ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵙⴻⵀⵡⴰ ⵏ ⵡⴻⴱⵔⵉⴷ: ⴱⴻⴷⴷⵓ ⵏ ⴷⴷⵉⵄⴰⵢⴰ ⵏ ⵓⵙⴻⴼⵀⴻⵎ ⴰⵖⴻⵍⵏⴰⵡ ⵙⴻⴳ ⵄⵉⵏ ⴷⴻⴼⵍⴰ (ⴰⵏⴻⵖⵍⴰⴼ)
ⵄⵉⵏ ⴷⴻⴼⵍⴰ- ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ, ⵢⴻⴱⴷⴰ ⴰⵙⵙ ⵏ ⵍⵃⴻⴷⴷ ⵙⴻⴳ ⵄïⵏ ⴷⴻⴼⵍⴰ ⴷⴷⵉⵄⴰⵢⴰ ⵜⴰⵖⴻⵍⵏⴰⵡⵜ ⵖⴻⴼ ⵉⵙⴻⵀⵡⴰ ⵏ ⵡⴻⴱⵔⵉⴷ.
ⵜⴰⵎⴰⵖⵕⴰ ⵜⴻⵍⵍⴰ-ⴷ ⴷⴻⴳ ⵡⴻⵅⵅⴰⵎ ⵏ ⵢⴻⴷⵍⴻⵙ ⴻⵎⵉⵔ ⴰⴱⴷⴻⵍⴽⴰⴷⴻⵔ ⵏ ⵜⴻⵎⴷⵉⵏⵜ ⴰⵏⴷⴰ ⴷ-ⵜⴻⵍⵍⴰ ⵜⴻⵎⵙⵉⴽⴻⵏⵜ ⴷⴻⴳ ⵜⵜⴻⴽⴽⴰⵏ ⴰⵟⴰⵚ ⵏ ⵢⵉⴷⵉⵙⴰⵏ ⴰⵎ ⵓⵏⴻⵖⵍⴰⴼ ⵏ ⵓⵎⴻⵙⵏⵉ, ⵏ ⵜⴻⵎⵙⵓⵍⵜⴰ ⵜⴰⵖⴻⵍⵏⴰⵡⵜ, ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⴰⴽⴽ ⴷ ⵍⴻⵎⵃⴰⴷⵔⴰ ⵏ ⵍⴰⵎⴰⵏ.
ⵍⴰⵡⴰⵏ ⵎⵉ ⴷ-ⵢⴻⵀⴹⴻⵕ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ ⵢⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⴱⴻⴷⴷⵓ ⵏ ⴷⴷⵉⵄⴰⵢⴰ-ⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵙⵓⵔⵔⵉⴼ ⵉⵅⴻⴷⴷⵎⴻⵏ ⵉⵎⴹⴻⴱⴱⵕⴻⵏ ⵖⴻⴼ ⵜⵡⴰⵖⵉⵢⵉⵏ ⵉⴹⴻⵕⵕⵓⵏ ⴷⵉ ⵜⵎⵓⵔⵜ.
ⵖⴻⴼ ⵡⴰⵢⴻⵏ ⵜⵅⴻⴷⴷⴻⵎ ⵕⵕⴰⴷⵢⵓ ⵉ ⴱⴻⴷⴷⵓ ⵏ ⴷⴷⵉⵄⴰⵢⴰ-ⵢⴰⴳⵉ, ⵢⴻⵏⵏⴰ ⴱⴻⵍⵍⵉ ⵕⵕⴰⴷⵢⵓ-ⵢⴰⴳⵉ ⵏ ⵜⴰⵎⴰ ⵢⵓⴼⵔⴰⵔ-ⴷ "ⵙ ⵡⴰⵣⴰⵍ ⴰⵎⵓⵇⵇⵕⴰⵏ" ⵖⴻⵔ ⵢⴻⵎⴷⴰⵏⴻⵏ ⴰⴽⴽⴻⵏ ⴰⴷ ⴰⵙ-ⵙⵍⴻⵏ ⴷⵉ ⵢⴰⵍ ⵜⴰⴳⵏⵉⵜⵜ.
"ⴷ ⴰⵍⵍⴰⵍ ⵉⵅⵓⵍⴼⴻⵏ ⵉⵖⵎⵉⵙⴻⵏ ⵏⴻⵖ ⵜⵉⵍⵉⴱⵉⵣⵢⵓ, ⴷ ⴰⵢⴻⵏ ⵉⴱⴰⵏⴻⵏ ⴱⴻⵍⵍⵉ ⵏⴻⵣⵎⴻⵔ ⴰⴷ ⴰⵙ-ⵏⵙⴻⵍ ⵍⴰⵡⴰⵏ ⵏ ⵓⵙⴻⵏⵀⴻⵕ ⵏ ⵜⴽⴻⵕⵢⴰⵙ-ⵏⵙⴻⵏ", ⵉⴽⴻⵎⵎⴻⵍ ⵢⴻⵏⵏⴰ.
ⴷⵉ ⵜⵓⴳⴻⵜⵜ, 55 ⵕⵕⴰⴷⵢⵓⵡⴰⵜ ⵉⵅⴻⴷⴷⵎⴻⵏ ⴷⵉ ⵢⴰⵍ ⵜⴰⵎⴰ ⵏ ⵜⵎⵓⵔⵜ ⵜⴻⵔⵣⴰ-ⵜⴻⵏ ⵜⴻⵎⵙⴰⵍⵜ-ⴰⴳⵉ ⵏ ⴷⴷⵉⵄⴰⵢⴰ ⵏ ⵓⵙⴻⴼⵀⴻⵎ".
