ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵖⵔⵉ ⵉ ⵓⵙⵙⴻⵡⵙⴻⵄ ⵏ ⵡⴰⵀⵉⵍ ⵏ ⵢⴻⴳⵏⴰⵏ ⵓⵏⵏⵉⴳⴻⵏ ⴰⴽⴽⴻⵏ ⴰⴷ ⴷ-ⵉⵃⴰⵣ ⴰⴽⴽ ⵜⵉⵖⵉⵡⴰⵏⵉⵏ ⵏ ⵍⴱⵓⵕⵊ ⴱⵓⵄⵕⵉⵕⵉⴵ

ⵍⴱⵓⵕⵊ ⴱⵓⵄⵕⵉⵕⵉⴵ, 28 ⴼⵓⵕⴰⵕ 2016 – ⴳⵔⴻⵏ-ⴷ ⵜⵉⵖⵔⵉ, ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⵖⴻⴼ ⵓⵙⵙⴻⴼⵜⵉ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴱⵓⵕⵊ ⴱⵓⵄⵕⵉⵕⵉⴵ, ⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⴻⵡⵙⴻⵄ « ⵡⴰⵀⵉⵍ ⵓⵣⵣⵉⴳ (ⵅⴰⵚⵚ) ⵏ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵢⴻⴳⵏⴰⵏ ⵓⵏⵏⵉⴳⴻⵏ ⴰⴽⴽⴻⵏ ⴰⴷ ⴷ-ⵉⵃⴰⵣ ⴰⴽⴽ ⵜⵉⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ ⵉ ⵍⵎⴻⵏⴷ ⵏ ⵓⵙⵙⴻⴵⵀⴻⴷ ⵏ ⵓⵙⵙⴻⴼⵜⵉ ».

ⴰⵀⵉⵍ-ⴰ ⵢⴻⵜⵜⴰⴽⴼ ⵉⴱⵖⵓⵔⴻⵏ ⴷ ⵉⵎⴻⵇⵔⴰⵏⴻⵏ ⵉ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⴰⵢ ⵢⴻⴱⵖⴰⵏ ⴰⴷ ⵙⵙⴻⴼⵜⵉⵏⵜ ⴷⴻⴳ ⵢⴻⴳⵏⴰⵏ ⵉⵄⵍⴰⵢⴰⵏⴻⵏ, ⴷ ⴰⵛⵓ ⴽⴰⵏ, ⵢⴻⵙⵙⵓⵎⴻⵔ-ⴷ ⵀⵧⵛⵉⵏⴻ ⴱⴻⵏⵀⴰⵎⴰⴷⵉ ⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⴻⵡⵙⴻⵄ ⵡⴰⵀⵉⵍ-ⴰ ⴰⴽⴽⴻⵏ ⴰⴷ ⴷ-ⵉⵃⴰⵣ ⵜⵉⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ ⴷⴻⴳ 26 ⵢⵉⴷ-ⵙⴻⵏⵜ.

ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⴱⴻⵏⵀⴰⵎⴰⴷⵉ, ⵢⴻⵍⵍⴰⵏ ⴷ ⴰⵙⴻⵍⵡⴰⵢ ⵏ ⵜⵎⴰⴳⵍⴰ ⵏ ⵡⴻⵏⵎⴰⴳⴻⵔ (ⵎⵓⵏⵜⴰⴷⴰ) ⵏ ⵢⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ, ⴷⴰⴽⴽⴻⵏ ⴰⵢⴰ ⴰⴷ ⵢⴻⵔⵏⵓ ⴰⴷ ⵢⴻⵙⵙⴻⴵⵀⴻⴷ ⴰⵙⵙⴻⴼⵜⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ « ⵡⴻⵊⴱⴰⴷ ⵏ ⵡⵓⴳⴰⵔ ⵏ ⵢⴻⵎⵙⴻⴼⵜⵉⵢⴻⵏ » ⴷ ⵓⵀⴻⵢⵢⵉ ⵏ ⵜⴻⵎⵏⴰⴹⵉⵏ ⵜⵉⵎⴳⵓⵔⴰⵏⵉⵏ (ⵚⵉⵏⴰⵄⵉⵢⵢⴰ) ⵜⵉⵎⴰⵢⵏⵓⵜⵉⵏ ⴰⴷ ⵢⴻⵔⵙⴻⵏ ⵖⴻⴼ ⵡⴻⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ ⴰⵢ ⵉⵄⴻⴷⴷⴰⵏ ⵖⴻⴼ ⵜⵡⵉⵍⴰⵢⵜ ⵏ ⵍⴱⵓⵕⵊ ⴱⵓⵄⵕⵉⵕⵉⵊ ⵙ ⵡⴻⵃⵔⵉⵛ ⵏ 29 ⵏ ⵢⵉⴽⵉⵍⵓⵎⵉⵜⵔⴻⵏ.

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴱⴻⵏⵀⴰⵎⴰⴷⵉ ⴷⴰⴽⴽⴻⵏ ⴰⵡⴻⵀⵀⵉ ⵏ ⵜⴻⵎⵏⴰⴹⵉⵏ ⵜⵉⵎⴳⵓⵔⴰⵏⵉⵏ ⵖⴻⵔ ⵢⵉⵡⴻⵏ ⴽⴰⵏ ⵏ ⵚⵚⴻⵏⴼ ⵏ ⵡⴻⵔⵎⵓⴷ (ⵏⴰⵛⴰⵟ) « ⵓⵔ ⴷ-ⵢⴻⵍⵍⵉ ⴰⵔⴰ ⵉ ⵍⴼⴰⵢⴷⴰ ⵏ ⵓⵙⵙⴻⴼⵜⵉ ».

ⵖⴻⴼ ⵍⴻⵃⵙⴰⴱ ⵏ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⵏ ⵜⵡⵉⵍⴰⵢⵜ, ⴰⴱⴷⴻⵍⴼⴰⵜⴻⵀ ⴷⵊⵧⵓⴷⵉ, ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⵉ ⵍⵎⴻⵏⴷ ⵏ « ⵡⴻⵙⵎⴰⵍ ⵏ ⵜⵓⴳⴷⵓⵜ ⵏ ⵓⵜⵜⴻⴽⴽⵉ » ⴷ ⵡⴻⴷⵀⴰⵍ (ⴷⴰⵄⵎ) ⵏ ⵓⵙⵙⴻⴼⵜⵉ ⴷⴻⴳ ⵜⵡⵉⵍⴰⵢⵜ ⵏ ⵍⴱⵓⵕⵊ ⴱⵓⵄⵕⵉⵕⵉⴵ.