Asebter amenzawi

Yermes Mass Sellal aneɣlaf apurtugali n Tɣawsiwin n berra

LEZZAYER TAMANEɣT – Aneɣlaf Amezwaru, Abdelmalek Sellal, yermes ass n lḥedd deg Lezzayer, aneɣlaf apurtugali n Tɣawsiwin n berra, Augusto Santos Silva, i d-yerzan tirzi n umahil ɣer Lezzayer, i d-yenna yiwen n ulɣu n yimeẓla n uneɣlaf Amezwaru.

Deg temlilit-a, yella-d ’’usektazal n liḥala n umhaz n wassaɣen ucriken deg tiɣula yemgaraden, amedya n tama tasertant akked tdamsant, aya yakk, d akemmel n temlilit n uswir unnig tis 4 gar Lezzayer akked Purtugal, i d-yeḍran ass n 10 meɣres 2015 deg tmaneɣt’’, i d-tesseddi teɣbalut-nni.

Imasayen-nni, deg sin yid-sen ‘’ferḥen s uswir i ɣer wwḍen deg wayen yerzan assaɣen yellan gar Lezzayer akked Purtugal, ulsen-d i lebɣi-nsen ucrik akken ad rnun ad nadin akk iberdan izemren ad ten-sǧehden ugar deg lfaydan snat tmura.

Timlilit, i d-yeḍran s tilin n uneɣlaf n Uwanek, aneɣlaf n Tɣawsiwin n berra akked Umedhel agraɣlan, Ramtane Lamamra, seg tama nniḍen, aya daɣen, d ’’tagnit n ufareṣ n yiwen n umbiddel n tmuɣliwin deg wayen yerzan tuttriwin timnaḍanin akked tegraɣlanin n lfayda tucrikt’’, i yerna yenna-d ulɣu-nni.