ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵏⴰⵎⵉⴱⵢⴰ ⵜⴻⴱⴷⴻⴷ « ⵙ ⵍⴵⴻⵀⴷ » ⵖⴻⵔ ⵢⵉⴷⵉⵙ ⵏ ⵡⴻⵣⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⴻⵏⵎⴰⵣⵓⵍⵜ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⴷ ⵜⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ ⵏ ⵏⴰⵎⵉⴱⵢⴰ, ⵏⴻⵜⵓⵎⴱⵧ ⵏⴰⵏⴷⵉ ⵏⴷⴰⵉⵜⵡⴰⵀ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ ⵜⴻⴱⴷⴻⴷ « ⵙ ⵍⴵⴻⵀⴷ » ⵖⴻⵔ ⵢⵉⴷⵉⵙ ⵏ ⵡⴻⵣⵔⴻⴼ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ).
ⴷⴻⴳ ⵜⴳⴰⵔⴰ ⵏ ⵓⴷⵉⵡⴻⵏⵏⵉ-ⵏⵏⴻⵙ (ⵃⵉⵡⴰⵔ) ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵜⴻⵏⵏⴰ-ⴷ ⵜⴻⵏⵎⴰⵣⵓⵍⵜ (ⵏⴰ’ⵉⴱⴰ) ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⵏ ⵏⴰⵎⵉⴱⵢⴰ ⴷⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ « ⵜⴻⴱⴷⴻⴷ ⵙ ⵍⴵⴻⵀⴷ ⵖⴻⵔ ⵡⴻⵣⵔⴻⴼ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ » ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵜⴻⵏⵏⴰ-ⴷ ⴷⴰⴽⴽⴻⵏ ⵏⴰⵎⵉⴱⵢⴰ ⴷ ⵍⴷⵣⴰⵢⴻⵔ ⵎⵙⴻⴼⵀⴰⵎⴻⵏⵜ ⵖⴻⴼ ⵡⴰⵟⴰⵙ ⵏ ⵜⵍⵓⴼⴰ, ⵍⴰⴷⵖⴰ ⵜⵉ ⵏ « ⵡⴻⵣⵔⴻⴼ ⵏ ⵢⵉⵖⴻⵔⴼⴰⵏ ⵉ ⵓⴳⴳⵓⵛⵛⴻⵍⵎⴰⵏ ».
ⵜⴻⵙⵎⴻⴽⵜⵉ-ⴷ ⵎⴰⵙⵙⴰ ⵏⴰⵏⴷⵉ ⵏⴰⵉⵜⵡⴰⵀ ⵙ « ⵡⴰⵙⵙⴰⵖⴻⵏ ⵉⵎⴻⵣⵔⵓⵢⴰⵏⴻⵏ » ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵢⴻⵔⵏⵓ ⵜⴻⵏⵏⴰ-ⴷ ⴷⴰⴽⴽⴻⵏ ⵜⵉⵔⵣⵉ-ⵏⵏⴻⵙ ⵜⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ (ⵉⵟⴰⵔ) ⵏ « ⵓⵙⵙⴻⴵⵀⴻⴷ ⵏ ⵡⴻⵎⵄⴰⵡⴻⵏ ⵙⴻⴳ ⵢⵉⴷⵉⵙ ⴰⵙⴻⵔⵜⴰⵏ ⴷ ⵓⴷⴰⵎⵙⴰⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⵏⴰⵎⵉⴱⵢⴰ ⴷ ⵍⴷⵣⴰⵢⴻⵔ ⵎⵙⴻⴼⵀⴰⵎⴻⵏⵜ ⴰⴷ ⵎⴱⴰⴷⴷⴰⵍⴻⵏⵜ ⵜⵉⵔⵣⴰ ⵏ ⵜⵎⴰⴳⵍⵉⵡⵉⵏ (ⵡⵓⴼⵓⴷ) ⴰⴷ ⵢⴻⵙⵙⵉⵡⴹⴻⵏ ⵖⴻⵔ ⵜⴻⵔⵣⴰ ⵏ ⵡⴻⵙⵡⵉⵔ ⵓⵏⵏⵉⴳ.
ⵉ ⵍⵎⴻⵏⴷ ⵏ ⵡⴰⵢⴰ, ⵜⵅⴻⴱⴱⴻⵔ-ⴷ ⴷⴰⴽⴽⴻⵏ ⵏⴰⵎⵉⴱⵢⴰ ⵜⴻⵔⵥⴻⵎ ⴰⴳⴻⵏⵙⴻⵙ ⴰⴷⵉⵒⵍⵓⵎⴰⵜⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵉ ⵍⵎⴻⵏⴷ ⵏ ⵓⵙⵙⴻⴵⵀⴻⴷ ⵏ ⵡⴻⵎⵄⴰⵡⴻⵏ ⴷⴻⴳ ⵡⴻⵏⵔⴰⵔ ⴰⴷⴰⵎⵙⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴳⴻⵔ ⵜⵉⵖⵔⵉ ⵉ ⵢⴻⵎⵙⴻⴼⵜⵉⵢⴻⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⴽⴽⴻⵏ ⴰⴷ ⵏⴰⴷⵉⵏ ⵜⵉⴳⵏⴰⵜⵉⵏ ⵏ ⵓⵙⵙⴻⴼⵜⵉ ⴰⵎⴰ ⴷⴻⴳ ⵍⴷⵣⴰⵢⴻⵔ, ⴰⵎⴰ ⴷⴻⴳ ⵏⴰⵎⵉⴱⵢⴰ.
