Asebter amenzawi

Ad yettekki Mass Hamel deg temlilit n useqqamu n warraz n limir Nayef i tɣellist taɛṛabt

LEZZAYER TAMANEɣT– Ad yettekki unemhal amatu n tɣellist (amn) taɣelnawt, ajiniṛal amajuṛ Abdelghani Hamel, seg wass n lḥedd d asawen deg Tunes, deg temliliyin n useqqamu unnig n limir Nayef i tɣellist taɛṛabt.

Imaslaḍen (aɛḍa’) n useqqamu-a ad d-lhun, deg temlilit-a, s ussukku n tiṭ d uqeyyem n yittekkiyen ay d-d-uznent tsuda d yimazwaren (muraccaḥi) imzirgen deg tallit n timmazwert (seg Yunyu ɣer Nwembeṛ 2015), ɣef wakken ay d-yenna yiwen n welɣu n Tmehla Tamatut n Tɣellist Taɣelnawt.

Azwur-a (mubadara) llan deg-s 10 n warrazen. Wi d arraz n wemlazmar (ada’) aɣellisan, ahil n wahilen iɣellisanen iferrasen (ra’ida), arraz n tezrawin tiɣellisanin, arraz n webdaɛ deg tɣellist d warraz n webdaɛ deg ttawilat n yisalan d tzalɣi (midaliyya) n limit Nayef ad yettunefken deg yijifeṛ n tmeɣra n tukci n warrazen.

Yettwasemma-d Mass Hamel i uttekki deg useqqamu-a deg tedwilt tis 32 n Useqqamu n yineɣlafen aɛṛaben n tɣawsiwin n daxel ay d-yellan deg Meɣres n 2015.

Asemmi-a yella-d « d tajmilt n tmarit (amana) n Useqqamu n yineɣlafen aɛṛaben n tɣawsiwin n daxel i wussisen (maǧhudat) n Mass Hamel akken ad yesseǧhed amɛawen aɣellisan gar tmura taɛṛabin, aswir asaduran n temsulta tadzayrit d ussetrer d ussebɣes n yezwuren d ufares aggagan i usseǧhed n tɣellist deg tmettiyin », ɣef wakken ay d-yenna welɣu-a.

Timliliyin-a ad d-ilint ddaw leɛnaya n umaru amatu n useqqamu-a aydeg ttekkant daɣ Tgelda Tasaɛudit, Qaṭar d Luṛdun.

Yennulfa-d warraz-a deg temlilit tis 32 n Useqqamu n yineɣlafen aɛṛaben n tɣawsiwin n daxel ay d-yellan deg Ldzayer gar 11 d 12 Meɣres 2015.