ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵢⴻⵜⵜⴻⴽⴽⵉ ⵎⴰⵙⵙ ⵀⴰⵎⴻⵍ ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵡⴰⵔⵔⴰⵣ ⵏ ⵍⵉⵎⵉⵔ ⵏⴰⵢⴻⴼ ⵉ ⵜⵖⴻⵍⵍⵉⵙⵜ ⵜⴰⵄⵕⴰⴱⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴰⴷ ⵢⴻⵜⵜⴻⴽⴽⵉ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⵜⴰⵖⴻⵍⵏⴰⵡⵜ, ⴰⵊⵉⵏⵉⵕⴰⵍ ⴰⵎⴰⵊⵓⵕ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ, ⵙⴻⴳ ⵡⴰⵙⵙ ⵏ ⵍⵃⴻⴷⴷ ⴷ ⴰⵙⴰⵡⴻⵏ ⴷⴻⴳ ⵜⵓⵏⴻⵙ, ⴷⴻⴳ ⵜⴻⵎⵍⵉⵍⵉⵢⵉⵏ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵍⵉⵎⵉⵔ ⵏⴰⵢⴻⴼ ⵉ ⵜⵖⴻⵍⵍⵉⵙⵜ ⵜⴰⵄⵕⴰⴱⵜ.

ⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵓⵙⴻⵇⵇⴰⵎⵓ-ⴰ ⴰⴷ ⴷ-ⵍⵀⵓⵏ, ⴷⴻⴳ ⵜⴻⵎⵍⵉⵍⵉⵜ-ⴰ, ⵙ ⵓⵙⵙⵓⴽⴽⵓ ⵏ ⵜⵉⵟ ⴷ ⵓⵇⴻⵢⵢⴻⵎ ⵏ ⵢⵉⵜⵜⴻⴽⴽⵉⵢⴻⵏ ⴰⵢ ⴷ-ⴷ-ⵓⵣⵏⴻⵏⵜ ⵜⵙⵓⴷⴰ ⴷ ⵢⵉⵎⴰⵣⵡⴰⵔⴻⵏ (ⵎⵓⵔⴰⵛⵛⴰⵃⵉ) ⵉⵎⵣⵉⵔⴳⴻⵏ ⴷⴻⴳ ⵜⴰⵍⵍⵉⵜ ⵏ ⵜⵉⵎⵎⴰⵣⵡⴻⵔⵜ (ⵙⴻⴳ ⵢⵓⵏⵢⵓ ⵖⴻⵔ ⵏⵡⴻⵎⴱⴻⵕ 2015), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ.

ⴰⵣⵡⵓⵔ-ⴰ (ⵎⵓⴱⴰⴷⴰⵔⴰ) ⵍⵍⴰⵏ ⴷⴻⴳ-ⵙ 10 ⵏ ⵡⴰⵔⵔⴰⵣⴻⵏ. ⵡⵉ ⴷ ⴰⵔⵔⴰⵣ ⵏ ⵡⴻⵎⵍⴰⵣⵎⴰⵔ (ⴰⴷⴰ’) ⴰⵖⴻⵍⵍⵉⵙⴰⵏ, ⴰⵀⵉⵍ ⵏ ⵡⴰⵀⵉⵍⴻⵏ ⵉⵖⴻⵍⵍⵉⵙⴰⵏⴻⵏ ⵉⴼⴻⵔⵔⴰⵙⴻⵏ (ⵔⴰ’ⵉⴷⴰ), ⴰⵔⵔⴰⵣ ⵏ ⵜⴻⵣⵔⴰⵡⵉⵏ ⵜⵉⵖⴻⵍⵍⵉⵙⴰⵏⵉⵏ, ⴰⵔⵔⴰⵣ ⵏ ⵡⴻⴱⴷⴰⵄ ⴷⴻⴳ ⵜⵖⴻⵍⵍⵉⵙⵜ ⴷ ⵡⴰⵔⵔⴰⵣ ⵏ ⵡⴻⴱⴷⴰⵄ ⴷⴻⴳ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴷ ⵜⵣⴰⵍⵖⵉ (ⵎⵉⴷⴰⵍⵉⵢⵢⴰ) ⵏ ⵍⵉⵎⵉⵜ ⵏⴰⵢⴻⴼ ⴰⴷ ⵢⴻⵜⵜⵓⵏⴻⴼⴽⴻⵏ ⴷⴻⴳ ⵢⵉⵊⵉⴼⴻⵕ ⵏ ⵜⵎⴻⵖⵔⴰ ⵏ ⵜⵓⴽⵛⵉ ⵏ ⵡⴰⵔⵔⴰⵣⴻⵏ.

