ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵓⴷⵓ ⴰⴼⵔⵉⵇⵉ ⵏ ⵜⴻⵥⵡⴻⵔⵜ ⴷ ⵡⴰⵎⴰⵏ ⵏ ⵜⵍⴻⵎⵙⴰⵏ ⴷ ⴰⵖⴻⵔⴱⴰⵣ ⵉⵏⴻⴼⵄⴻⵏ

ⵜⵍⴻⵎⵙⴰⵏ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵡⴻⵍⵎⵓⴷ ⵉⵎⵉⵏⴻⴳ (ⵄⴰⵍⵉ), ⵜⴰⵀⴰⵔ ⵀⴰⴷⵊⴰⵔ, ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵍⴻⵎⵙⴰⵏ, ⴷⴰⴽⴽⴻⵏ ⴰⵙⵓⴷⵓ (ⵎⴰⵄⵀⴰⴷ) ⴰⴼⵔⵉⵇⵉ ⵏ ⵜⴻⵥⵡⴻⵔⵜ ⴷ ⵡⴰⵎⴰⵏ ⵏ ⵜⵍⴻⵎⵙⴰⵏ ⴷ ⴰⵖⴻⵔⴱⴰⵣ ⵉⵏⴻⴼⵄⴻⵏ ⵢⴻⵔⵏⵓ ⴷ ⵜⵜⴰⵡⵉⵍ ⵏ ⵓⵙⵙⴻⵎⵇⴰⵔⴰⴱ ⴳⴰⵔ ⵡⴰⵔⵔⴰⵡ ⵏ ⵜⴻⴼⵔⵉⵇⵜ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵜⵓⵜⵍⴰⵢⵉⵏ ⴷ ⵢⵉⴷⴻⵍⵙⴰⵏ.

ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴰⵢ ⵉⴳⴰ ⴷ ⵓⵏⴻⵖⵍⴰⴼ ⴰⵍⵎⴰⵏⵉ ⵏ ⵓⵎⵄⴰⵡⴻⵏ ⴷ ⵓⵙⵏⴻⴼⵍⵉ (ⵜⴰⵏⵎⵉⵢⴰ), ⴳⴻⵔⴷ ⵎüⵍⵍⴻⵔ, ⵙ ⵡⴻⵃⴷⴰⵕ ⵏ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵜⵙⴻⵇⵇⴰⵎⵓⵜ ⵜⴰⴼⵔⵉⵇⵉⵜ ⵏ ⵜⴻⵙⴷⴰⵡⵉⵢⵉⵏ ⴷ ⵢⵉⴽⴰⵜⴰⵔⴻⵏ ⵉⵙⴷⴰⵡⴰⵏⴻⵏ, ⵉⵡⴻⴽⴽⴻⴷ-ⴷ ⵎⴰⵙⵙ ⵀⴰⴷⵊⴰⵔ ⴷⴰⴽⴽⴻⵏ ⴰⵙⵓⴷⵓ-ⴰ ⵢⵓⴼⵔⴰⵔ-ⴷ ⵙ ⵡⴻⵙⵡⵉⵔ-ⵏⵏⴻⵙ ⵓⵙⵙⵏⴰⵏ ⵉⵎⵉⵏⴻⴳ, ⵢⴻⵔⵏⵓ ⵍⴰ ⵍⴻⵎⵎⴷⴻⵏ ⴷⴻⴳ-ⵙ, ⵉⵎⵉⵔ-ⴰ, 78 ⵏ ⵢⵉⵏⴻⵍⵎⴰⴷⴻⵏ, ⴳⴰⵔ-ⴰⵙⴻⵏ 4 ⵏ ⵢⵉⴷⵣⴰⵢⵔⵉⵢⴻⵏ. ⵢⴻⵔⵏⴰ-ⴷ ⵎⴰⵙⵙ ⵀⴰⴷⵊⴰⵔ ⴷⴰⴽⴽⴻⵏ ⴰⵙⵓⴷⵓ-ⴰ « ⵢⴻⵙⵙⵉⴼⵙⵉⵙ ⴰⵙⵙⴰⵖⴻⵏ (ⵄⴰⵍⴰⵇⴰⵜ) ⴳⴰⵔ ⵢⵉⵏⴻⵍⵎⴰⴷⴻⵏ ⴰⴽⴽⴻⵏ ⴰⴷ ⵢⴻⴱⵏⵓ ⴰⵣⴻⴽⴽⴰ ⵏ ⵍⴻⵀⵏⴰ » ⵉ ⵜⴻⴼⵔⵉⵇⵜ.

