ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ ⵙⵙⵓⵜⵔⴻⵏ-ⴷ ⴰⵙⵙⴻⴼⵄⴻⵍ ⵏ ⵡⴰⵢⴻⵏ ⴰⵢ ⴰⵙⴻⵏ-ⵢⴻⵜⵜⵡⴰⵕⴻⴳⴳⵎⴻⵏ

ⵜⵉⵀⴻⵔⵜ– ⵎⵙⴻⴳⵔⴰⵡⴻⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ ⴰⵢ ⴷ-ⵢⵓⵙⴰⵏ ⵙⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ, ⴰⵙⵙ ⵏ ⵍⵃⴻⴷⴷ, ⵙⴷⴰⵜ ⵡⴻⵅⵅⴰⵎ ⵏ ⵜⵡⵉⵍⴰⵢⵜ ⵏ ⵜⵉⵀⴻⵔⵜ ⴰⴽⴽⴻⵏ ⴰⴷ ⵙⵙⵓⵜⵔⴻⵏ ⴰⵙⵙⴻⴼⵄⴻⵍ ⵏ « ⵡⴰⵢⴻⵏ ⴰⵢ ⴰⵙⴻⵏ-ⴷ-ⵕⴻⴳⴳⵎⴻⵏ » ⵢⵉⴷⵓⴱⴰ (ⵙⵓⵍⵓⵟⴰⵟ) ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵜⴻⴳⵏⵉⵜ-ⵏⵙⴻⵏ ⵏ ⵜⵎⴻⴷⴷⵓⵔⵜ ⴷ ⵓⵅⴻⴷⴷⵉⵎ.

ⵉⵎⴻⵙⴱⴰⵏⵉⵢⴻⵏ-ⴰ ⴳⴰⵏ ⵜⵉⴷⴷⵉⵜ ⵙⴻⴳ ⵡⴻⵎⵕⴰⵃ ⵏ « ⵎⵧⵀⴰⵎⴻⴷ ⴱⵧⵓⴷⵉⴰⴼ », ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ, ⴰⵔⵎⵉ ⴷ ⴰⵖⴰⵔⴰⵎ (ⵃⴰⵢⵢ) ⴰⴷⴻⴱⵍⴰⵏ, ⵢⴻⵔⵏⵓ ⵙⵙⵓⵜⵔⴻⵏ-ⴷ ⴰⵙⵙⴻⴼⵄⴻⵍ ⵏ ⵡⴰⵢⴻⵏ ⴰⵢⵢⴻⵙ ⴰⵢ ⵜⴻⵏ-ⵡⴻⵄⴷⴻⵏ ⵢⵉⴷⵓⴱⴰ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⵍⴻⵎⵛⴰⵡⵕⴰⵜ-ⵏⵏⵉ ⴰⵢ ⴷ-ⵢⴻⵍⵍⴰⵏ ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵉⵍⵉⵏ) ⵏ ⵜⵙⴻⵎⵢⵓⴷⴷⴻⵙⵜ ⵜⴰⵖⴻⵍⵏⴰⵡⵜ ⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵎⵢⵓⴷⴷⴰⵙ ⵀⴰⴽⵉⵎ ⵛⵀⴰⵉⴱ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « 2.000 ⵏ ⵢⵉⵄⴻⵙⵙⴰⵙⴻⵏ ⴷ-ⵢⵓⵙⴰⵏ ⵙⴻⴳ 39 ⵏ ⵜⵡⵉⵍⴰⵢⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵡⴻⵎⵙⴻⴳⵔⴰⵡ-ⴰ ».

ⵉⵄⴻⵙⵙⴰⵙⴻⵏ ⵏ ⵜⵡⵉⵍⴰⵢⵉⵏ ⵍⴰ ⴷ-ⵙⵙⵓⵜⵓⵔⴻⵏ « ⵜⵉⵎⴻⵔⵏⵉⵡⵜ ⴷⴻⴳ ⵓⴱⵓⵕⴻⵙⵢⵓⵏ ⵏ ⵜⴻⵙⵜⴰⵖⵜ (ⵜⴰⵇⴰⵄⵓⴷ), ⵍⴻⵅⵍⴰⵚ ⵏ ⵜⵙⴰⵄⵜⵉⵏ ⵏ ⵜⵎⴻⵔⵏⵉⵡⵜ ⵏ ⵓⵅⴻⴷⴷⵉⵎ, ⴰⵚⴻⴳⴳⴻⵎ ⵏ ⵜⴻⴳⵏⵉⵜ ⵏ 35.000 ⵏ ⵢⵉⵄⴻⵙⵙⴰⵙⴻⵏ ⴰⵢ ⵢⴻⵜⵜⵡⴰⵙⵜⴰⵅⵔⴻⵏ, ⴰⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵍⴻⵅⵍⴰⵚ-ⵏⵏⵉ ⴰⵢ ⵜⵜⴰⴽⴼⴻⵏ ⵉ 17.000 ⵏ ⵢⵉⵄⴻⵙⵙⴰⵙⴻⵏ ⵉⵄⴰⴱⴻⵏ ⵙⴻⴳ ⵓⵅⴻⴷⴷⵉⵎ, ⴰⴼⵔⴰⵇ ⵏ ⵜⵏⴻⵣⴷⵓⵖⵜ ⵜⴰⵏⵎⴻⵜⵜⵉⵜ (ⵉⴵⵜⵉⵎⴰⵄⵉⵢⵢⴰ), ⵜⵓⴽⵛⵉ ⵏ ⵢⴻⴷⵔⵉⵎⴻⵏ ⵉ ⵜⵡⴰⵛⵓⵍⵉⵏ ⵏ ⵡⵉⴷ ⵢⴻⵎⵎⵓⵜⴻⵏ ⴷⴻⴳ ⵍⵡⴰⴵⴻⴱ ⴰⵖⴻⵍⵏⴰⵡ ⴷ ⵓⴷⴰⵡⵉ ⵏ ⵡⵉⴷ ⴰⵢ ⵢⵓⴹⵏⴻⵏ ⴰⴹⴹⴰⵏⴻⵏ ⵢⴻⵣⴳⴰⵏ ».

ⴷⴻⴼⴼⵉⵔ ⵎⴰ ⵢⴻⵎⵎⵓⴳⴻⵔ-ⵉⵜⴻⵏ ⵓⵏⴻⵎⵀⴰⵍ ⵏ ⵜⴻⴷⴱⴻⵍⵜ ⵜⴰⴷⵉⴳⴰⵏⵜ (ⵎⴰⵃⴰⵍⵍⵉⵢⵢⴰ) ⴷ ⵓⵏⴻⵙⵎⵉⴳⴰⵍ (ⵎⵓⴼⴰⵡⵡⴰⴹ) ⵏ ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ, ⵎⵙⴻⴼⵔⴰⵇⴻⵏ ⵢⵉⵎⴻⵙⴱⴰⵏⵉⵢⴻⵏ ⵡⴰⵔ ⵛⵛⵡⴰⵍ.

ⴷⴻⴳ ⵡⴻⵎⵢⴰⴳⴻⵔ-ⵏⵙⴻⵏ, ⵢⴻⵍⵍⴰ-ⴷ ⵡⴻⵎⵙⴻⴼⵀⴰⵎ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵢⵉⵎⴻⵙⴱⴰⵏⵉⵢⴻⵏ-ⴰ ⵉⵖⴻⴱⵍⴰⵏ-ⵏⵙⴻⵏ ⵉ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ ⵢⵉⵎⴻⵥⵍⴰ ⵏ ⵜⵡⵉⵍⴰⵢⵜ.