ⵢⴻⵜⵜⵡⴰⵙⴻⵎⵎⴰ-ⴷ ⵎⴰⵙⵙ ⵀⴰⵎⴻⵍ ⵉ ⵓⵜⵜⴻⴽⴽⵉ ⴷⴻⴳ ⵓⵙⴻⵇⵇⴰⵎⵓ-ⴰ ⴷⴻⴳ ⵜⴻⴷⵡⵉⵍⵜ ⵜⵉⵙ 32 ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴰⵢ ⴷ-ⵢⴻⵍⵍⴰⵏ ⴷⴻⴳ ⵎⴻⵖⵔⴻⵙ ⵏ 2015.

ⴰⵙⴻⵎⵎⵉ-ⴰ ⵢⴻⵍⵍⴰ-ⴷ « ⴷ ⵜⴰⵊⵎⵉⵍⵜ ⵏ ⵜⵎⴰⵔⵉⵜ (ⴰⵎⴰⵏⴰ) ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵉ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵎⴰⵙⵙ ⵀⴰⵎⴻⵍ ⴰⴽⴽⴻⵏ ⴰⴷ ⵢⴻⵙⵙⴻⴵⵀⴻⴷ ⴰⵎⵄⴰⵡⴻⵏ ⴰⵖⴻⵍⵍⵉⵙⴰⵏ ⴳⴰⵔ ⵜⵎⵓⵔⴰ ⵜⴰⵄⵕⴰⴱⵉⵏ, ⴰⵙⵡⵉⵔ ⴰⵙⴰⴷⵓⵔⴰⵏ ⵏ ⵜⴻⵎⵙⵓⵍⵜⴰ ⵜⴰⴷⵣⴰⵢⵔⵉⵜ ⴷ ⵓⵙⵙⴻⵜⵔⴻⵔ ⴷ ⵓⵙⵙⴻⴱⵖⴻⵙ ⵏ ⵢⴻⵣⵡⵓⵔⴻⵏ ⴷ ⵓⴼⴰⵔⴻⵙ ⴰⴳⴳⴰⴳⴰⵏ ⵉ ⵓⵙⵙⴻⴵⵀⴻⴷ ⵏ ⵜⵖⴻⵍⵍⵉⵙⵜ ⴷⴻⴳ ⵜⵎⴻⵜⵜⵉⵢⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.

ⵜⵉⵎⵍⵉⵍⵉⵢⵉⵏ-ⴰ ⴰⴷ ⴷ-ⵉⵍⵉⵏⵜ ⴷⴷⴰⵡ ⵍⴻⵄⵏⴰⵢⴰ ⵏ ⵓⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ-ⴰ ⴰⵢⴷⴻⴳ ⵜⵜⴻⴽⴽⴰⵏⵜ ⴷⴰⵖ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ, ⵇⴰⵟⴰⵔ ⴷ ⵍⵓⵕⴷⵓⵏ.

ⵢⴻⵏⵏⵓⵍⴼⴰ-ⴷ ⵡⴰⵔⵔⴰⵣ-ⴰ ⴷⴻⴳ ⵜⴻⵎⵍⵉⵍⵉⵜ ⵜⵉⵙ 32 ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴷⵣⴰⵢⴻⵔ ⴳⴰⵔ 11 ⴷ 12 ⵎⴻⵖⵔⴻⵙ 2015.