⴳⴰⵔ ⴷⴻⴳ ⵍⴼⴰⵢⴷⴰⵏ ⵙⵏⴰⵜ ⵜⵎⵓⵔⴰ.

ⵜⵉⵎⵍⵉⵍⵉⵜ, ⵉ ⴷ-ⵢⴻⴹⵔⴰⵏ ⵙ ⵜⵉⵍⵉⵏ ⵏ ⵓⵏⴻⵖⵍⴰⴼ ⵏ ⵓⵡⴰⵏⴻⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵔⵔⴰ ⴰⴽⴽⴻⴷ ⵓⵎⴻⴷⵀⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵙⴻⴳ ⵜⴰⵎⴰ ⵏⵏⵉⴹⴻⵏ, ⴰⵢⴰ ⴷⴰⵖⴻⵏ, ⴷ ’’ⵜⴰⴳⵏⵉⵜ ⵏ ⵓⴼⴰⵔⴻⵚ ⵏ ⵢⵉⵡⴻⵏ ⵏ ⵓⵎⴱⵉⴷⴷⴻⵍ ⵏ ⵜⵎⵓⵖⵍⵉⵡⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵜⵜⵔⵉⵡⵉⵏ ⵜⵉⵎⵏⴰⴹⴰⵏⵉⵏ ⴰⴽⴽⴻⴷ ⵜⴻⴳⵔⴰⵖⵍⴰⵏⵉⵏ ⵏ ⵍⴼⴰⵢⴷⴰ ⵜⵓⵛⵔⵉⴽⵜ’’, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵍⵖⵓ-ⵏⵏⵉ.