ⵢⴻⴱⴷⴻⵔ-ⴷ ⵎⴰⵙⵙ ⵀⴰⴷⵊⴰⵔ ⴷⴰⴽⴽⴻⵏ ⴰⵙⵓⴷⵓ-ⴰ ⵢⴻⵙⵄⴰ ⴰⵣⴰⵍ ⴰⵎⴰ ⵉ ⵍⴷⵣⴰⵢⴻⵔ, ⴰⵎⴰ ⵉ ⵓⵎⴰⴹⴰⵍ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴼⴻⵔⵏⴻⵏ ⴰⴷ ⵢⵉⵍⵉ ⴷⴻⴳ ⵜⵍⴻⵎⵙⴰⵏ ⵖⴻⴼ ⵍⴵⴰⵍ ⵏ ⵡⴻⵥⵡⴰⵔ ⵏ ⵡⵉⴷ ⴰⵢ ⵉⵅⴻⴷⴷⵎⴻⵏ ⴷⴻⴳ ⵜⴻⵙⴷⴰⵡⵉⵜ-ⵏⵏⴻⵙ ⴰⵢ ⵢⴻⵙⵄⴰⵏ, ⴷⴰⵖ, ⵉⵎⵓⴽⴰⵏ ⵉⵡⴰⵜⴰⵏ ⵉ ⵡⴰⵢⴰ.

ⵉⵅⴻⴱⴱⴻⵔ-ⴷ ⵎⴰⵙⵙ ⵀⴰⴷⵊⴰⵔ ⴷⴰⴽⴽⴻⵏ ⴰⵙⵓⴷⵓ-ⴰ ⵢⴻⵎⵎⵓⵣⵣⴻⴳ (ⵎⵓⵜⴰⵅⴰⵚⵚⵉⵚ) ⴷⴻⴳ ⵓⵙⵙⵉⵍⴻⵖ (ⵜⴰⴽⵡⵉⵏ) ⵏ ⵢⵉⵎⴰⵣⵣⴰⵢⴻⵏ ⵏ ⵡⴻⵙⵡⵉⵔ ⵏ ⵓⵎⴰⵙⵜⵉⵔ ⴷⴻⴳ ⵜⵎⴻⵣⵣⵓⴳⵉⵏ ⵢⴻⵎⴳⴻⵔⵔⴰⴷⴻⵏ ⵢⴻⵇⵇⵏⴻⵏ ⵖⴻⵔ ⵜⴻⵖⴱⵓⵍⴰ ⵏ ⵡⴰⵎⴰⵏ, ⵜⴰⵥⵡⴻⵔⵜ ⴷ ⵓⴱⴻⴷⴷⴻⵍ ⵏ ⵓⵏⴻⵣⵡⵉ.

ⵙⴻⴳ ⵓⵙⴻⴳⴳⴰⵙ ⴰⵢ ⴷ-ⵢⴻⵜⵜⴻⴷⴷⵓⵏ ⴷ ⴰⵙⴰⵡⴻⵏ, ⴰⴷ ⵢⴻⴱⴷⵓ ⴷⴰⵖ ⴰⴷ ⴷ-ⵢⴻⵜⵜⵉⵍⵉ ⴷⴻⴳ-ⵙ ⵡⴻⵍⵎⵓⴷ ⵏ ⵓⴷⵓⴽⵜⵓⵕⴰ, ⵢⴻⵔⵏⵓ 300 ⵏ ⵢⵉⵏⴻⵍⵎⴰⴷⴻⵏ ⴰⴷ ⵉⵣⴻⵎⵔⴻⵏ ⴰⴷ ⵙⵙⵉⴳⴳⵣⴻⵏ (ⵢⵓⵙⴰⴵⴵⵉⵍⵓⵏ) ⵉⵎⴰⵏ-ⵏⵙⴻⵏ ⴷⴻⴳ ⵡⴻⵍⵎⵓⴷ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵎⴻⵚⵔⵓⴼ ⵏ ⵓⵙⵓⴷⵓ-ⴰ ⵓⵙⵙⵏⴰⵏ ⴰⴼⵔⵉⵇⵉ ⵛⴻⵔⴽⴻⵏ ⵜⴻⵛⵔⴻⴽ ⴷⴻⴳ-ⵙ ⵍⴷⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵍⴰⵍⵎⴰⵏ, ⵢⴻⵔⵏⵓ ⴰⵙⵓⴷⵓ-ⴰ ⴷ ⵢⵉⵡⴻⵏ ⵙⴻⴳ 5 ⵏ ⵢⵉⵙⵓⴷⴰ ⵉⴼⵔⵉⵇⵉⵢⴻⵏ ⴰⵢ ⴷ-ⵢⴻⵍⵀⴰⵏ ⵙ ⴽⵔⴰ ⵏ ⵜⵓⵙⵙⵏⵉⵡⵉⵏ ⴷ ⵜⴻⵙⵏⴰⵜⵡⵉⵍⵉⵏ ⵜⵉⵜⵔⴰⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ.